Ruumiya 7
7
S̱uura gwina gwo gi agiye
1Nyaŋa lati liliŋidhi, limega lai, (ŋinena nyi gwabiŋaijo ŋediŋaije lina liliŋidhi naamuus,) darnu naamuus gwiro kweleny gwa kwiji ŋwamun ŋwina ŋwimidhuŋwŋwai na? 2Ŋinena kwa gwina gwuthi kwoma gwigukinu naamuus gwai di kwoma gwuŋun ŋwamun ŋwina ŋwimidhuŋwŋwai; abi ada kwoma gwimai, ŋeda gwimagududhini galo gi naamuus gwa kwoma gwuŋun. 3A minoŋ ada ŋwamun ŋwina ŋwimidhuŋwŋwai kwoma gwuŋun, ada gwimela di kwoma gwiter, gwaro gwidhir; abi ada kwoma gwuŋun gwimai, ŋeda gwimagududhini galo gi naamuus ibigwe; a minoŋ ŋeda gwati gwiro gwidhir no, ada gwimela di kwoma gwiter. 4A minoŋ, limaguri lai, nyaŋa ko limai gi naamuus aŋinu yai ya al Masiiẖ; danyaro ladhagini gi kwiji gwiter, gwina gwiro ŋeda gwina gwimadirini dai, dilapa fruuta gwan Kalo. 5Ŋinena ŋwamun ŋwina ŋwijanaŋwai kaŋinu, ŋidi ŋina ŋathamira aŋina ŋina ŋike, ŋina ŋijo gi naamuus ganu, ŋapo ŋiro gi agsaam gwega dilapa fruuta gwadhai. 6Abi ŋinena alŋa limagududhini galo gi naamuus, ŋinena malai gi ŋidi ŋina ŋimuthije kwereny; dilro jine gi dhuŋun dhina dhiyaŋ dha Dhigirim, a gwati gi dhuŋun dhina dhurun dhina dhulinu no.
Naamuus a ŋidi ŋina ŋike
7Abi alŋa larakwai? Naamuus gwiro ŋidi ŋina ŋike a? Oo. Abi nyi gwati gwiliŋidhi ŋida ŋina ŋike no, abi naamuus gwai; ŋinena athiny liŋidhi amiraŋw gwa ŋidi ŋina ŋike, ada naamuus gwati gwabiŋu darnu, Athaŋa ŋidi amirudhi ŋa liji liter no. 8Abi ŋidi ŋina ŋike, dina bujilo lamun lina liŋir amr gwai darnu apo ŋiro diginy amira gwai gwitigwiter gwa ŋidi ŋina ŋike. Ŋinena ada naamuus gwati gwimaje no, a ŋidi ŋina ŋike ŋimai. 9Abi nyi gwijo di midhe gwiny, gwati gwuthi naamuus kwereny no; abi dina ma amr ila, a ŋidi ŋina ŋike midhe, nyibai nyi. 10A amr gwina gwigitinu dapa midhuŋw, nyibuje dapa aiuŋw. 11Ŋinena ŋidi ŋina ŋike ŋapo lamun lina liŋir amr gwai diny ukinejini ganu, a amr gwai ibigwa nyirinya. 12A minoŋ naamuus gwiŋir didirel, a amr gwiŋir didirel, a gwidhunu galo, a gwiŋir. 13Gwina gwiŋir gwimaro gwina gwimapa aiuŋw diginy a? Oo. Abi ŋidi ŋina ŋike ŋiro dilaŋiye ŋida ŋina ŋike dina apilo aiuŋw diginy ŋidi ŋai ŋina ŋiŋir; di ŋidi ŋina ŋike ro ŋina ŋikanu gwuleny amr gwai.
Dhuŋun dhina dhuthi kwiji dhina dhiro ganu ram
14Ŋinena liŋidhana darnu naamuus gwiro dhigirim; abi nyi gwiro gwa aŋinu, gwina gwilinu gwan ŋidi ŋina ŋike. 15Ŋinena ŋidi ŋina ŋathinyilapai ŋati ŋiliŋidhinyilo no; ŋinena ŋidi ŋina ŋathinyil bupe dinyil apai, athinyil apo no; abi ŋina ŋathinyil doinya, ibiŋe ŋiro ŋina ŋathinyil apai. 16Abi ada nyi gwimathapai ŋida ŋina ŋati ŋathinyil bupe dinyil apai no, a nyi gwuminyu naamuus darnu gwiŋir. 17A ŋinena nyi gwati gwiro gwina gwathapai ŋida ibiŋe manaŋ no, abi ŋidi ŋina ŋike ŋiro ŋina ŋathije diginy. 18Nyi gwiliŋidhi darnu ŋidi ŋate ŋina ŋathije diginy ganu, i gi aŋinu ganu iny, ŋina ŋiŋir no; ŋinena athinyi uminyi ŋida ŋina ŋiŋir; athinyibuthi ŋoma dinyilapai no. 19Ŋinena athathiny apo ŋida ŋina ŋiŋir ŋina ŋathinyil bupe dinyilapai no; abi ŋidi ŋina ŋike ŋina ŋati ŋathinyil bupe dinyil apai no, athinyil apai. 20Ada nyi gwimapai ŋida ŋina ŋati ŋathinyil bupe dinyil apai no, nyi gwati gwiro gwina gwathil apai manaŋ no, abi ŋidi ŋiro ŋina ŋike ŋina ŋathije diginy ganu. 21A minoŋ nyi gwimabuje naamuus darnu, maji minyi uminyi dinyapai ŋida ŋina ŋiŋir, a ŋidi ŋina ŋike je diginy. 22Ŋinena nyi gwiŋir dhugore gi naamuus gwa Kalo gi dhuŋun dha kwiji gwina gwo gi dhugor ganu dhiny. 23Abi nyi gwaŋudhi naamuus gwiter gi agsaam gwiny, dilapai ŋoŋora naamuus gwai gwa ŋadigireny ŋiny, dinyi odhadha dinyiro gine ga naamuus gwa ŋidi ŋina ŋike gwina gwijo kwereny gi agsaam gwiny. 24Nyi gwiro kwoma gwina gwiro gine gi dhugor ganu dhiny. Ei gwuthi ŋoma dinyubire kaŋinu ya ai ibigwa? 25Nyi gwaici Kaloŋa shukran Yasuuⓐ al Masiiẖ gwai gwina gwiro Kweleny gwega. A minoŋ nyi gwidom gwai gwiny a ŋadigireny ŋai ŋiny gwupijo naamuus gwa Kalo ŋiro; abi aŋinu yai nyi gwupijo naamuus gwa ŋidi ŋina ŋike ŋiro.
Valgt i Øjeblikket:
Ruumiya 7: HBN
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
First published by the British and Foreign Bible Society in 1966.
Ruumiya 7
7
S̱uura gwina gwo gi agiye
1Nyaŋa lati liliŋidhi, limega lai, (ŋinena nyi gwabiŋaijo ŋediŋaije lina liliŋidhi naamuus,) darnu naamuus gwiro kweleny gwa kwiji ŋwamun ŋwina ŋwimidhuŋwŋwai na? 2Ŋinena kwa gwina gwuthi kwoma gwigukinu naamuus gwai di kwoma gwuŋun ŋwamun ŋwina ŋwimidhuŋwŋwai; abi ada kwoma gwimai, ŋeda gwimagududhini galo gi naamuus gwa kwoma gwuŋun. 3A minoŋ ada ŋwamun ŋwina ŋwimidhuŋwŋwai kwoma gwuŋun, ada gwimela di kwoma gwiter, gwaro gwidhir; abi ada kwoma gwuŋun gwimai, ŋeda gwimagududhini galo gi naamuus ibigwe; a minoŋ ŋeda gwati gwiro gwidhir no, ada gwimela di kwoma gwiter. 4A minoŋ, limaguri lai, nyaŋa ko limai gi naamuus aŋinu yai ya al Masiiẖ; danyaro ladhagini gi kwiji gwiter, gwina gwiro ŋeda gwina gwimadirini dai, dilapa fruuta gwan Kalo. 5Ŋinena ŋwamun ŋwina ŋwijanaŋwai kaŋinu, ŋidi ŋina ŋathamira aŋina ŋina ŋike, ŋina ŋijo gi naamuus ganu, ŋapo ŋiro gi agsaam gwega dilapa fruuta gwadhai. 6Abi ŋinena alŋa limagududhini galo gi naamuus, ŋinena malai gi ŋidi ŋina ŋimuthije kwereny; dilro jine gi dhuŋun dhina dhiyaŋ dha Dhigirim, a gwati gi dhuŋun dhina dhurun dhina dhulinu no.
Naamuus a ŋidi ŋina ŋike
7Abi alŋa larakwai? Naamuus gwiro ŋidi ŋina ŋike a? Oo. Abi nyi gwati gwiliŋidhi ŋida ŋina ŋike no, abi naamuus gwai; ŋinena athiny liŋidhi amiraŋw gwa ŋidi ŋina ŋike, ada naamuus gwati gwabiŋu darnu, Athaŋa ŋidi amirudhi ŋa liji liter no. 8Abi ŋidi ŋina ŋike, dina bujilo lamun lina liŋir amr gwai darnu apo ŋiro diginy amira gwai gwitigwiter gwa ŋidi ŋina ŋike. Ŋinena ada naamuus gwati gwimaje no, a ŋidi ŋina ŋike ŋimai. 9Abi nyi gwijo di midhe gwiny, gwati gwuthi naamuus kwereny no; abi dina ma amr ila, a ŋidi ŋina ŋike midhe, nyibai nyi. 10A amr gwina gwigitinu dapa midhuŋw, nyibuje dapa aiuŋw. 11Ŋinena ŋidi ŋina ŋike ŋapo lamun lina liŋir amr gwai diny ukinejini ganu, a amr gwai ibigwa nyirinya. 12A minoŋ naamuus gwiŋir didirel, a amr gwiŋir didirel, a gwidhunu galo, a gwiŋir. 13Gwina gwiŋir gwimaro gwina gwimapa aiuŋw diginy a? Oo. Abi ŋidi ŋina ŋike ŋiro dilaŋiye ŋida ŋina ŋike dina apilo aiuŋw diginy ŋidi ŋai ŋina ŋiŋir; di ŋidi ŋina ŋike ro ŋina ŋikanu gwuleny amr gwai.
Dhuŋun dhina dhuthi kwiji dhina dhiro ganu ram
14Ŋinena liŋidhana darnu naamuus gwiro dhigirim; abi nyi gwiro gwa aŋinu, gwina gwilinu gwan ŋidi ŋina ŋike. 15Ŋinena ŋidi ŋina ŋathinyilapai ŋati ŋiliŋidhinyilo no; ŋinena ŋidi ŋina ŋathinyil bupe dinyil apai, athinyil apo no; abi ŋina ŋathinyil doinya, ibiŋe ŋiro ŋina ŋathinyil apai. 16Abi ada nyi gwimathapai ŋida ŋina ŋati ŋathinyil bupe dinyil apai no, a nyi gwuminyu naamuus darnu gwiŋir. 17A ŋinena nyi gwati gwiro gwina gwathapai ŋida ibiŋe manaŋ no, abi ŋidi ŋina ŋike ŋiro ŋina ŋathije diginy. 18Nyi gwiliŋidhi darnu ŋidi ŋate ŋina ŋathije diginy ganu, i gi aŋinu ganu iny, ŋina ŋiŋir no; ŋinena athinyi uminyi ŋida ŋina ŋiŋir; athinyibuthi ŋoma dinyilapai no. 19Ŋinena athathiny apo ŋida ŋina ŋiŋir ŋina ŋathinyil bupe dinyilapai no; abi ŋidi ŋina ŋike ŋina ŋati ŋathinyil bupe dinyil apai no, athinyil apai. 20Ada nyi gwimapai ŋida ŋina ŋati ŋathinyil bupe dinyil apai no, nyi gwati gwiro gwina gwathil apai manaŋ no, abi ŋidi ŋiro ŋina ŋike ŋina ŋathije diginy ganu. 21A minoŋ nyi gwimabuje naamuus darnu, maji minyi uminyi dinyapai ŋida ŋina ŋiŋir, a ŋidi ŋina ŋike je diginy. 22Ŋinena nyi gwiŋir dhugore gi naamuus gwa Kalo gi dhuŋun dha kwiji gwina gwo gi dhugor ganu dhiny. 23Abi nyi gwaŋudhi naamuus gwiter gi agsaam gwiny, dilapai ŋoŋora naamuus gwai gwa ŋadigireny ŋiny, dinyi odhadha dinyiro gine ga naamuus gwa ŋidi ŋina ŋike gwina gwijo kwereny gi agsaam gwiny. 24Nyi gwiro kwoma gwina gwiro gine gi dhugor ganu dhiny. Ei gwuthi ŋoma dinyubire kaŋinu ya ai ibigwa? 25Nyi gwaici Kaloŋa shukran Yasuuⓐ al Masiiẖ gwai gwina gwiro Kweleny gwega. A minoŋ nyi gwidom gwai gwiny a ŋadigireny ŋai ŋiny gwupijo naamuus gwa Kalo ŋiro; abi aŋinu yai nyi gwupijo naamuus gwa ŋidi ŋina ŋike ŋiro.
First published by the British and Foreign Bible Society in 1966.