Teu Maan Caoh 22
22
1“Kuanz mai keur meh boh paz keui aez, teuk ngarz mony reu ma an ohz ngaz khraez toz daehz aacz ngaai pehz ne.” 2Meuz ihz keui ngarz hnhz upz mony Hebre ne ihz keui moh pras pras teuk ngarz. Paul siupz daz thaengz,
3“Ohz naeh ihz Yio, keut tuhz weng Tarsus, naeh weng tuhz prih Silisia. Keuiz daz ohz mawh tuhz weng Yerusalem, traz ihz thao cih tawiz keui ohz bawnz sawnz leh rak rak tawz Kamaliel ne. Ceun pehz an naeh a niz a wa takz phawmz thaz Phraz Pen Caoh ne ohz kaw a wa takz phawmz truz. 4Ohz pae suamz ihz tawiz Laai Caoh Phraz keui, leh keur meh boh keun nyah keui piamz teur ka, mat teur ka, teur ka kaw leh keuh sapz tuhz thang. 5Ceu beunz, boh cumz ihz mawh Yio tuhz rumz keui lao plaez bawnz boh pehz nahz ceun ohz krai ne. Ohz leh lik a keuh aez kuanz mai Yio tuhz weng Damaskas keui nahz. Ohz ngaz lan mat ihz tawiz Laai Caoh Phraz tuhz weng Damaskas ne ngaz leh weng truz keuh weng Yerusalem, ngaz aez keuh nahz taam.
Paul krai lawng daehz plaak plaai
6Meuz ohz lan a wa thatz weng Damaskas, kraao seu ngihz keun cang ne an thaangz tuhz plengz lae truz aasz teuk khranz keum yaamz wit ohz. 7Ohz taz boh tuhz keu tehz ne ohz ngarz reus upz taw ohz daz, ‘Saul, Saul cih naehz mih pae suamz Ohz a?’ 8Ohz kaw maanyz mial daz, ‘Tahz, Mih naeh yaeh lah?’ Hnhz kaw tawpz daz, ‘Ohz naeh Yesuhz ihz weng Nasaret an mih pae suamz ne eu.’ 9Ihz lan tawiz ohz keui sangz daz keuh awlz boh an thaangz kaw keuh nam ngarz reus Tahz an diz upz. 10Ohz kaw maanyz, ‘Tahz, ohz ngaz bawnz cih seu naez?’ Tahz an diz kaw daz, ‘Ceng raez, kut tuhz weng Damaskas. Mih lo cih naehz ne ngaz lao boh.’ 11Kawp an thaangz ne ngaai ohz bimz lan, ihz an lan tawiz ohz keui botz leh tihz ohz phuhz tuhz weng Damaskas.
12Ananias an naeh ihz cih tawiz Phraz, an naeh ihz kam tawiz traz, an naeh ihz Yio Damaskas keui bawnz nap suamz ne truz cu ohz. 13Hnhz truz ceng rim ohz daz, ‘Saul, seum bohz, aez ngaai mih awlz mial.’ Moh seu co ngaai ohz kaw awlz mial, ohz kaw yawt hnhz. 14Ananias kaw daz ohz nahz, ‘Phraz Pen Caoh ihz keu daehz keu daepz ehz ne ras mih, sunz aez mih mas reung dawhz Daehz, sunz aez mih awlz Tahz Keu Sangz rae ngarz reus Hnhz. 15Kawp daz aez mih naeh ihz krai reu oiz rak Tahz an diz, bawnz lao ihz nahz klawhz ihz lawng an mih ngarz boh an mih awlz. 16Seu ni mih ngawm ceu nawhz kawp naehz? Ceng, leh teuk sruz raez, haaoz thengz reung dengz kawi mih, raak khahz mus Caoh Phraz raez.’
Raak Paul aez krai reu oiz rak kaai ihz an nam anz kheuz Yio
17Ohz weng phraeoz meu rae weng Yerusalem. Meuz ohz yeung suz tawngz boh tuhz wat ne ohz bawnz awlz pyatik. 18Tuhz pyatik ne Phraz Pen Caoh daz, ‘Mih rip lae thaz weng Yerusalem raez, kawp daz ihz an naeh a niz keui nam yum mony reu ma mih krai lawng Ohz.’ 19Ohz kaw mial daz, ‘Tahz, an ohz lan tawiz crawp rawz traz klawhz ti, tiz ihz setz an yum yam Tahz, leh sapz keuh tuhz thang ne keuh mas boh. 20Meuz piamz Stephen, an naeh ihz krai plaez lawng Tahz ehz kaw ohz naeh rim keuh, ohz prawm tawiz keuh, pao aez kreung ihz piamz hnhz.’ 21Keuiz daz Caoh Phraz lao ohz, ‘Lan raez, Ohz phuhz mih tawiz ihz an nam anz kheuz Yio ti yaan tui.’”
22Ihz keui teuk ngarz thonz seu diz rae raak daz, “Piamz thengz hnhz raez, hnhz nam theukz penz ihz leui.” 23Keuh raak keurz, leh kreung daehz wiur, leh phangz keu tehz pakz phrawz lang plengz. 24Ihz mawh siukz Rom sunz mas ihz keurz kawp naehz ne cao Paul kut tuhz hawz siukz rae cao tiz caetz yawt hnhz. 25Meuz ihz leh nuarz hurz mat hnhz, ngaz rotz hnhz ne Paul lao ihz mawh siukz an upz seu peur ya an ceng ne nahz, “Maat caetz tawiz pakz peung samz rotz ihz Rom ne anz tawiz traz haz?” 26Meuz ihz mawh siukz an upz seu peur ya ngarz ceun diz ne lan cu ihz mawh siukz an upz seu rengz daz, “Ngaz cih seu naez lah? Hnhz naeh ihz prih Rom eu.” 27Meuz ceun diz ihz mawh siukz an upz seu rengz ne truz cu Paul daz, “Lao ohz luz, mih naeh ihz prih Rom haz?” Paul mial daz, “Anz.” 28Ihz mawh siukz daz plaez Paul nahz, “Ohz aez paekz heungz baaiz rae ohz caang kai penz ihz prih Rom.”
Paul kaw mial daz, “Ohz keut penz.”
29Ihz an ngaz caetz hnhz keui kaw praasz lan luat. Ihz mawh upz seu rengz doz baaiz kawp daz Paul an hnhz leh nuarz hirz mat mok ne naeh ihz prih Rom leun.
Paul khraez toz daehz tawz rumz
30Ceun kap siz ne ihz mawh siukz an upz seu rengz ne sunz mas caem caem lawng ihz Yio keui maap Paul kawp naehz. Hnhz khawz aez nuarz hirz, lao beunz caangz boh cumz ihz mawh Yio tuhz rumz keui teur cuhz, hnhz raak Paul aez ceng aacz ngaai keuh.
Valgt i Øjeblikket:
Teu Maan Caoh 22: ril
Markering
Del
Sammenlign
Kopiér
Vil du have dine markeringer gemt på tværs af alle dine enheder? Tilmeld dig eller log ind
© 2022, Wycliffe Bible Translators, Inc. All rights reserved.
Teu Maan Caoh 22
22
1“Kuanz mai keur meh boh paz keui aez, teuk ngarz mony reu ma an ohz ngaz khraez toz daehz aacz ngaai pehz ne.” 2Meuz ihz keui ngarz hnhz upz mony Hebre ne ihz keui moh pras pras teuk ngarz. Paul siupz daz thaengz,
3“Ohz naeh ihz Yio, keut tuhz weng Tarsus, naeh weng tuhz prih Silisia. Keuiz daz ohz mawh tuhz weng Yerusalem, traz ihz thao cih tawiz keui ohz bawnz sawnz leh rak rak tawz Kamaliel ne. Ceun pehz an naeh a niz a wa takz phawmz thaz Phraz Pen Caoh ne ohz kaw a wa takz phawmz truz. 4Ohz pae suamz ihz tawiz Laai Caoh Phraz keui, leh keur meh boh keun nyah keui piamz teur ka, mat teur ka, teur ka kaw leh keuh sapz tuhz thang. 5Ceu beunz, boh cumz ihz mawh Yio tuhz rumz keui lao plaez bawnz boh pehz nahz ceun ohz krai ne. Ohz leh lik a keuh aez kuanz mai Yio tuhz weng Damaskas keui nahz. Ohz ngaz lan mat ihz tawiz Laai Caoh Phraz tuhz weng Damaskas ne ngaz leh weng truz keuh weng Yerusalem, ngaz aez keuh nahz taam.
Paul krai lawng daehz plaak plaai
6Meuz ohz lan a wa thatz weng Damaskas, kraao seu ngihz keun cang ne an thaangz tuhz plengz lae truz aasz teuk khranz keum yaamz wit ohz. 7Ohz taz boh tuhz keu tehz ne ohz ngarz reus upz taw ohz daz, ‘Saul, Saul cih naehz mih pae suamz Ohz a?’ 8Ohz kaw maanyz mial daz, ‘Tahz, Mih naeh yaeh lah?’ Hnhz kaw tawpz daz, ‘Ohz naeh Yesuhz ihz weng Nasaret an mih pae suamz ne eu.’ 9Ihz lan tawiz ohz keui sangz daz keuh awlz boh an thaangz kaw keuh nam ngarz reus Tahz an diz upz. 10Ohz kaw maanyz, ‘Tahz, ohz ngaz bawnz cih seu naez?’ Tahz an diz kaw daz, ‘Ceng raez, kut tuhz weng Damaskas. Mih lo cih naehz ne ngaz lao boh.’ 11Kawp an thaangz ne ngaai ohz bimz lan, ihz an lan tawiz ohz keui botz leh tihz ohz phuhz tuhz weng Damaskas.
12Ananias an naeh ihz cih tawiz Phraz, an naeh ihz kam tawiz traz, an naeh ihz Yio Damaskas keui bawnz nap suamz ne truz cu ohz. 13Hnhz truz ceng rim ohz daz, ‘Saul, seum bohz, aez ngaai mih awlz mial.’ Moh seu co ngaai ohz kaw awlz mial, ohz kaw yawt hnhz. 14Ananias kaw daz ohz nahz, ‘Phraz Pen Caoh ihz keu daehz keu daepz ehz ne ras mih, sunz aez mih mas reung dawhz Daehz, sunz aez mih awlz Tahz Keu Sangz rae ngarz reus Hnhz. 15Kawp daz aez mih naeh ihz krai reu oiz rak Tahz an diz, bawnz lao ihz nahz klawhz ihz lawng an mih ngarz boh an mih awlz. 16Seu ni mih ngawm ceu nawhz kawp naehz? Ceng, leh teuk sruz raez, haaoz thengz reung dengz kawi mih, raak khahz mus Caoh Phraz raez.’
Raak Paul aez krai reu oiz rak kaai ihz an nam anz kheuz Yio
17Ohz weng phraeoz meu rae weng Yerusalem. Meuz ohz yeung suz tawngz boh tuhz wat ne ohz bawnz awlz pyatik. 18Tuhz pyatik ne Phraz Pen Caoh daz, ‘Mih rip lae thaz weng Yerusalem raez, kawp daz ihz an naeh a niz keui nam yum mony reu ma mih krai lawng Ohz.’ 19Ohz kaw mial daz, ‘Tahz, an ohz lan tawiz crawp rawz traz klawhz ti, tiz ihz setz an yum yam Tahz, leh sapz keuh tuhz thang ne keuh mas boh. 20Meuz piamz Stephen, an naeh ihz krai plaez lawng Tahz ehz kaw ohz naeh rim keuh, ohz prawm tawiz keuh, pao aez kreung ihz piamz hnhz.’ 21Keuiz daz Caoh Phraz lao ohz, ‘Lan raez, Ohz phuhz mih tawiz ihz an nam anz kheuz Yio ti yaan tui.’”
22Ihz keui teuk ngarz thonz seu diz rae raak daz, “Piamz thengz hnhz raez, hnhz nam theukz penz ihz leui.” 23Keuh raak keurz, leh kreung daehz wiur, leh phangz keu tehz pakz phrawz lang plengz. 24Ihz mawh siukz Rom sunz mas ihz keurz kawp naehz ne cao Paul kut tuhz hawz siukz rae cao tiz caetz yawt hnhz. 25Meuz ihz leh nuarz hurz mat hnhz, ngaz rotz hnhz ne Paul lao ihz mawh siukz an upz seu peur ya an ceng ne nahz, “Maat caetz tawiz pakz peung samz rotz ihz Rom ne anz tawiz traz haz?” 26Meuz ihz mawh siukz an upz seu peur ya ngarz ceun diz ne lan cu ihz mawh siukz an upz seu rengz daz, “Ngaz cih seu naez lah? Hnhz naeh ihz prih Rom eu.” 27Meuz ceun diz ihz mawh siukz an upz seu rengz ne truz cu Paul daz, “Lao ohz luz, mih naeh ihz prih Rom haz?” Paul mial daz, “Anz.” 28Ihz mawh siukz daz plaez Paul nahz, “Ohz aez paekz heungz baaiz rae ohz caang kai penz ihz prih Rom.”
Paul kaw mial daz, “Ohz keut penz.”
29Ihz an ngaz caetz hnhz keui kaw praasz lan luat. Ihz mawh upz seu rengz doz baaiz kawp daz Paul an hnhz leh nuarz hirz mat mok ne naeh ihz prih Rom leun.
Paul khraez toz daehz tawz rumz
30Ceun kap siz ne ihz mawh siukz an upz seu rengz ne sunz mas caem caem lawng ihz Yio keui maap Paul kawp naehz. Hnhz khawz aez nuarz hirz, lao beunz caangz boh cumz ihz mawh Yio tuhz rumz keui teur cuhz, hnhz raak Paul aez ceng aacz ngaai keuh.
Valgt i Øjeblikket:
:
Markering
Del
Sammenlign
Kopiér
Vil du have dine markeringer gemt på tværs af alle dine enheder? Tilmeld dig eller log ind
© 2022, Wycliffe Bible Translators, Inc. All rights reserved.