Aⲁmaal Ar Rusul 2
2
Dhigirim dhina Dhiŋir dhidhedhinu gi liji tur
1Gi lamun la Ŋidwa ŋadhi Rinyate ŋina ŋan Yom al Khamsiin, a ŋediŋa peth je kalo getipo aluthi dhugore dhetipo, 2an ŋwal iladha ganu babraŋ gi Sama ŋwiro ŋinena karun gina giro luer, a ŋwoinyadhe duna gwina gwijina ganu. 3A diŋila aŋini degen diro ŋinena diŋila da iga diguginudho ganu, alje degen alaŋ gweta gweta. 4A ŋediŋa peth oinyadhe Dhigirima dhina Dhiŋir, alabiŋi dhuŋuna dha diŋila ditiditer, gwiro ŋinena dhedhilo Dhigirim dilabiŋi. 5A Yahuud, lina liŋir, gi liji peth la gidhila, lijo Urushaliim. 6A dina ma liji loinyadho diŋini dhuŋuna ibidha, alauradha liduŋw, alalo galo dir, ŋinena diŋinilo gweta gweta dabiŋi gi dhuŋun dha dhiŋila dhuŋun. 7Alali galo dir peth gwuleny, alireye je galo gi dhuŋun ibidha, alabiŋaijiye gweta gweta, alarnu, Aŋadhi, liji ibila peth lina labiŋu lati liro Jaliliiyiin na? 8Abi akwai anaŋa lidiŋinu gweta gweta gi dhuŋun dha dhiŋila dhuŋun, dhina dhiliŋinuŋwna ganu? 9Fartiyiin, a Maadiyiin, a Ⓐiilaamiiyiin, a liji lina lathije Ma ben al Baẖren, a Yahuudiiya, a Kabbaduukiiya, a Buntus, a Asiiya, 10a Fariijiiya, a Bamfiiliiya, a Mas̱r, a kalo geta geta ga Liibiiya gina gathijadha Gerawaaniiya, a lirin lina lidhi Ruumiya, a Yahuud a liji liter lina luminyu dhuŋuna dha Yahuud, 11a Kariitiyiin a Ⓐarabiiyiin, analbi diŋini dilabiŋi dhuŋuna dha diŋila dega ŋiro ŋai ŋa Kalo ŋina ŋinaŋ. 12Albalo galo dir peth, alube galo, alabiŋaijiye gweta gweta degen ganu alarnu, Aŋ gwiro dhuŋun ibidha? 13Abi liter akejuma alarnu, Ŋediŋa lirilelo ŋau ŋai ŋa dhugur ŋina ŋiyaŋ.
Dhuŋun dhina dhabiŋu Buṯrus gi Yom al Khamsiin
14Abi Buṯrus direlaŋ liji lai lina liro die‐a‐gwetipo, ŋwulabiŋaijo ŋwal ŋwai ŋwina ŋwipa, ŋwulaicinu, Liji lai la Yahuudiiya, a nyaŋa peth lina lathije gi Urushaliim, abricul dhuŋuna ibidha ŋwuliŋini dagalo, a diŋinul dhuŋuna dhiny. 15Liji ibila lati lirilelo, gwiro ŋinena aranyana no, ŋinena saaⓐa jiro thudhina‐kworoŋo ja kaŋin ganu dogo, 16abi dhuŋun ibidha dhiro dhina dhabiŋudhai nebi gwina gwan Yuuyiil ŋwarnu: 17Kalo garnu, Gi ŋwamun ŋwina ŋwiro gidon nyi gwaji gwabuluja lijo peth Dhigirima nono dhiny, a keleŋa galo gina giro loma a gina giro nyera gabiŋaijo lijo dhuŋuna dhina dhaji dhila, a jamal jalo jaji jaŋa dhuŋuna dhina dhiro ŋinena diŋidi, a liji lalo lina lurun laji lal diŋidi eny. 18A gi ŋwamun ibiŋwa nyi gwaji gwabuluja jinea jiny jina jiro loma a jina jiro la Dhigirima nono dhiny ko; alabiŋaijo lijo dhuŋuna dhina dhaji dhila. 19A nyi gwaji gwaŋiya ŋida ŋina ŋathalije lijo galo dir gi Sama kabo, a ⓐalaamaat kidhila galiny; ŋin a iga a gwuluŋw; 20a aŋin yaji yarimi ganu, a gwuwa gwamidini ŋina, kwereny nanaŋ lamun la Kweleny lina linaŋ gwuleny lati lidhi no. 21A liji peth lina lurnio jiriny jai ja Kweleny lagilaŋini. 22Liji lai la Israayiil, diŋinul dhuŋuna ibidha; Yasuuⓐ gwa Naas̱ira, kwiji gwina gwimajigwai Kalo aŋajo darnu gwiŋir ŋiro ŋai ŋina ŋinaŋ a ŋiro ŋai ŋina ŋathalije lijo galo dir a ŋiro ŋai ŋina ŋipiŋipa, ŋina ŋigetilo Kalo dhoi dhai dhuŋun keligeny ganu dagalo, gwiro ŋinena liŋidhanyana ko. 23Ŋeda, gwina gwimanya apai, gwina gwigitinu kwereny bupe gwai gwa Kalo dapai dhuŋuna ibidha, a doi dai da liji lina like gwimanya alije gi lure alaŋ line limaliganu a gwimanya rinya; 24gwina gwima Kalo direye dai, ŋwirniye ŋwuredenya ŋwa dhai, ŋinena ŋwuredeny ŋwa dhai ŋwati ŋwuthi ŋoma dije dugun no. 25Ŋinena abiŋudhi Daawud dugun ŋwarnu, Nyi gwathaŋa Kwelenya gi je ganu jiny gwortal, gwo gwidhunudhi gi dhoi dhiny dhina dhiro dhiŋir, dathinyi ubo galo no. 26A minoŋ a dhugor dhiny iŋir ganu, a dhiŋila dhiny uthi iŋiruŋw ganu; di a aŋinu iny ko je gi dhunijo. 27Ŋinena athanya gathanu dhigirima dhiny kalo gina gathin liji je lina laio no, i athaŋa abrico gweta gwuŋa gwina gwiŋir didirel duŋwaŋa digiruŋw no. 28Ŋa gwiminyi aŋajo dai dadhi midhe; a ŋa gwaji gwinyi oinyaje iŋiruŋw ganu je jai juŋa. 29Liji lai lina liro limega, abricinyilo dajabiŋaijo dhuŋuna ibidha galo ditir dhan Kweleny gwa baboŋa lega gwina gwan Daawud, darnu gwaio ŋwugwurcini, a dhel dhuŋun dhoma daguri di gi lamun ibila. 30Abi ŋeda gwiro nebi, a gwiliŋidhi darnu gwalifijo Kalo ẖalaf gwai, darnu gi ŋwulaŋ ŋwa kwiriny gwuŋun, gi dhuŋun dha aŋinu, gwadireye al Masiiẖuŋw duŋwjalo kursi alaŋ guŋun; 31ŋinena aŋadhuŋw dhuŋuna ibidha ro kwereny, ŋwabiŋi gi dhuŋun dha dire dai gwa al Masiiẖ, darnu ŋa gwati gwagathani dhigirima dhuŋun kalo gina gathin liji je lina laio, i athi aŋinu yuŋun aŋadhi digiruŋw no. 32Yasuuⓐ ibigwa gwima Kalo direye dai, a anaŋa peth liro shuhuud gi dhuŋun ibidha. 33Ŋinena alijo Kalo babo dhoi dhai dhuŋun dhina dhiro dhiŋir, ŋinena gwimapai Dhigirima dhina Dhiŋir dhina dharildhai di Babo, a gwimabuluja dhuŋuna ibidha dhina dhaŋadhanya a dhina dhidiŋinanya ŋinena. 34Daawud gwati gwiro gwina gwudhi gi Sama no; ŋwubarnu, Kweleny gwabiŋaijo Kwelenya gwiny, ŋwaici, Jalo gi dhoi dhiny dhina dhiro dhiŋir, 35di minyi ruje lijo gidhur ga ŋwora ŋwuŋa lina likianyalai. 36Abricul lijo peth la dunu gwa Israayiil alliŋa momaŋ, darnu Kalo gimaruje Yasuuⓐuŋw ibigwa, gwina gwimanya rinya gi lure alaŋ lina limaliganu, Kweleny a Masiiẖ.
37A dina maldiŋini dhuŋuna ibidha, an dhuŋun ibidha udhadha ganu babraŋ gi dugor ganu degen, alabiŋaijo Buṯrusuŋw a liji liter lina lukejinu alarnu, Liji lai lina liro limega, anaŋa lapaŋa? 38Al Buṯrus aicinu, Urlul dugore galo dalo gi ŋidi ŋina ŋike, a nyapai maⓐmuudiiya gweta gweta dagalo ganu gi jiriny ja Yasuuⓐ al Masiiẖ di Kalo dhudhani ganu ŋidi ŋalo ŋina ŋike, a nyaŋa lapai dhedhaŋw tur gwa Dhigirim dhina Dhiŋir. 39Dhuŋun dhina dhardhai Kalo dhan nyaŋa, a dhan keleŋa galo, a dhan ŋediŋa peth lina lo kalo gina golaŋ ganu, peth lina lal Kweleny urnie gwina gwiro Kalo gega. 40A dhuŋun dhai dhiter dhoinyadho dhabiŋaijuŋwulo a ŋwulola, ŋwulaicinu, Ubrinul kidhila ganu ibiga gina gapo ganu. 41A ŋediŋa lina luminyu dhuŋuna dhuŋun iŋir gwai dugore apai maⓐmuudiiya, a gi lamun ibile a ⓐadad gwegen ginyedhini gi thalata alaaf.
Midhe gwina gwuthi dhuŋuna dha Kalo gwa aicaijiye gwa Masiiẖiyiin
42Athil diŋini taⓐliim dhina dhathil liji lina lukejinu alimiye a athil aicaijiye liduŋw, alurta ⓐesh ganu, alabiŋaijo Kaloŋa. 43A ŋidheny je degen alaŋ peth; athi ŋiro upini ŋina ŋathalije lijo galo dir a ŋina ŋipiŋipa ŋoinyadho doi dai da liji lina lukejinu. 44A liji peth lina luminyu lijo liduŋw; a ŋidi ŋegen peth ŋaicaijiyo liduŋw letipo; 45athilelaŋ ŋida peth ŋina ŋuthillo, athiliguginudhe gweta gweta, gwiro ŋinena an liji bupe gweta gweta degen ganu. 46Athilela liduŋw ŋwamun peth gi hekal ganu dhugor dhai dhetipo, athil guginadhe ⓐesh gi dunu gi dunu, athileny ŋida ŋa dheny ŋegen iŋir gwai dugore a dugor dai dina diŋir. 47Aleliŋaijo Kaloŋa, athil liji peth uminyi, athi Kweleny oinyajani kaniisa ŋwamun peth lina ladhi gilaŋini.
Valgt i Øjeblikket:
Aⲁmaal Ar Rusul 2: HBN
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
First published by the British and Foreign Bible Society in 1966.
Aⲁmaal Ar Rusul 2
2
Dhigirim dhina Dhiŋir dhidhedhinu gi liji tur
1Gi lamun la Ŋidwa ŋadhi Rinyate ŋina ŋan Yom al Khamsiin, a ŋediŋa peth je kalo getipo aluthi dhugore dhetipo, 2an ŋwal iladha ganu babraŋ gi Sama ŋwiro ŋinena karun gina giro luer, a ŋwoinyadhe duna gwina gwijina ganu. 3A diŋila aŋini degen diro ŋinena diŋila da iga diguginudho ganu, alje degen alaŋ gweta gweta. 4A ŋediŋa peth oinyadhe Dhigirima dhina Dhiŋir, alabiŋi dhuŋuna dha diŋila ditiditer, gwiro ŋinena dhedhilo Dhigirim dilabiŋi. 5A Yahuud, lina liŋir, gi liji peth la gidhila, lijo Urushaliim. 6A dina ma liji loinyadho diŋini dhuŋuna ibidha, alauradha liduŋw, alalo galo dir, ŋinena diŋinilo gweta gweta dabiŋi gi dhuŋun dha dhiŋila dhuŋun. 7Alali galo dir peth gwuleny, alireye je galo gi dhuŋun ibidha, alabiŋaijiye gweta gweta, alarnu, Aŋadhi, liji ibila peth lina labiŋu lati liro Jaliliiyiin na? 8Abi akwai anaŋa lidiŋinu gweta gweta gi dhuŋun dha dhiŋila dhuŋun, dhina dhiliŋinuŋwna ganu? 9Fartiyiin, a Maadiyiin, a Ⓐiilaamiiyiin, a liji lina lathije Ma ben al Baẖren, a Yahuudiiya, a Kabbaduukiiya, a Buntus, a Asiiya, 10a Fariijiiya, a Bamfiiliiya, a Mas̱r, a kalo geta geta ga Liibiiya gina gathijadha Gerawaaniiya, a lirin lina lidhi Ruumiya, a Yahuud a liji liter lina luminyu dhuŋuna dha Yahuud, 11a Kariitiyiin a Ⓐarabiiyiin, analbi diŋini dilabiŋi dhuŋuna dha diŋila dega ŋiro ŋai ŋa Kalo ŋina ŋinaŋ. 12Albalo galo dir peth, alube galo, alabiŋaijiye gweta gweta degen ganu alarnu, Aŋ gwiro dhuŋun ibidha? 13Abi liter akejuma alarnu, Ŋediŋa lirilelo ŋau ŋai ŋa dhugur ŋina ŋiyaŋ.
Dhuŋun dhina dhabiŋu Buṯrus gi Yom al Khamsiin
14Abi Buṯrus direlaŋ liji lai lina liro die‐a‐gwetipo, ŋwulabiŋaijo ŋwal ŋwai ŋwina ŋwipa, ŋwulaicinu, Liji lai la Yahuudiiya, a nyaŋa peth lina lathije gi Urushaliim, abricul dhuŋuna ibidha ŋwuliŋini dagalo, a diŋinul dhuŋuna dhiny. 15Liji ibila lati lirilelo, gwiro ŋinena aranyana no, ŋinena saaⓐa jiro thudhina‐kworoŋo ja kaŋin ganu dogo, 16abi dhuŋun ibidha dhiro dhina dhabiŋudhai nebi gwina gwan Yuuyiil ŋwarnu: 17Kalo garnu, Gi ŋwamun ŋwina ŋwiro gidon nyi gwaji gwabuluja lijo peth Dhigirima nono dhiny, a keleŋa galo gina giro loma a gina giro nyera gabiŋaijo lijo dhuŋuna dhina dhaji dhila, a jamal jalo jaji jaŋa dhuŋuna dhina dhiro ŋinena diŋidi, a liji lalo lina lurun laji lal diŋidi eny. 18A gi ŋwamun ibiŋwa nyi gwaji gwabuluja jinea jiny jina jiro loma a jina jiro la Dhigirima nono dhiny ko; alabiŋaijo lijo dhuŋuna dhina dhaji dhila. 19A nyi gwaji gwaŋiya ŋida ŋina ŋathalije lijo galo dir gi Sama kabo, a ⓐalaamaat kidhila galiny; ŋin a iga a gwuluŋw; 20a aŋin yaji yarimi ganu, a gwuwa gwamidini ŋina, kwereny nanaŋ lamun la Kweleny lina linaŋ gwuleny lati lidhi no. 21A liji peth lina lurnio jiriny jai ja Kweleny lagilaŋini. 22Liji lai la Israayiil, diŋinul dhuŋuna ibidha; Yasuuⓐ gwa Naas̱ira, kwiji gwina gwimajigwai Kalo aŋajo darnu gwiŋir ŋiro ŋai ŋina ŋinaŋ a ŋiro ŋai ŋina ŋathalije lijo galo dir a ŋiro ŋai ŋina ŋipiŋipa, ŋina ŋigetilo Kalo dhoi dhai dhuŋun keligeny ganu dagalo, gwiro ŋinena liŋidhanyana ko. 23Ŋeda, gwina gwimanya apai, gwina gwigitinu kwereny bupe gwai gwa Kalo dapai dhuŋuna ibidha, a doi dai da liji lina like gwimanya alije gi lure alaŋ line limaliganu a gwimanya rinya; 24gwina gwima Kalo direye dai, ŋwirniye ŋwuredenya ŋwa dhai, ŋinena ŋwuredeny ŋwa dhai ŋwati ŋwuthi ŋoma dije dugun no. 25Ŋinena abiŋudhi Daawud dugun ŋwarnu, Nyi gwathaŋa Kwelenya gi je ganu jiny gwortal, gwo gwidhunudhi gi dhoi dhiny dhina dhiro dhiŋir, dathinyi ubo galo no. 26A minoŋ a dhugor dhiny iŋir ganu, a dhiŋila dhiny uthi iŋiruŋw ganu; di a aŋinu iny ko je gi dhunijo. 27Ŋinena athanya gathanu dhigirima dhiny kalo gina gathin liji je lina laio no, i athaŋa abrico gweta gwuŋa gwina gwiŋir didirel duŋwaŋa digiruŋw no. 28Ŋa gwiminyi aŋajo dai dadhi midhe; a ŋa gwaji gwinyi oinyaje iŋiruŋw ganu je jai juŋa. 29Liji lai lina liro limega, abricinyilo dajabiŋaijo dhuŋuna ibidha galo ditir dhan Kweleny gwa baboŋa lega gwina gwan Daawud, darnu gwaio ŋwugwurcini, a dhel dhuŋun dhoma daguri di gi lamun ibila. 30Abi ŋeda gwiro nebi, a gwiliŋidhi darnu gwalifijo Kalo ẖalaf gwai, darnu gi ŋwulaŋ ŋwa kwiriny gwuŋun, gi dhuŋun dha aŋinu, gwadireye al Masiiẖuŋw duŋwjalo kursi alaŋ guŋun; 31ŋinena aŋadhuŋw dhuŋuna ibidha ro kwereny, ŋwabiŋi gi dhuŋun dha dire dai gwa al Masiiẖ, darnu ŋa gwati gwagathani dhigirima dhuŋun kalo gina gathin liji je lina laio, i athi aŋinu yuŋun aŋadhi digiruŋw no. 32Yasuuⓐ ibigwa gwima Kalo direye dai, a anaŋa peth liro shuhuud gi dhuŋun ibidha. 33Ŋinena alijo Kalo babo dhoi dhai dhuŋun dhina dhiro dhiŋir, ŋinena gwimapai Dhigirima dhina Dhiŋir dhina dharildhai di Babo, a gwimabuluja dhuŋuna ibidha dhina dhaŋadhanya a dhina dhidiŋinanya ŋinena. 34Daawud gwati gwiro gwina gwudhi gi Sama no; ŋwubarnu, Kweleny gwabiŋaijo Kwelenya gwiny, ŋwaici, Jalo gi dhoi dhiny dhina dhiro dhiŋir, 35di minyi ruje lijo gidhur ga ŋwora ŋwuŋa lina likianyalai. 36Abricul lijo peth la dunu gwa Israayiil alliŋa momaŋ, darnu Kalo gimaruje Yasuuⓐuŋw ibigwa, gwina gwimanya rinya gi lure alaŋ lina limaliganu, Kweleny a Masiiẖ.
37A dina maldiŋini dhuŋuna ibidha, an dhuŋun ibidha udhadha ganu babraŋ gi dugor ganu degen, alabiŋaijo Buṯrusuŋw a liji liter lina lukejinu alarnu, Liji lai lina liro limega, anaŋa lapaŋa? 38Al Buṯrus aicinu, Urlul dugore galo dalo gi ŋidi ŋina ŋike, a nyapai maⓐmuudiiya gweta gweta dagalo ganu gi jiriny ja Yasuuⓐ al Masiiẖ di Kalo dhudhani ganu ŋidi ŋalo ŋina ŋike, a nyaŋa lapai dhedhaŋw tur gwa Dhigirim dhina Dhiŋir. 39Dhuŋun dhina dhardhai Kalo dhan nyaŋa, a dhan keleŋa galo, a dhan ŋediŋa peth lina lo kalo gina golaŋ ganu, peth lina lal Kweleny urnie gwina gwiro Kalo gega. 40A dhuŋun dhai dhiter dhoinyadho dhabiŋaijuŋwulo a ŋwulola, ŋwulaicinu, Ubrinul kidhila ganu ibiga gina gapo ganu. 41A ŋediŋa lina luminyu dhuŋuna dhuŋun iŋir gwai dugore apai maⓐmuudiiya, a gi lamun ibile a ⓐadad gwegen ginyedhini gi thalata alaaf.
Midhe gwina gwuthi dhuŋuna dha Kalo gwa aicaijiye gwa Masiiẖiyiin
42Athil diŋini taⓐliim dhina dhathil liji lina lukejinu alimiye a athil aicaijiye liduŋw, alurta ⓐesh ganu, alabiŋaijo Kaloŋa. 43A ŋidheny je degen alaŋ peth; athi ŋiro upini ŋina ŋathalije lijo galo dir a ŋina ŋipiŋipa ŋoinyadho doi dai da liji lina lukejinu. 44A liji peth lina luminyu lijo liduŋw; a ŋidi ŋegen peth ŋaicaijiyo liduŋw letipo; 45athilelaŋ ŋida peth ŋina ŋuthillo, athiliguginudhe gweta gweta, gwiro ŋinena an liji bupe gweta gweta degen ganu. 46Athilela liduŋw ŋwamun peth gi hekal ganu dhugor dhai dhetipo, athil guginadhe ⓐesh gi dunu gi dunu, athileny ŋida ŋa dheny ŋegen iŋir gwai dugore a dugor dai dina diŋir. 47Aleliŋaijo Kaloŋa, athil liji peth uminyi, athi Kweleny oinyajani kaniisa ŋwamun peth lina ladhi gilaŋini.
Valgt i Øjeblikket:
:
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
First published by the British and Foreign Bible Society in 1966.