Aⲁmaal Ar Rusul 8
8
Dhagirini a bai galo gwa Masiiẖiyiin
1A Shaawul uminyi darnu Istifaanuus gwarinyini. Gi ŋwamun ibiŋwe athi liji dhagirini kaniisa gwuleny gina gijo gi Urushaliim; a liji peth bai galo gi ŋwen ŋwa Yahuudiiya a Saamira, abi liji lina lukejinu cucun jalo. 2A liji lina luminyu Kaloŋa apai Istifaanuusuŋw algwurce, alare alrunijo gwuleny. 3Athibi Shaawul digir galo kaniisa gai, athuŋw uni gi dunu peth, ŋwodha loma a la ŋwulgeta gi sijn.
Fiilibbus gwijo gi Saamira
4Athibi liji lina libai galo ela kalo peth alabiŋaijo lijo Dhuŋuna dhina Dhiŋir. 5A Fiilibbus ule gi mediina gwina gwan Saamira, athuŋw abiŋaijo lijo dhuŋuna dha al Masiiẖ. 6A liji deŋinaijo Fiilibbusuŋw dhugor dhai dhetipo dina maldiŋini alaŋa ŋiro ŋina ŋipiŋipa ŋina ŋapuŋwulo. 7Ŋinena aro nyuriny gwuleny, altu por gi liji loinyadho lina luthilo; a liji loinyadho lina laio aŋina nono, a lina liro jibijoŋ, alure nono. 8A liji iŋir dugore gwuleny gi mediina ibigwe.
Simⓐaan gwina gwiro gwuma
9Abi kwiji gweta gwijo, gwina gwan Simⓐaan, gwina gwathapai ŋima kwereny gi mediina ibigwe, athuŋw alije lijo galo dir la Saamira, athuŋw arnu ŋeda gwinaŋ. 10Athibi liji peth deŋinaijo, lina litilitiny a lina lipilipa, alarnu, Kwiji ibigwa gwiro ŋoma ŋa Kalo ŋina ŋinaŋ. 11Athil deŋinaijo, ŋinena athuŋw alije lijo galo dir ŋima ŋai ŋuŋun kaija gina golaŋ ganu. 12Abi dina mal uminyi dhuŋuna dhina dhabiŋu Fiilibbus dhan dhuŋun dha gidhila ga Kalo gi jiriny ja Yasuuⓐ al Masiiẖ, alⓐamidhini, loma a la. 13A Simⓐaan ko uminyi, a dina muŋw ⓐamidhini, athilje Fiilibbus gwai, ŋwalo galo dir dina muŋw aŋa ŋiro ŋina ŋipiŋipa a ŋoma ŋina ŋinaŋ ŋina ŋupinu.
Buṯrusŋa Yuuẖanna gwai gi Saamira
14A dina ma liji diŋini lina lukejinu lina lijo gi Urushaliim darnu liji la Saamira limuminyi dhuŋuna dha Kalo, alukeja Buṯrusŋaije Yuuẖanna gwai degen. 15A dina mal uludha galo galiny, alabiŋadhaijo Kaloŋa degen gwai dilapai Dhigirima dhina Dhiŋir; 16(ŋinena athuŋw ulo kwiji alaŋ gweda degen kwereny no, abi liⓐamidhinu gi jiriny ja Kweleny gwina gwan Yasuuⓐ dogo.) 17Anbi ŋediŋa geta doi alaŋ degen, a Dhigirim dhina Dhiŋir ula degen. 18A dina ma Simⓐaan aŋa lijo lina lukejinu dingeta doi alaŋ a Dhigirim dhina Dhiŋir ula degen, ŋwari luŋwuldhedha gwarush, 19ŋwarnu, Dhedhinyilo ŋelenya ibiŋa ko, di ada nyi gwimageta doi kwiji alaŋ gweda ŋwapai Dhigirima dhina Dhiŋir. 20Abi Buṯrus aicinu, Gwarush gwuŋa gwanya gwerna, ŋinena araŋanu ŋa gwelaŋ dhedhaŋw tur gwa Kalo gwarush gwai. 21Ŋa gwati gwuthi dhuŋuna dhetipo i gura gi dhuŋun ibidha no, ŋinena athi dhugor dhuŋa dhunu galo gi je ganu ja Kalo no. 22Abi urlo dhugore galo dhuŋa gi dhuŋun dhuŋa ibidha dhina dhike, ŋothaije Kaloŋa galo udubidi gwadhudhani ganu gi fikr gwa dhugor dhuŋa. 23Nyi gwiliŋidhi darnu ŋa gwuthi dhuŋuna dhina dhire gi dhugor ganu dhuŋa, a ŋidi ŋina ŋike ŋigukaŋa. 24A Simⓐaan abiŋaijo, ŋwaici, Abiŋadhaijul Kaloŋa diginy, dathi ŋidi ŋeda ŋa ŋidi ibiŋa ŋina ŋabiŋaijinyilo jo diginy no. 25A dina malaŋajo lijo dhuŋuna dhina dhiliŋidhilo a mallabiŋaijo dhuŋuna dha Kweleny, alaura gi Urushaliim, alabiŋaijo lijo la ŋwen ŋwoinyadho ŋwa Saamira Dhuŋuna dhina Dhiŋir.
Fiilibbusŋa dhumiri dhai
26Abi malaak gwa Kweleny abiŋaijo Fiilibbusuŋw ŋwaicinu, Diro ŋela gi dhai dhina dhathela januub gwai gi dhai dhina dhathule gi Urushaliim ŋwela Qaza, gwina gwiro leba. 27Ŋwudire ŋwela. A kwiji gweta gwa H̱abash, gwina gwiro dhumiri, gwiro kweleny gwa Kandaaka, malika gwa H̱abashiyiin, gwathidima ŋida ŋa malika ŋina ŋauwadhinu, a ŋeda ila gi Urushaliim dorthadha Kaloŋa. 28Ŋwubari gwaurai; ŋwujalo kⓐarabiiya alaŋ yuŋun, a ŋeda abiŋaijo kitham ga nebi gwina gwan Ishaⓐya. 29A Dhigirim aici Fiilibbusuŋw nu, Dogadhi githo ŋalo kⓐarabiiya alaŋ ibiya. 30A Fiilibbus orta dugun, ŋwudiŋini dabiŋaijo kitham ga nebi gwina gwan Ishaⓐya, ŋwaici, Ŋa gwiliŋidhi dhuŋuna dhina dhabiŋaijaŋa kitham ganu a? 31Ŋwubarnu, Dhinyiliŋa akwai ada kwiji gweda gwati gwiminyaŋajo no? Ŋwubupe Fiilibbusuŋw duŋwalo algwijalo. 32Abi kalo ga kitham gina gabiŋaijuŋw giro ibiga. Gwudhinu gwiro ŋinena kaŋal gadhi dhuge; a gwiro ŋinena lirainy lina lathidhuna jigwoiny gi je ganu ja gwina gwathuru jola juŋun, minoŋ athuŋw igiyo ŋwinyu ŋwuŋun no. 33Rujini gwai gwitiny gwuŋun dhuŋun dha dhakimiye dhina dhuthuŋw dhimupini dugun. A ei gwuthi ŋoma daŋiye dhuŋuna dhan ŋeda gi liji lina lijo gi ŋwamun ŋwuŋun, ŋinena ma midhe gwuŋun upini kidhila. 34A dhumiri abiŋaijo Fiilibbusuŋw ŋwaici, Nyi gwaŋa othaije galo darnu, kwiji gwan ei gwina gwabiŋudhina nebi? Dhuŋun ibidha dhan ŋeda, i dhan kwiji gwiter? 35A Fiilibbus igiye ŋwinyu ŋwuŋun, ŋwabiŋaijo dhuŋuna dha kitham ibiga kwereny, ŋwubaji ŋwabiŋaijo dhuŋuna dhan Yasuuⓐ. 36A dina jilo dela gi dhai alaŋ, alobani kalo ga ŋau, a dhumiri arnu, Aŋadhi, ŋau ŋo mina. Dhuŋun dhiro dhaŋ dhina dhinyi ekajo dapai maⓐmuudiiya? 37A Fiilibbus arnu, Ada ŋa gwimuminyi dhugor dhai dhuŋa peth, ŋa gwuthi ŋoma. Ŋwabiŋaijo ŋwaicinu, Nyi gwuminyu darnu Yasuuⓐ al Masiiẖ gwiro Ŋari ŋa Kalo. 38Ŋwabiŋaijo di ⓐarabiiya dhuna. Alule ram ŋau ganu, Fiilibbus a dhumiri, ŋwuⓐamidhiye. 39A dina maltuiya ŋau ganu, a Dhigirim dha Kweleny apai Fiilibbusuŋw; athi dhumiri aŋadhi manaŋ no. Ŋwubela gi dhai dhuŋun gwiŋir dhugore. 40A Fiilibbus bujini gi Ashduud, a dina idhuŋw athuŋw abiŋaijo lijo peth la ŋwen peth Dhuŋuna dhina Dhiŋir, di ŋwila gi Ges̱ariiya.
Valgt i Øjeblikket:
Aⲁmaal Ar Rusul 8: HBN
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
First published by the British and Foreign Bible Society in 1966.
Aⲁmaal Ar Rusul 8
8
Dhagirini a bai galo gwa Masiiẖiyiin
1A Shaawul uminyi darnu Istifaanuus gwarinyini. Gi ŋwamun ibiŋwe athi liji dhagirini kaniisa gwuleny gina gijo gi Urushaliim; a liji peth bai galo gi ŋwen ŋwa Yahuudiiya a Saamira, abi liji lina lukejinu cucun jalo. 2A liji lina luminyu Kaloŋa apai Istifaanuusuŋw algwurce, alare alrunijo gwuleny. 3Athibi Shaawul digir galo kaniisa gai, athuŋw uni gi dunu peth, ŋwodha loma a la ŋwulgeta gi sijn.
Fiilibbus gwijo gi Saamira
4Athibi liji lina libai galo ela kalo peth alabiŋaijo lijo Dhuŋuna dhina Dhiŋir. 5A Fiilibbus ule gi mediina gwina gwan Saamira, athuŋw abiŋaijo lijo dhuŋuna dha al Masiiẖ. 6A liji deŋinaijo Fiilibbusuŋw dhugor dhai dhetipo dina maldiŋini alaŋa ŋiro ŋina ŋipiŋipa ŋina ŋapuŋwulo. 7Ŋinena aro nyuriny gwuleny, altu por gi liji loinyadho lina luthilo; a liji loinyadho lina laio aŋina nono, a lina liro jibijoŋ, alure nono. 8A liji iŋir dugore gwuleny gi mediina ibigwe.
Simⓐaan gwina gwiro gwuma
9Abi kwiji gweta gwijo, gwina gwan Simⓐaan, gwina gwathapai ŋima kwereny gi mediina ibigwe, athuŋw alije lijo galo dir la Saamira, athuŋw arnu ŋeda gwinaŋ. 10Athibi liji peth deŋinaijo, lina litilitiny a lina lipilipa, alarnu, Kwiji ibigwa gwiro ŋoma ŋa Kalo ŋina ŋinaŋ. 11Athil deŋinaijo, ŋinena athuŋw alije lijo galo dir ŋima ŋai ŋuŋun kaija gina golaŋ ganu. 12Abi dina mal uminyi dhuŋuna dhina dhabiŋu Fiilibbus dhan dhuŋun dha gidhila ga Kalo gi jiriny ja Yasuuⓐ al Masiiẖ, alⓐamidhini, loma a la. 13A Simⓐaan ko uminyi, a dina muŋw ⓐamidhini, athilje Fiilibbus gwai, ŋwalo galo dir dina muŋw aŋa ŋiro ŋina ŋipiŋipa a ŋoma ŋina ŋinaŋ ŋina ŋupinu.
Buṯrusŋa Yuuẖanna gwai gi Saamira
14A dina ma liji diŋini lina lukejinu lina lijo gi Urushaliim darnu liji la Saamira limuminyi dhuŋuna dha Kalo, alukeja Buṯrusŋaije Yuuẖanna gwai degen. 15A dina mal uludha galo galiny, alabiŋadhaijo Kaloŋa degen gwai dilapai Dhigirima dhina Dhiŋir; 16(ŋinena athuŋw ulo kwiji alaŋ gweda degen kwereny no, abi liⓐamidhinu gi jiriny ja Kweleny gwina gwan Yasuuⓐ dogo.) 17Anbi ŋediŋa geta doi alaŋ degen, a Dhigirim dhina Dhiŋir ula degen. 18A dina ma Simⓐaan aŋa lijo lina lukejinu dingeta doi alaŋ a Dhigirim dhina Dhiŋir ula degen, ŋwari luŋwuldhedha gwarush, 19ŋwarnu, Dhedhinyilo ŋelenya ibiŋa ko, di ada nyi gwimageta doi kwiji alaŋ gweda ŋwapai Dhigirima dhina Dhiŋir. 20Abi Buṯrus aicinu, Gwarush gwuŋa gwanya gwerna, ŋinena araŋanu ŋa gwelaŋ dhedhaŋw tur gwa Kalo gwarush gwai. 21Ŋa gwati gwuthi dhuŋuna dhetipo i gura gi dhuŋun ibidha no, ŋinena athi dhugor dhuŋa dhunu galo gi je ganu ja Kalo no. 22Abi urlo dhugore galo dhuŋa gi dhuŋun dhuŋa ibidha dhina dhike, ŋothaije Kaloŋa galo udubidi gwadhudhani ganu gi fikr gwa dhugor dhuŋa. 23Nyi gwiliŋidhi darnu ŋa gwuthi dhuŋuna dhina dhire gi dhugor ganu dhuŋa, a ŋidi ŋina ŋike ŋigukaŋa. 24A Simⓐaan abiŋaijo, ŋwaici, Abiŋadhaijul Kaloŋa diginy, dathi ŋidi ŋeda ŋa ŋidi ibiŋa ŋina ŋabiŋaijinyilo jo diginy no. 25A dina malaŋajo lijo dhuŋuna dhina dhiliŋidhilo a mallabiŋaijo dhuŋuna dha Kweleny, alaura gi Urushaliim, alabiŋaijo lijo la ŋwen ŋwoinyadho ŋwa Saamira Dhuŋuna dhina Dhiŋir.
Fiilibbusŋa dhumiri dhai
26Abi malaak gwa Kweleny abiŋaijo Fiilibbusuŋw ŋwaicinu, Diro ŋela gi dhai dhina dhathela januub gwai gi dhai dhina dhathule gi Urushaliim ŋwela Qaza, gwina gwiro leba. 27Ŋwudire ŋwela. A kwiji gweta gwa H̱abash, gwina gwiro dhumiri, gwiro kweleny gwa Kandaaka, malika gwa H̱abashiyiin, gwathidima ŋida ŋa malika ŋina ŋauwadhinu, a ŋeda ila gi Urushaliim dorthadha Kaloŋa. 28Ŋwubari gwaurai; ŋwujalo kⓐarabiiya alaŋ yuŋun, a ŋeda abiŋaijo kitham ga nebi gwina gwan Ishaⓐya. 29A Dhigirim aici Fiilibbusuŋw nu, Dogadhi githo ŋalo kⓐarabiiya alaŋ ibiya. 30A Fiilibbus orta dugun, ŋwudiŋini dabiŋaijo kitham ga nebi gwina gwan Ishaⓐya, ŋwaici, Ŋa gwiliŋidhi dhuŋuna dhina dhabiŋaijaŋa kitham ganu a? 31Ŋwubarnu, Dhinyiliŋa akwai ada kwiji gweda gwati gwiminyaŋajo no? Ŋwubupe Fiilibbusuŋw duŋwalo algwijalo. 32Abi kalo ga kitham gina gabiŋaijuŋw giro ibiga. Gwudhinu gwiro ŋinena kaŋal gadhi dhuge; a gwiro ŋinena lirainy lina lathidhuna jigwoiny gi je ganu ja gwina gwathuru jola juŋun, minoŋ athuŋw igiyo ŋwinyu ŋwuŋun no. 33Rujini gwai gwitiny gwuŋun dhuŋun dha dhakimiye dhina dhuthuŋw dhimupini dugun. A ei gwuthi ŋoma daŋiye dhuŋuna dhan ŋeda gi liji lina lijo gi ŋwamun ŋwuŋun, ŋinena ma midhe gwuŋun upini kidhila. 34A dhumiri abiŋaijo Fiilibbusuŋw ŋwaici, Nyi gwaŋa othaije galo darnu, kwiji gwan ei gwina gwabiŋudhina nebi? Dhuŋun ibidha dhan ŋeda, i dhan kwiji gwiter? 35A Fiilibbus igiye ŋwinyu ŋwuŋun, ŋwabiŋaijo dhuŋuna dha kitham ibiga kwereny, ŋwubaji ŋwabiŋaijo dhuŋuna dhan Yasuuⓐ. 36A dina jilo dela gi dhai alaŋ, alobani kalo ga ŋau, a dhumiri arnu, Aŋadhi, ŋau ŋo mina. Dhuŋun dhiro dhaŋ dhina dhinyi ekajo dapai maⓐmuudiiya? 37A Fiilibbus arnu, Ada ŋa gwimuminyi dhugor dhai dhuŋa peth, ŋa gwuthi ŋoma. Ŋwabiŋaijo ŋwaicinu, Nyi gwuminyu darnu Yasuuⓐ al Masiiẖ gwiro Ŋari ŋa Kalo. 38Ŋwabiŋaijo di ⓐarabiiya dhuna. Alule ram ŋau ganu, Fiilibbus a dhumiri, ŋwuⓐamidhiye. 39A dina maltuiya ŋau ganu, a Dhigirim dha Kweleny apai Fiilibbusuŋw; athi dhumiri aŋadhi manaŋ no. Ŋwubela gi dhai dhuŋun gwiŋir dhugore. 40A Fiilibbus bujini gi Ashduud, a dina idhuŋw athuŋw abiŋaijo lijo peth la ŋwen peth Dhuŋuna dhina Dhiŋir, di ŋwila gi Ges̱ariiya.
Valgt i Øjeblikket:
:
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
First published by the British and Foreign Bible Society in 1966.