Matius 1
1
Toroꞌna ampe-ampena Yesu Datu: Pipasalamaꞌ
(Luk. 3:23-38)
1Toroꞌna ampe-ampena Yesu Kristus,*#1:1 Kristus i laling sua: Yunani, palleona Datu: Pipasalamaꞌ. Jadiꞌ, i laling sua: tu Padang, nikonai: teng Datu: Pipasalamaꞌ. hatiꞌna Daud, na rara nai Abraham mène: tee,
2Abraham manteme:‑ing Isak,
Isak manteme:‑ing Yakub,
Yakub manteme:‑ing Yehuda pang mantàdi:-tàdina,
3Yehuda manteme:‑ing ung rapi: Peres pang Sera nai Tamar,
Peres manteme:‑ing Hesron,
Hesron manteme:‑ing Ram,
4Ram manteme:‑ing Aminadab,
Aminadab manteme:‑ing Nahasson,
Nahasson manteme:‑ing Salmon,
5Salmon manteme:‑ing Boas nai Rahab,
Boas manteme:‑ing Obed nai Rut,
Obed manteme:‑ing Issai,
6pang Issai manteme:‑ing Datu: Daud.
Nai Daud deaꞌ tempona tu Israel nipaliꞌ mao i Babel, ampe-ampeNa mène: tee,
Daud manteme:‑ing Salomo nai bahinena Uria dolung,
7Salomo manteme:‑ing Rehabeam,
Rehabeam manteme:‑ing Abia,
Abia manteme:‑ing Asa,
8Asa manteme:‑ing Yosapat,
Yosapat manteme:‑ing Yoram,
Usia ampe bulaꞌna Yoram,*#1:8 Usia ampe bulaꞌna Yoram. Usia kona: sintàna: Asarya. Hele i 1Taw. 3:11-12.
9Usia manteme:‑ing Yotam,
Yotam manteme:‑ing Ahas,
Ahas manteme:‑ing Hiskia,
10Hiskia manteme:‑ing Manasse,
Manasse manteme:‑ing Amon,
Amon manteme:‑ing Yosia, 11ampena Yekonia pang mantàdi:-tàdina. Nai anto, tu Israel na paliꞌ tantara Babel mao i lipuna.*#1:11 Tu Israel 70 heaꞌna nipaliꞌ i Babel. Ladu to, sumule:‑mi se mao i Yudea pang i Galilea na pidolung‑ing Serubabel. Hele i sua: 12-13. Jadiꞌ, to tempona aranna Datu: Pipasalamaꞌ, pìniꞌna tu Israel ha one:‑i hura: i Babel (sua: 16-17).
12Ladu nai anto deaꞌ nikianak‑ing ti Yesu, ampe-ampeNa mène: tee,
Yekonia manteme:‑ing Sealtiel,
Sealtiel manteme:‑ing Serubabel,
13Serubabel manteme:‑ing Abihud,
Abihud manteme:‑ing Elyakim,
Elyakim manteme:‑ing Asor,
14Asor manteme:‑ing Sadok,
Sadok manteme:‑ing Akim,
Akim manteme:‑ing Eliud,
15Eliud manteme:‑ing Eleasar,
Eleasar manteme:‑ing Matan,
Matan manteme:‑ing Yakub,
16Yakub manteme:‑ing Yusup, muanena Maria.
Pang nai Maria dea‑mo to ti Yesu nikianak‑ing, ung nikonai: Datu: Pipasalamaꞌ.
17Jadiꞌ, nai Abraham deaꞌ mao i Daud, ara sampulo: ùpaꞌ alena hatiꞌna. Nai Daud deaꞌ tempona tu Israel nipaliꞌ mao i Babel, sampulo: ho ùpaꞌ alena hatiꞌna. Nai tempona tu Israel nipaliꞌ mao i Babel deaꞌ aranna Datu: Pipasalamaꞌ, sampulo: ho ùpaꞌ alena hatiꞌna.
Yesu Datu: Pipasalamaꞌ nikianak‑ing
(Luk. 2:1-7)
18Patidoluangna aranna Yesu Datu: Pipasalamaꞌ mène: tee, Dea ti inanNa, dea‑mo Maria, sikàtui‑mo silopàka sola: Yusup. Hampoꞌ hang silopaka‑mi se, kaleang‑moda. (Kaleang sàbaꞌ kuasanna Pinanaha Malìsong.) 19Jadiꞌ, i laling pinanahanna Yusup, dea‑mo muanenaa Maria, na kàtui teng ti sumuruꞌ, sàbaꞌ tau ung manuruꞌ‑da i alukùna tu Yahudi. Hampoꞌ na aku: ti sumuruꞌ mimmànaꞌ-mànaꞌ, pang hang na ìsang‑i tau, mangking Maria hang mangkorai:‑i madia: nai tau boso:.
20Hampoꞌ tarrang na tangaꞌ, maturunna‑mi pang mupaturu mangita malaikaꞌna Puang mangongi‑ing teꞌ, “Yusup, hatiꞌna Daud, hau mariaꞌ mampubahine Maria, sàbaꞌ dea ti ung na kaleang‑ing, nai Pinanaha Malìsong‑da. 21Mangkianàking‑da besa anaka muane, pang u konaia Yesu (palleona Pipasalamaꞌ), sàbaꞌ Dea‑mo ti ung mampasalamaꞌa taunNa nai dosanna.”*#1:21 Hele i Mas. 130:8.
22Nasang to nipaara, mangking tikannaꞌ ti pusuana Puang ung Na padeaꞌ mangola: nabi moa teꞌ, 23“Anaka bahine ung dang ara‑kang na sola: muane, kaleànga pang mangkianàking muane. Anaka to, nikonaia Imanuel,”*#1:23 Yes. 7:14. (palleona Puang mi pasola:).
24Tòna tèdeꞌ‑mo ti Yusup, na pukauꞌ ti aka ung na pusua: malaikaꞌna Puang, dea‑mo mangala Maria miluhali bahinena. 25Hampoꞌ hara‑mida na sola:‑i se, deaꞌ kianaka ti Maria. Kianaka‑mo, mangkianak‑ing muane, pang na hengi‑ing Yusup kona:, Yesu. Mène:‑mo to ti patidoluangna Puang Yesu tempona nikianak‑ing.
Valgt i Øjeblikket:
Matius 1: skx
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind