1 Korinti 2
2
Kiyotǝm Kɛl Kiristii Wʊnɨ Ja Kʊʊɨ
1Nǝn kwama mǝ bɛ a daa jen woi kambɔ, sǝ n sʊwa jen jʊ nɨ Kwaama a nʊng ɨɨ, mǝ bɛ bɔ nǝn daltɔ yʊlan jǝbɔ nyǝmtǝm sʊwatǝm kɛl. 2N kwɛl n do a nǝl mɨ kwama mǝ yǝm nǝbɔ jeni, mɨsɔ mǝ sʊwa kaa kɛl lɛ na ke bɔ a Yesu Kiristii, wʊnɨ ja kʊʊɨ. 3Mǝ bɛ a daa jen woi nǝn gɨyatǝm jǝbɔ taal, jǝbɔ katǝm bʊtɔ kʌbkʌb. 4Sʊwatǝm kɛl mǝndɨ jǝbɔ kiyotǝm fulon kɛl lǝmɨ mǝndɨ, a jelka bɔ kɛl nɔɔtǝm dul jǝbɔ yʊlan. Gǝ nʊng kwaan Yʊwa Kwaamaɨ, 5kage jǝ́ nǝ bɨlǝngkɛl a yʊlan nǝbɨɨ, bɛ a yǝlam a kwaan Kwaamaɨ.
Yʊlan Kwaamaɨ
6A dul kɛl nɨ, nǝ sʊwa yʊlanɔ wo a nǝb nɨ a kwam a kɛl Kwaamaɨ. Ke bɔ a yʊlan kal nɨ. Ke bɔ a nǝb fɔlɔn yooli nɨ, wʊnɨ shu lɛɨ. 7Nǝn sʊwa kɛlɔ a yʊlan Kwaamaɨ nɨ a bwa bwaɨ, wʊnɨ galɨgǝn a yʊm yʊmɨ, yʊlan nɨ Kwaama a ya a kɛl dʊʊlǝn bǝnɨ, na lǝga bɔ a fwal yooligɨɨ. 8A kʊm nǝb maatǝm fɔlɔn kal nɨ, mɨ nʊ nɨ wo a nyǝm fɛkalɨ nɨɨ. Na na ja nyǝm fɛkalɨ nɨɨ, na ja kʊʊ bɔ Tɛlalɔ, nǝ dʊʊlǝn. 9Kanga a mʊla mʊlaɨ sʊwa lɛ gɔ,
“Kanjǝl nɨ nugɔ
a kuwo bɔ woi,
lɔlɔ a nyʊwa bɔ woi,
a dɔ bɔ mʊgɔ nǝl nǝlɨ woi,
n kanjǝlɔ Kwaama a fɛka
nǝb nɨ gǝm swɨ gǝn nɛɨ.”
10Nǝbǝn Kwaama a nʊng bǝn a gola Yʊwaɨ, jʊ a bwɨɨ Yʊwagɔ nǝn gɔ saa kanjǝlɔ lɛ gwamɨ, jǝbɔ kanjǝl nɨ a tushi tushii a Kwaamaɨ. 11Nuwo a kʊm nǝbɨɨ a nyǝm bʊʊlalɨ kaa nǝlɨ, na ke bɔ yʊwa nʊgɨɨ? Gǝ na nyɔ tag, mɨ nʊ nɨ wo a nyǝm bʊʊlalɨ Kwaamaɨ, na ke bɔ Yʊwa Kwaamaɨ. 12A bǝnɔ ke bɔ yʊwa yooli bǝ nyaɨ, n Yʊwa wʊnɨ a bɛ a daagɔ Kwaama woi, sǝ bǝ fɛ bǝ nyǝm kanjǝlɔ Kwaama a nǝ bǝn nǝn kwanɨ. 13Kɛl nɨ nǝ sʊwa lɛɨ, ke bɔ a yʊlan mɛlatǝm nǝfilii, n kɛlɔ Yʊwagɔ a nǝ nǝn gɔ nǝn sʊwaɨ. Nǝn nʊng kanjǝl na Yʊwa a nǝb nɨ nǝn Yʊwa Kwaamaɨ.
14Nǝb nɨ mɨ nǝn Yʊwaɨ, jǝ kɔ kɔ kanjǝl Yʊwa Kwaamaɨ, jʊ a bwɨɨ n jǝ fʌmʌn a daa ji woi. Mɨsɔ jǝ dwal nyǝmtǝmɔ lɛ, jʊ a bwɨɨ n Yʊwa Kwaamaɨ gǝ fɛta ji lɛɨ. 15Nʊ nɨ nǝn Yʊwaɨ, gǝ tɛl tɛl kanjǝlɔ gwam nǝn dʌmʌn. Gǝ nǝn kang gǝn mɨ nʊ nɨ gǝ tɛl gǝn nɛɨ.
16“Nuwo a nyǝm
bʊʊlalɨ Tɛlalɔɨ woi,
la mɛla gǝm lɛɨ?”
Bǝn, bʊʊlalɨ bǝnɔ na a Kiristii.
Valgt i Øjeblikket:
1 Korinti 2: DBD
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
©️2024 Luke Initiative for Scripture Translation
1 Korinti 2
2
Kiyotǝm Kɛl Kiristii Wʊnɨ Ja Kʊʊɨ
1Nǝn kwama mǝ bɛ a daa jen woi kambɔ, sǝ n sʊwa jen jʊ nɨ Kwaama a nʊng ɨɨ, mǝ bɛ bɔ nǝn daltɔ yʊlan jǝbɔ nyǝmtǝm sʊwatǝm kɛl. 2N kwɛl n do a nǝl mɨ kwama mǝ yǝm nǝbɔ jeni, mɨsɔ mǝ sʊwa kaa kɛl lɛ na ke bɔ a Yesu Kiristii, wʊnɨ ja kʊʊɨ. 3Mǝ bɛ a daa jen woi nǝn gɨyatǝm jǝbɔ taal, jǝbɔ katǝm bʊtɔ kʌbkʌb. 4Sʊwatǝm kɛl mǝndɨ jǝbɔ kiyotǝm fulon kɛl lǝmɨ mǝndɨ, a jelka bɔ kɛl nɔɔtǝm dul jǝbɔ yʊlan. Gǝ nʊng kwaan Yʊwa Kwaamaɨ, 5kage jǝ́ nǝ bɨlǝngkɛl a yʊlan nǝbɨɨ, bɛ a yǝlam a kwaan Kwaamaɨ.
Yʊlan Kwaamaɨ
6A dul kɛl nɨ, nǝ sʊwa yʊlanɔ wo a nǝb nɨ a kwam a kɛl Kwaamaɨ. Ke bɔ a yʊlan kal nɨ. Ke bɔ a nǝb fɔlɔn yooli nɨ, wʊnɨ shu lɛɨ. 7Nǝn sʊwa kɛlɔ a yʊlan Kwaamaɨ nɨ a bwa bwaɨ, wʊnɨ galɨgǝn a yʊm yʊmɨ, yʊlan nɨ Kwaama a ya a kɛl dʊʊlǝn bǝnɨ, na lǝga bɔ a fwal yooligɨɨ. 8A kʊm nǝb maatǝm fɔlɔn kal nɨ, mɨ nʊ nɨ wo a nyǝm fɛkalɨ nɨɨ. Na na ja nyǝm fɛkalɨ nɨɨ, na ja kʊʊ bɔ Tɛlalɔ, nǝ dʊʊlǝn. 9Kanga a mʊla mʊlaɨ sʊwa lɛ gɔ,
“Kanjǝl nɨ nugɔ
a kuwo bɔ woi,
lɔlɔ a nyʊwa bɔ woi,
a dɔ bɔ mʊgɔ nǝl nǝlɨ woi,
n kanjǝlɔ Kwaama a fɛka
nǝb nɨ gǝm swɨ gǝn nɛɨ.”
10Nǝbǝn Kwaama a nʊng bǝn a gola Yʊwaɨ, jʊ a bwɨɨ Yʊwagɔ nǝn gɔ saa kanjǝlɔ lɛ gwamɨ, jǝbɔ kanjǝl nɨ a tushi tushii a Kwaamaɨ. 11Nuwo a kʊm nǝbɨɨ a nyǝm bʊʊlalɨ kaa nǝlɨ, na ke bɔ yʊwa nʊgɨɨ? Gǝ na nyɔ tag, mɨ nʊ nɨ wo a nyǝm bʊʊlalɨ Kwaamaɨ, na ke bɔ Yʊwa Kwaamaɨ. 12A bǝnɔ ke bɔ yʊwa yooli bǝ nyaɨ, n Yʊwa wʊnɨ a bɛ a daagɔ Kwaama woi, sǝ bǝ fɛ bǝ nyǝm kanjǝlɔ Kwaama a nǝ bǝn nǝn kwanɨ. 13Kɛl nɨ nǝ sʊwa lɛɨ, ke bɔ a yʊlan mɛlatǝm nǝfilii, n kɛlɔ Yʊwagɔ a nǝ nǝn gɔ nǝn sʊwaɨ. Nǝn nʊng kanjǝl na Yʊwa a nǝb nɨ nǝn Yʊwa Kwaamaɨ.
14Nǝb nɨ mɨ nǝn Yʊwaɨ, jǝ kɔ kɔ kanjǝl Yʊwa Kwaamaɨ, jʊ a bwɨɨ n jǝ fʌmʌn a daa ji woi. Mɨsɔ jǝ dwal nyǝmtǝmɔ lɛ, jʊ a bwɨɨ n Yʊwa Kwaamaɨ gǝ fɛta ji lɛɨ. 15Nʊ nɨ nǝn Yʊwaɨ, gǝ tɛl tɛl kanjǝlɔ gwam nǝn dʌmʌn. Gǝ nǝn kang gǝn mɨ nʊ nɨ gǝ tɛl gǝn nɛɨ.
16“Nuwo a nyǝm
bʊʊlalɨ Tɛlalɔɨ woi,
la mɛla gǝm lɛɨ?”
Bǝn, bʊʊlalɨ bǝnɔ na a Kiristii.
Valgt i Øjeblikket:
:
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
©️2024 Luke Initiative for Scripture Translation