Teu Maan Caoh 18
18
Tuhz weng Korin
1Waaiz an diz Paul lae thaz weng Athens rae lan cu weng Korin. 2A diz maang ihz Yio hawkz mus hnhz daz Akuila naeh ihz prih Pontus, mus yah hnhz daz Priskilla. Kaar truz thaz prih Itali maat paw ceu nawhz kawp daz khunz Klaudius lao aez ihz Yio keui lae lan thaz weng Rom. Paul lan cu kaar, 3kawp daz kaanz keuh teur deuiz, cih suamz kaanz harz sumz kaw rae moh kawmz kaar, cih kaanz teur kawmz. 4Klawhz seu ngihz kam sinz ne hnhz daz plaez traz tuhz crawp rawz traz, khatz phawmz khahz pa kheuz Yio boh kheuz Krik keui.
5Meuz Silas boh Timothi truz thaz prih Makedoni ne Paul khatz phawmz rawz aez tawz ihz Yio keui nahz seu daehz maang kraao, khaam tang saak se lawng Yesuhz naeh Khris. 6Keuiz daz ihz Yio keui tawpz thiangz hnhz, saehz hnhz ne hnhz teuk ruh mun muk kaai kreung daehz daz, “Beuk pehz yam tuhz reung dengz kawi daehz kaw pa thaz pehz leun, nam pa thaz ohz leui. Tae leh seu ni lan, ohz ngaz rawz aez ihz an nam anz kheuz Yio keui nahz boh.” 7Hnhz lae lan thaz crawp rae lan kaang Titius Yustus an naeh ihz nam anz kheuz Yio naeh ihz koz kwaai Phraz Pen Caoh. Kaang hnhz takz boh crawp rawz traz ne. 8Krispus, an naeh ihz mawh crawp rawz traz boh ihz kaang hnhz hacz aamz keui yum yam truz. Ihz weng Korin an heungz baaiz an ngarz Paul rawz keui yum Caoh Phraz rae teur aacz daehz leh teuk sruz.
9Naeh ta seu borz Paul awlz pyatik, Caoh Phraz lao daehz, “Yak doz, siupz rawz lan raez, yak moh pras pras. 10Ohz naeh kawmz mih, yaeh nam caang cih phez a mih. Tuhz weng an ni ihz Ohz heungz baaiz.” 11Kawp ceun diz Paul moh tuhz weng an diz seu wit plawi tualz kiarz, sawnz aez ihz nahz mony reu ma Phraz Pen Caoh.
12Meuz Kallio penz khunz prih Akhaia ne ihz peur aacz Yio keui teur cuhz teum prawm daehz khatz Paul rae leh hnhz lan cu rumz. 13Keuh daz, “Hnhz an ni srawz srawz aez ihz koz kwaai Phraz Pen Caoh meoz an khatz sinz traz ehz.”
14Meuz Paul ngaz tawpz daz ne khunz Kallio daz kheuz Yio keui nahz, “An ni beuk naeh a muz an nam anz, a muz an meukz raai kaw ohz bawnz nyeun teuk ngarz pehz eunz keuiz Yio keui. 15Keuiz daz an ni naeh lawng an pehz tawpz thiangz kawp mony reu ma, kawp mus, kawp thungz traz pehz kaw pehz teur deuiz lo teuk wa daehz eunz leun. Ohz nam sunz penz ihz tatz traz kaai a muz ceun ni.” 16Hnhz wah thengz ihz Yio thaz rumz. 17Keuh keu diz cawpz Sosthenes an naeh ihz mawh crawp rawz traz ne tiz hnhz aacz ngaai rumz. Keuiz daz khunz Kallio nam daz naehz.
Paul weng truz mial weng Antioc
18Paul moh tuhz weng Korin heungz seu ngihz. Hnhz tak kuanz mai keui rae tumz ceun luang lan prih Siria, Priskilla boh Akuila kaw lan tawiz hnhz. Meuz ceun luang maat lae thaz weng Kenkhreae ne Paul waat kingz kawp daz hnhz teung mok saet ca tawz Phraz Pen Caoh. 19Meuz phraeoz weng Ephesus ne hnhz mok thengz Priskilla boh Akuila a diz, hnhz kut tuhz crawp rawz traz rae teur upz tang ihz Yio keui. 20Ihz keui cao hnhz moh a diz raamz ceu nawhz kaw hnhz nam prawm. 21“Beuk Phraz Pen Caoh cao ohz truz thaengz kaw ohz mial truz boh,” hnhz daz ceun diz kaw tumz ceun luang lae lan thaz weng Ephesus.
22Meuz hnhz phraeoz weng Kaesarea ne cur thaz ceun luang kaw lan weng Yerusalem rae lan teur tak ihz cumz caoh. Beuk a wa kaw hnhz lan weng Antioc. 23Waaiz hnhz moh a diz ceu nawhz taan taan ne lan prih Kalatia boh prih Phrikia, kut seu ti lae seu ti rae aez kuanz mai keui nahz keum rang.
Apollos sawnz traz tuhz weng Ephesus
24Meuz phangz an diz maang ihz Yio hawkz mus hnhz daz Apollos, hnhz naeh ihz ca tihz weng Alesandria, hnhz phraeoz truz weng Ephesus. Hnhz naeh ihz mawz rawz mawz lao boh ihz mas kyaamz lik keunyz keunyz. 25Hnhz tomz sawnz leh traz Caoh Phraz, hnhz rawz tang keum rang phawmz, sawnz taet tawz aez ihz nahz lawng Tahz Yesuhz. Keuiz daz hnhz mas lawng teuk sruz Yohn pan. 26Hnhz seun teungz rawz yaak yaak tuhz crawp rawz traz. Meuz Priskilla kaar Akuila ngarz an hnhz rawz ne raak hnhz weng kaang daehz, sawnz aez hnhz nahz reung dengz Phraz Pen Caoh baaiz taet tawz. 27Apollos sunz lan cu prih Akhaia, kuanz mai an naeh tuhz weng Ephesus keui aez hnhz nahz keum rang, taemz lik aez kuanz mai Akhaia keui saanyz rap hnhz. Meuz Apollos phraeoz prih Akhaia ne hnhz kawr mawn an ihz yum yam truz kawp kez cuz Phraz Pen Caoh. 28Kawp hnhz rawz mah kat rae pae ihz Yio aacz ngaai ihz heungz, kawp hnhz leh kyaamz lik rae plaez daz Yesuhz naeh Khris.
Valgt i Øjeblikket:
Teu Maan Caoh 18: ril
Markering
Del
Sammenlign
Kopiér
Vil du have dine markeringer gemt på tværs af alle dine enheder? Tilmeld dig eller log ind
© 2022, Wycliffe Bible Translators, Inc. All rights reserved.
Teu Maan Caoh 18
18
Tuhz weng Korin
1Waaiz an diz Paul lae thaz weng Athens rae lan cu weng Korin. 2A diz maang ihz Yio hawkz mus hnhz daz Akuila naeh ihz prih Pontus, mus yah hnhz daz Priskilla. Kaar truz thaz prih Itali maat paw ceu nawhz kawp daz khunz Klaudius lao aez ihz Yio keui lae lan thaz weng Rom. Paul lan cu kaar, 3kawp daz kaanz keuh teur deuiz, cih suamz kaanz harz sumz kaw rae moh kawmz kaar, cih kaanz teur kawmz. 4Klawhz seu ngihz kam sinz ne hnhz daz plaez traz tuhz crawp rawz traz, khatz phawmz khahz pa kheuz Yio boh kheuz Krik keui.
5Meuz Silas boh Timothi truz thaz prih Makedoni ne Paul khatz phawmz rawz aez tawz ihz Yio keui nahz seu daehz maang kraao, khaam tang saak se lawng Yesuhz naeh Khris. 6Keuiz daz ihz Yio keui tawpz thiangz hnhz, saehz hnhz ne hnhz teuk ruh mun muk kaai kreung daehz daz, “Beuk pehz yam tuhz reung dengz kawi daehz kaw pa thaz pehz leun, nam pa thaz ohz leui. Tae leh seu ni lan, ohz ngaz rawz aez ihz an nam anz kheuz Yio keui nahz boh.” 7Hnhz lae lan thaz crawp rae lan kaang Titius Yustus an naeh ihz nam anz kheuz Yio naeh ihz koz kwaai Phraz Pen Caoh. Kaang hnhz takz boh crawp rawz traz ne. 8Krispus, an naeh ihz mawh crawp rawz traz boh ihz kaang hnhz hacz aamz keui yum yam truz. Ihz weng Korin an heungz baaiz an ngarz Paul rawz keui yum Caoh Phraz rae teur aacz daehz leh teuk sruz.
9Naeh ta seu borz Paul awlz pyatik, Caoh Phraz lao daehz, “Yak doz, siupz rawz lan raez, yak moh pras pras. 10Ohz naeh kawmz mih, yaeh nam caang cih phez a mih. Tuhz weng an ni ihz Ohz heungz baaiz.” 11Kawp ceun diz Paul moh tuhz weng an diz seu wit plawi tualz kiarz, sawnz aez ihz nahz mony reu ma Phraz Pen Caoh.
12Meuz Kallio penz khunz prih Akhaia ne ihz peur aacz Yio keui teur cuhz teum prawm daehz khatz Paul rae leh hnhz lan cu rumz. 13Keuh daz, “Hnhz an ni srawz srawz aez ihz koz kwaai Phraz Pen Caoh meoz an khatz sinz traz ehz.”
14Meuz Paul ngaz tawpz daz ne khunz Kallio daz kheuz Yio keui nahz, “An ni beuk naeh a muz an nam anz, a muz an meukz raai kaw ohz bawnz nyeun teuk ngarz pehz eunz keuiz Yio keui. 15Keuiz daz an ni naeh lawng an pehz tawpz thiangz kawp mony reu ma, kawp mus, kawp thungz traz pehz kaw pehz teur deuiz lo teuk wa daehz eunz leun. Ohz nam sunz penz ihz tatz traz kaai a muz ceun ni.” 16Hnhz wah thengz ihz Yio thaz rumz. 17Keuh keu diz cawpz Sosthenes an naeh ihz mawh crawp rawz traz ne tiz hnhz aacz ngaai rumz. Keuiz daz khunz Kallio nam daz naehz.
Paul weng truz mial weng Antioc
18Paul moh tuhz weng Korin heungz seu ngihz. Hnhz tak kuanz mai keui rae tumz ceun luang lan prih Siria, Priskilla boh Akuila kaw lan tawiz hnhz. Meuz ceun luang maat lae thaz weng Kenkhreae ne Paul waat kingz kawp daz hnhz teung mok saet ca tawz Phraz Pen Caoh. 19Meuz phraeoz weng Ephesus ne hnhz mok thengz Priskilla boh Akuila a diz, hnhz kut tuhz crawp rawz traz rae teur upz tang ihz Yio keui. 20Ihz keui cao hnhz moh a diz raamz ceu nawhz kaw hnhz nam prawm. 21“Beuk Phraz Pen Caoh cao ohz truz thaengz kaw ohz mial truz boh,” hnhz daz ceun diz kaw tumz ceun luang lae lan thaz weng Ephesus.
22Meuz hnhz phraeoz weng Kaesarea ne cur thaz ceun luang kaw lan weng Yerusalem rae lan teur tak ihz cumz caoh. Beuk a wa kaw hnhz lan weng Antioc. 23Waaiz hnhz moh a diz ceu nawhz taan taan ne lan prih Kalatia boh prih Phrikia, kut seu ti lae seu ti rae aez kuanz mai keui nahz keum rang.
Apollos sawnz traz tuhz weng Ephesus
24Meuz phangz an diz maang ihz Yio hawkz mus hnhz daz Apollos, hnhz naeh ihz ca tihz weng Alesandria, hnhz phraeoz truz weng Ephesus. Hnhz naeh ihz mawz rawz mawz lao boh ihz mas kyaamz lik keunyz keunyz. 25Hnhz tomz sawnz leh traz Caoh Phraz, hnhz rawz tang keum rang phawmz, sawnz taet tawz aez ihz nahz lawng Tahz Yesuhz. Keuiz daz hnhz mas lawng teuk sruz Yohn pan. 26Hnhz seun teungz rawz yaak yaak tuhz crawp rawz traz. Meuz Priskilla kaar Akuila ngarz an hnhz rawz ne raak hnhz weng kaang daehz, sawnz aez hnhz nahz reung dengz Phraz Pen Caoh baaiz taet tawz. 27Apollos sunz lan cu prih Akhaia, kuanz mai an naeh tuhz weng Ephesus keui aez hnhz nahz keum rang, taemz lik aez kuanz mai Akhaia keui saanyz rap hnhz. Meuz Apollos phraeoz prih Akhaia ne hnhz kawr mawn an ihz yum yam truz kawp kez cuz Phraz Pen Caoh. 28Kawp hnhz rawz mah kat rae pae ihz Yio aacz ngaai ihz heungz, kawp hnhz leh kyaamz lik rae plaez daz Yesuhz naeh Khris.
Valgt i Øjeblikket:
:
Markering
Del
Sammenlign
Kopiér
Vil du have dine markeringer gemt på tværs af alle dine enheder? Tilmeld dig eller log ind
© 2022, Wycliffe Bible Translators, Inc. All rights reserved.