စံးထီၣ်ပတြၢၤ 17
17
ပှၤလၢအတၢ်ကမၣ်တအိၣ်ဘၣ်တဂၤ အတၢ်ထုကဖၣ်
1ယွၤဧၢ, ဒိကနၣ်ယတၢ်ဃ့ကညးလၢ
တၢ်တီတၢ်လိၤအဂီၢ်န့ၣ်တက့ၢ်.
ဒိကနၣ်ယတၢ်ကိးထီၣ်လၢ
တၢ်မၤစၢၤအဂီၢ်န့ၣ်တက့ၢ်.
ဒိကနၣ်ယတၢ်ထုကဖၣ်အတီအလိၤန့ၣ်တက့ၢ်.
2နကစံၣ်ညီၣ်တီန့ၢ်တၢ်လၢယဂီၢ်
အဂ့ၢ်မ့ၢ်လၢနသ့ၣ်ညါတၢ်မ့ၢ်တၢ်တီအဃိလီၤ.
3နသ့ၣ်ညါယသးလီၤ. နဟဲတ့ၢ်ဆူယအိၣ်လၢမုၢ်နၤ,
နမၤကွၢ်တ့ၢ်ယၤလၢာ်လၢာ်ဆ့ဆ့ ဒီးတထံၣ်န့ၢ်
တၢ်ဆၢမၤတၢ်အၢတၢ်သီလၢယပူၤဘၣ်.
4ယတကတိၤတၢ်အၢတၢ်သီ,
ဒ်ပှၤဂၤစံးကတိၤအသိးန့ၣ်ဘၣ်.
ယဒိကနၣ်တ့ၢ်နတၢ်မၤလိာ် ဒီးတလူၤပိာ်ထွဲယဲ
တၢ်စုဆူၣ်ခီၣ်တကးအကျဲန့ၣ်ဘၣ်.
5ယလဲၤတ့ၢ်တၢ်လၢနကျဲအပူၤထီဘိ
ဒီးယတဟးဖးဒီးအီၤနီတဘျီဘၣ်.
6ယကိးထီၣ်နၤ, ကစၢ်ယွၤဧၢ,
အဂ့ၢ်မ့ၢ်လၢနစံးဆၢယၤအဃိလီၤ.
ဒိးနနၢ်လၢယၤဒီးဒိကနၣ်
ယတၢ်ကတိၤတဖၣ်တက့ၢ်.
7ပာ်ဖျါထီၣ်နတၢ်အဲၣ်လီၤလးဒီးမၤပူၤမၤဖျဲးယၤတက့ၢ်.
တၢ်ပူၤဖျဲးဒီးဒုၣ်ဒါ, အိၣ်ဝဲလၢနစုထွဲန့ၣ်လီၤ.
8ကဟုကယာ်ယၤဒ်နမဲာ်ပှၤဖိအသိးန့ၣ်တက့ၢ်.
ပာ်ခူသူၣ်ယၤလၢနဒံးဆ့အကဒုဖီလာ်,
9လၢပှၤတတီတလိၤအတၢ်ထီဒါယၤ,
လၢယဒုၣ်ယဒါလၢအအဲၣ်ဒိးမၤသံယၤ
အတၢ်ကဝီၤဃာ်ယၤန့ၣ်တက့ၢ်.
10အဝဲသ့ၣ်တအိၣ်ဒီးတၢ်သးကညီၤတၢ်ဘၣ်, ဒီးကတိၤတၢ်လၢတၢ်ပာ်ထီၣ်ထီသးအပူၤလီၤ.
11ဖဲယဃၣ်ဃီၤယသးတပူၤလၢ်လၢ်န့ၣ်
အဝဲသ့ၣ်အိၣ်ဝးတရံးယၤ,
ကွၢ်ဟုၣ်ကွၢ်စုာ်တၢ်ခွဲးတၢ်ယာ်လၢ
အကထုးလီၤဃံၤယၤလီၤ.
12အဝဲသ့ၣ်လီၤဂာ်ဒီးခ့ယုၢ်တဖၣ်လၢအခိးကွၢ်ယၤ
လၢအကဖှီယာ်ယၤန့ၣ်လီၤ.
13ဂဲၤထၢၣ်, ယွၤဧၢ, ကွၢ်ဆၢၣ်မဲာ်ယဒုၣ်ယဒါတဖၣ်ဒီး,
မၤနၢၤအဝဲသ့ၣ်န့ၣ်တက့ၢ်.
မၤပူၤမၤဖျဲးယၤလၢပှၤတတီတလိၤသ့ၣ်တဖၣ်န့ၣ်
လၢနနးန့ၣ်တက့ၢ်.
14ယွၤဧၢ, လၢနစုန့ၣ်
မၤပူၤမၤဖျဲးယၤလၢပှၤဒ်သိးန့ၣ်တဖၣ်
လၢအတၢ်အိၣ်မူအံၤ အတၢ်ကဲဘျုးမ့ၢ်ဒၣ်ဖဲ
ဟီၣ်ခိၣ်အံၤန့ၣ်တက့ၢ်.
စံၣ်ညီၣ်အဝဲသ့ၣ်လၢတၢ်နးတၢ်ဖှီၣ်တဖၣ်
လၢနပာ်ဖှိၣ်တ့ၢ်လၢအဂီၢ်,
ဒီးမ်ကလၢဝဲလၢ အဖိတဖၣ်အဂီၢ်
ဒီးအိၣ်လီၤတဲာ်ဒံးတနီၤလၢ
အဖိတဖၣ်အဖိအဂီၢ်န့ၣ်တက့ၢ်.
15မ့မ့ၢ်ယဲဒၣ်အံၤယကထံၣ်ဘၣ်နၤ,
မ့ၢ်လၢယတမၤကမၣ်တ့ၢ်တၢ်အဃိ,
ဒီးဖဲယပၢၢ်ထီၣ်န့ၣ်ယကပှဲၤဒီးတၢ်သးခု
မ့ၢ်လၢနအိၣ်ဒီးယၤအဃိလီၤ.
Valgt i Øjeblikket:
စံးထီၣ်ပတြၢၤ 17: KSWC
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
Sgaw Karen Common Bible © Bible Society of Myanmar, 1992.
စံးထီၣ်ပတြၢၤ 17
17
ပှၤလၢအတၢ်ကမၣ်တအိၣ်ဘၣ်တဂၤ အတၢ်ထုကဖၣ်
1ယွၤဧၢ, ဒိကနၣ်ယတၢ်ဃ့ကညးလၢ
တၢ်တီတၢ်လိၤအဂီၢ်န့ၣ်တက့ၢ်.
ဒိကနၣ်ယတၢ်ကိးထီၣ်လၢ
တၢ်မၤစၢၤအဂီၢ်န့ၣ်တက့ၢ်.
ဒိကနၣ်ယတၢ်ထုကဖၣ်အတီအလိၤန့ၣ်တက့ၢ်.
2နကစံၣ်ညီၣ်တီန့ၢ်တၢ်လၢယဂီၢ်
အဂ့ၢ်မ့ၢ်လၢနသ့ၣ်ညါတၢ်မ့ၢ်တၢ်တီအဃိလီၤ.
3နသ့ၣ်ညါယသးလီၤ. နဟဲတ့ၢ်ဆူယအိၣ်လၢမုၢ်နၤ,
နမၤကွၢ်တ့ၢ်ယၤလၢာ်လၢာ်ဆ့ဆ့ ဒီးတထံၣ်န့ၢ်
တၢ်ဆၢမၤတၢ်အၢတၢ်သီလၢယပူၤဘၣ်.
4ယတကတိၤတၢ်အၢတၢ်သီ,
ဒ်ပှၤဂၤစံးကတိၤအသိးန့ၣ်ဘၣ်.
ယဒိကနၣ်တ့ၢ်နတၢ်မၤလိာ် ဒီးတလူၤပိာ်ထွဲယဲ
တၢ်စုဆူၣ်ခီၣ်တကးအကျဲန့ၣ်ဘၣ်.
5ယလဲၤတ့ၢ်တၢ်လၢနကျဲအပူၤထီဘိ
ဒီးယတဟးဖးဒီးအီၤနီတဘျီဘၣ်.
6ယကိးထီၣ်နၤ, ကစၢ်ယွၤဧၢ,
အဂ့ၢ်မ့ၢ်လၢနစံးဆၢယၤအဃိလီၤ.
ဒိးနနၢ်လၢယၤဒီးဒိကနၣ်
ယတၢ်ကတိၤတဖၣ်တက့ၢ်.
7ပာ်ဖျါထီၣ်နတၢ်အဲၣ်လီၤလးဒီးမၤပူၤမၤဖျဲးယၤတက့ၢ်.
တၢ်ပူၤဖျဲးဒီးဒုၣ်ဒါ, အိၣ်ဝဲလၢနစုထွဲန့ၣ်လီၤ.
8ကဟုကယာ်ယၤဒ်နမဲာ်ပှၤဖိအသိးန့ၣ်တက့ၢ်.
ပာ်ခူသူၣ်ယၤလၢနဒံးဆ့အကဒုဖီလာ်,
9လၢပှၤတတီတလိၤအတၢ်ထီဒါယၤ,
လၢယဒုၣ်ယဒါလၢအအဲၣ်ဒိးမၤသံယၤ
အတၢ်ကဝီၤဃာ်ယၤန့ၣ်တက့ၢ်.
10အဝဲသ့ၣ်တအိၣ်ဒီးတၢ်သးကညီၤတၢ်ဘၣ်, ဒီးကတိၤတၢ်လၢတၢ်ပာ်ထီၣ်ထီသးအပူၤလီၤ.
11ဖဲယဃၣ်ဃီၤယသးတပူၤလၢ်လၢ်န့ၣ်
အဝဲသ့ၣ်အိၣ်ဝးတရံးယၤ,
ကွၢ်ဟုၣ်ကွၢ်စုာ်တၢ်ခွဲးတၢ်ယာ်လၢ
အကထုးလီၤဃံၤယၤလီၤ.
12အဝဲသ့ၣ်လီၤဂာ်ဒီးခ့ယုၢ်တဖၣ်လၢအခိးကွၢ်ယၤ
လၢအကဖှီယာ်ယၤန့ၣ်လီၤ.
13ဂဲၤထၢၣ်, ယွၤဧၢ, ကွၢ်ဆၢၣ်မဲာ်ယဒုၣ်ယဒါတဖၣ်ဒီး,
မၤနၢၤအဝဲသ့ၣ်န့ၣ်တက့ၢ်.
မၤပူၤမၤဖျဲးယၤလၢပှၤတတီတလိၤသ့ၣ်တဖၣ်န့ၣ်
လၢနနးန့ၣ်တက့ၢ်.
14ယွၤဧၢ, လၢနစုန့ၣ်
မၤပူၤမၤဖျဲးယၤလၢပှၤဒ်သိးန့ၣ်တဖၣ်
လၢအတၢ်အိၣ်မူအံၤ အတၢ်ကဲဘျုးမ့ၢ်ဒၣ်ဖဲ
ဟီၣ်ခိၣ်အံၤန့ၣ်တက့ၢ်.
စံၣ်ညီၣ်အဝဲသ့ၣ်လၢတၢ်နးတၢ်ဖှီၣ်တဖၣ်
လၢနပာ်ဖှိၣ်တ့ၢ်လၢအဂီၢ်,
ဒီးမ်ကလၢဝဲလၢ အဖိတဖၣ်အဂီၢ်
ဒီးအိၣ်လီၤတဲာ်ဒံးတနီၤလၢ
အဖိတဖၣ်အဖိအဂီၢ်န့ၣ်တက့ၢ်.
15မ့မ့ၢ်ယဲဒၣ်အံၤယကထံၣ်ဘၣ်နၤ,
မ့ၢ်လၢယတမၤကမၣ်တ့ၢ်တၢ်အဃိ,
ဒီးဖဲယပၢၢ်ထီၣ်န့ၣ်ယကပှဲၤဒီးတၢ်သးခု
မ့ၢ်လၢနအိၣ်ဒီးယၤအဃိလီၤ.
Sgaw Karen Common Bible © Bible Society of Myanmar, 1992.