2 Korinti 2
2
1N do a mʊgɔ nǝl mɨ mɨsɔ mǝ yǝla lɛ n bɛ a daa jen woi, kage n dǝg jen fitǝm nǝl. 2Na n dǝg jen fitǝm nǝlɨ, nuwo dǝg ɨ fulotǝm nǝl lɛɨ, na ke bɔ nǝb nɨ mǝ dǝg ji fitǝm nǝlɨ? 3Mǝ mʊla jem nyɔ kage n bɛ ba n nya nǝb nɨ dǝg ɨ fulotǝm nǝl lɛɨ, a yǝlam nǝji jǝ dǝg ɨ lɛ a fitǝm nǝlɨ. Mɨ mǝ nǝn kǝman a jen gǝm, na n maa fulotǝm nǝlɨ, gwam jenɔ jǝ́ maa fulotǝm nǝl. 4Mǝ mʊla jem mǝ na a mʊgɔ gaalan jǝbɔ fitǝm nǝl jǝbɔ mwɛ num dangǝn. Mǝ mʊla jem bɔ sǝ n dǝg jen fitǝm nǝl. Mǝ mʊla jem sǝ jǝ́ nyǝm swɨtǝm nyan nɨ mǝ maa jem lɛɨ.
Kǝlǝmtǝm A Nʊ Nɨ A Maa Bwɨlangkɛlɨ
5Na kaa nǝl a maa jǝ fitǝm nǝlɨ, ke bɔ a dul mɨ kwaamɨ, a maa a dul jen gwam, kaamɨ a lada, kaamɨ nǝn dǝm nyɔ, mǝ swɨ bɔ n sʊwa jen kɛlɔ a tuu. 6Nʊ nɨ, mwɛtǝm nɨ kɔrɔ nǝbɔ maa gǝm lɛɨ a wʊlam nyɔ. 7Kǝngkɔ a bʊm nyɔ jǝ́ kǝlǝm gǝm, jǝ́ yʌb gǝm nǝl, kage fitǝm nǝl bwɨla a nɔɔ dul gǝnɔ. 8Gǝ na nyɔ mǝ kela jen nɛ jǝ́ nʊng gǝn swɨtǝm jenɔ. 9Mǝ mʊla jem langǝn bwangǝn nɨ sǝ n tɛl jen, sǝ n kuwo kɛna jǝ́ bwangtǝn gola kɛltɨnɔ lɛ gwam dǝngdǝngɨ. 10Nʊ nɨ jǝ́ kǝlǝm gǝm kanjǝlɔ gwamɨ, mǝ tǝmɨ n kǝlǝm gǝm. Jʊ nɨ mǝ kǝlǝmɨ, na jǝ kǝlǝmtǝm woi, mǝ kǝlǝm gǝm a dul jen, a kɛl dul Kiristii. 11Mǝ maa jʊ nɨ kage Mammɔ a nya jatǝm kǝga a dul bǝn. Bǝ ke bɔ nǝb nɨ bǝ nyǝm bɔ golantɨn Mammɨ.
Komtǝm Bulusi A Taruwasaɨ
12Nǝn kwama mǝ bɛ a Taruwasa sǝ n kiyo fulon kɛl lǝmɨ Kiristii, Tɛlalɔ a wum mɨ gola sǝ n maa maajɨ fʌleni. 13Nǝl mǝndɨ a daa bɔ, jʊ a bwɨɨ mǝ nya bɔ kɨla mɨ Titus wo. N jʊ a bwɨ mǝ bǝla ji, mǝ shu a Makidoniyaɨ.
Kutʌm Jelʌn A Mʊgɔ Kiristii
14Bɛ buutǝm kangɔ a yǝlam nyɔ a daagɔ Kwaama woi, wʊnɨ bwangtǝn nɛ jǝbɔ nǝn kwangkwang nǝ ku jelʌn nɛ a gola Kiristii. Nǝn gɔ maa maajɨ lɛ nǝn nǝn sǝ nǝn wa kɛl nyǝmtǝm Kiristii wʊnɨ na kunʌn lǝmɨ a tǝmɔ gǝm gwamɨ. 15Kʊlɨ nǝnɔ n kunʌn lǝmɨ a Kiristii wʊnɨ yiilo a daagɔ Kwaamaɨ woi a mʊgɔ nǝb nɨ jǝ bʊʊ lɛ nǝn jii, jǝbɔ nǝb nɨ a gola kalatǝmɨ. 16Nǝb nɨ a gola kalatǝmɨ, kunʌn nɨ n kunʌn bwaa, wʊnɨ bɛ lɛ nǝn bwaaɨ. A nǝb nɨ nya bʊʊtǝm lɛɨ, kunʌn nɨ n kunʌn kʊlɨ. Nuwo dwal lɛ a do tuulo maajɨ nɨɨ? 17Jʊ a bwɨɨ nǝn na bɔ na nǝb nɨ a ladaɨ, nǝbɔ kiyo kɛl Kwaamaɨ lɛ sǝ ja nyam kemʌni. A nǝnɔ nǝn sʊwa bɨlǝngkɛl kanga Kwaama a gul nǝm bwiyeli, nǝn sʊwa nyɔ a kǝga Kwaamaɨ, na bɛtɔ jwaalɛn Kiristii.
Valgt i Øjeblikket:
2 Korinti 2: DBD
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
©️2024 Luke Initiative for Scripture Translation
2 Korinti 2
2
1N do a mʊgɔ nǝl mɨ mɨsɔ mǝ yǝla lɛ n bɛ a daa jen woi, kage n dǝg jen fitǝm nǝl. 2Na n dǝg jen fitǝm nǝlɨ, nuwo dǝg ɨ fulotǝm nǝl lɛɨ, na ke bɔ nǝb nɨ mǝ dǝg ji fitǝm nǝlɨ? 3Mǝ mʊla jem nyɔ kage n bɛ ba n nya nǝb nɨ dǝg ɨ fulotǝm nǝl lɛɨ, a yǝlam nǝji jǝ dǝg ɨ lɛ a fitǝm nǝlɨ. Mɨ mǝ nǝn kǝman a jen gǝm, na n maa fulotǝm nǝlɨ, gwam jenɔ jǝ́ maa fulotǝm nǝl. 4Mǝ mʊla jem mǝ na a mʊgɔ gaalan jǝbɔ fitǝm nǝl jǝbɔ mwɛ num dangǝn. Mǝ mʊla jem bɔ sǝ n dǝg jen fitǝm nǝl. Mǝ mʊla jem sǝ jǝ́ nyǝm swɨtǝm nyan nɨ mǝ maa jem lɛɨ.
Kǝlǝmtǝm A Nʊ Nɨ A Maa Bwɨlangkɛlɨ
5Na kaa nǝl a maa jǝ fitǝm nǝlɨ, ke bɔ a dul mɨ kwaamɨ, a maa a dul jen gwam, kaamɨ a lada, kaamɨ nǝn dǝm nyɔ, mǝ swɨ bɔ n sʊwa jen kɛlɔ a tuu. 6Nʊ nɨ, mwɛtǝm nɨ kɔrɔ nǝbɔ maa gǝm lɛɨ a wʊlam nyɔ. 7Kǝngkɔ a bʊm nyɔ jǝ́ kǝlǝm gǝm, jǝ́ yʌb gǝm nǝl, kage fitǝm nǝl bwɨla a nɔɔ dul gǝnɔ. 8Gǝ na nyɔ mǝ kela jen nɛ jǝ́ nʊng gǝn swɨtǝm jenɔ. 9Mǝ mʊla jem langǝn bwangǝn nɨ sǝ n tɛl jen, sǝ n kuwo kɛna jǝ́ bwangtǝn gola kɛltɨnɔ lɛ gwam dǝngdǝngɨ. 10Nʊ nɨ jǝ́ kǝlǝm gǝm kanjǝlɔ gwamɨ, mǝ tǝmɨ n kǝlǝm gǝm. Jʊ nɨ mǝ kǝlǝmɨ, na jǝ kǝlǝmtǝm woi, mǝ kǝlǝm gǝm a dul jen, a kɛl dul Kiristii. 11Mǝ maa jʊ nɨ kage Mammɔ a nya jatǝm kǝga a dul bǝn. Bǝ ke bɔ nǝb nɨ bǝ nyǝm bɔ golantɨn Mammɨ.
Komtǝm Bulusi A Taruwasaɨ
12Nǝn kwama mǝ bɛ a Taruwasa sǝ n kiyo fulon kɛl lǝmɨ Kiristii, Tɛlalɔ a wum mɨ gola sǝ n maa maajɨ fʌleni. 13Nǝl mǝndɨ a daa bɔ, jʊ a bwɨɨ mǝ nya bɔ kɨla mɨ Titus wo. N jʊ a bwɨ mǝ bǝla ji, mǝ shu a Makidoniyaɨ.
Kutʌm Jelʌn A Mʊgɔ Kiristii
14Bɛ buutǝm kangɔ a yǝlam nyɔ a daagɔ Kwaama woi, wʊnɨ bwangtǝn nɛ jǝbɔ nǝn kwangkwang nǝ ku jelʌn nɛ a gola Kiristii. Nǝn gɔ maa maajɨ lɛ nǝn nǝn sǝ nǝn wa kɛl nyǝmtǝm Kiristii wʊnɨ na kunʌn lǝmɨ a tǝmɔ gǝm gwamɨ. 15Kʊlɨ nǝnɔ n kunʌn lǝmɨ a Kiristii wʊnɨ yiilo a daagɔ Kwaamaɨ woi a mʊgɔ nǝb nɨ jǝ bʊʊ lɛ nǝn jii, jǝbɔ nǝb nɨ a gola kalatǝmɨ. 16Nǝb nɨ a gola kalatǝmɨ, kunʌn nɨ n kunʌn bwaa, wʊnɨ bɛ lɛ nǝn bwaaɨ. A nǝb nɨ nya bʊʊtǝm lɛɨ, kunʌn nɨ n kunʌn kʊlɨ. Nuwo dwal lɛ a do tuulo maajɨ nɨɨ? 17Jʊ a bwɨɨ nǝn na bɔ na nǝb nɨ a ladaɨ, nǝbɔ kiyo kɛl Kwaamaɨ lɛ sǝ ja nyam kemʌni. A nǝnɔ nǝn sʊwa bɨlǝngkɛl kanga Kwaama a gul nǝm bwiyeli, nǝn sʊwa nyɔ a kǝga Kwaamaɨ, na bɛtɔ jwaalɛn Kiristii.
Valgt i Øjeblikket:
:
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
©️2024 Luke Initiative for Scripture Translation