Eshita 6
6
Mwene ukulemeeka Mondikayi
1Ha wushiku bene uyo, mwene kaliha watweshele kulangana tulo, nohobene wabatongwezele ngayi bamuletele mabuka a likota lya litunga, pe bamulabililewo. 2Mbalila eye balabile hatikitiwile eshe Mondikayi awanine byalubeta lwa kushinga kuziha mwene Zekishi. Babebele mwene bengile ba Mbingitani na Teleshi, bantatula babili bamu musheke aba balaminenga tumpenci twa mwene. 3Pe mwene wepwile ngayi, “Kati twalemeekele nahiti Mondikayi na kumupana ncuungu haneshe atendele?”
Bakamilimo bendi bakumbwile ngayi, “Kowa shuma twamutendela.” 4Niho mwene epwile ngayi, “Muli bamina ku babilolo bami muno mu musheke ndi?” Hashikati shiya Hamani wenginine mu shipango ngayi anyepe kuli mwene mwanga amupanike Mondikayi akamushwange ku bitondo biya azikile. 5Nohobene bakamilimo bakumbwile ngayi, “Uno bene Hamani uli kuno, uli na ku kutatilila ngayi akumone.”
Mwene wambile ngayi, “Mutongwezenu engine.”
6Pe Hamani wenginine mukati, niho mwene amwipwile ngayi, “Kuli muntu umo ou nikushinga shikuma ngayi nimulemeeke. Kati nafwanini kutenda shumangani ku nou muntu?”
Hamani walihanganikile niyemwine ngayi, “Haya yani ou eze atweshe kulemeekiwa shikuma kuli mwene? Mwa shikuma nengi bene ami.”
7Pe Hamani wakumbwile mwene ngayi, “Muntu ou akushinga kulemeeka mwene, 8kuletiwe bivwalo biya wavwalanga obemwine. Shimba mbishi uya wakandamanga, umuvwalike ngala. 9Shimbaho umo ha babilolo bobe babalemu, bavwalike ou mulume bivwalo wavwalanga. Pe ende kumbili yendi hinga akandama ha mbishi na kupita mukati ka lukena haya na kubilika ngayi, ‘Monenu mwene eshe anatende ku muntu ou akushinga kulemeeka.’”
10Niho mwene ambile kuli Hamani ngayi, “Nyankupa ukalete bivwalo na mbishi na kupanika maleema awa kuli Mondikayi wa Kayunda. Mutendele byuma nimwabyo biya unatoyo. Ukamuwana hinga ekala ku menginino a musheke.”
11Nohobene Hamani waletele bivwalo na mbishi, pe wabivwalikile Mondikayi, niho Mondikayi akandamine ha mbishi, pe Hamani wamupitishile mu mbaza ya lukena, haya na kubilika ku bantu oho henda ngayi, “Monenu mwene eshe anatende ku muntu ou akushinga kulemeeka.”
12Niho Mondikayi abokele ku menginino a musheke, ngoboni Hamani wanyankupilile ku litala lyendi, hinga afwika lupala lwendi na lisheni. 13Hamani watongwezele mukazendi Zeleshi na bahoni bendi nimwabo byuma nimwabyo biya byatendiwile kukwendi. Niho mukazendi na bahoni bendi ba kukeya bamutongwezele ngayi, “Watatikakale kuyawa ngovu kuli Mondikayi. Ndi Mondikayi nengi Kayunda, pe kutwesha kumukoma wufwako, mwa shikuma ukakulobesha.”
14Oho bambwelenga nendi, bantatula ba ku musheke bakumine na kwizila Hamani wanguwangu ku mayambwayambwa a Eshita.
Valgt i Øjeblikket:
Eshita 6: LLK
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
Libuka Lya Kuyela © Bible Society of Zambia, 2020.