လံာ်စီၤယိၤဘး 23
23
1-2ဒီးစီၤယိၤဘးစံးဆၢဝဲဒၣ်, ယကဒူးကဒ့ၣ်ဒံးတၢ်ထီဒါ ကစၢ်ယွၤန့ၣ်လီၤ. ယဆိကတီၢ်လၢယတၢ်ကအုကစွါတန့ၢ်ဘၣ်.
3ယဆၢလၢယကသ့ၣ်ညါတၢ်ထံၣ်န့ၢ်အီၤအလီၢ်ဒီးသ့ၣ်ညါ ကျဲလဲၤဆူအအိၣ်တၢ်အလီၢ်န့ၣ်လီၤ.
4ယကပာ်ဖျါထီၣ်ယတၢ်ဂ့ၢ်တၢ်ကျိၤလၢအမဲာ်ညါ, ဒီးယကမၤပှဲၤယထးခိၣ်ဒီးတၢ်ဂ့ၢ်လိာ်ဘှီလိာ်အတၢ်ကတိၤ န့ၣ်လီၤ.
5ယအဲၣ်ဒိးသ့ၣ်ညါလၢအဝဲကစံးတၢ်မနုၤလဲၣ်ဒီးအဝဲကစံးဆၢယၤ ဒ်လဲၣ်န့ၣ်လီၤ.
6မ့ၢ်ကစၢ်ယွၤကသူအဂံၢ်အဘါခဲလၢာ်လၢကထီဒါယၤအဂီၢ် န့ၣ်ဧါ. တမ့ၢ်ဘၣ်. အဝဲကဒိကနၣ်ယၤဒ်ယစံးယဲအသိးန့ၣ်လီၤ.
7ယတီယဲလိၤယဲ, ယဂ့ၢ်လိာ်ဘှီလိာ်ဒီးကစၢ်ယွၤသ့ဝဲ, ဒီး အဝဲကတဲဖျါထီၣ်ဝဲလၢယမ့ၢ်ပှၤလၢတၢ်ပာ်တၢ်ကမၣ်အလိၤ အလီၢ်တအိၣ်တစိၤဒၣ်ယၤန့ၣ်လီၤ.
8ယဃုတ့ၢ်လံယဲလၢမုၢ်ထီၣ်ဘၣ်ဆၣ်ကစၢ်ယွၤတအိၣ်ဖဲန့ၣ်ဘၣ်. ဒီးဖဲယဃုအီၤလၢမုၢ်နုာ်န့ၣ်ယတထံၣ်န့ၢ်အီၤဘၣ်.
9ကစၢ်ယွၤမၤတ့ၢ်လံတၢ်လၢကလံၤထံးဒီးကလံၤစိးန့ၣ်လီၤ. ဘၣ်ဆၣ်ယတထံၣ်န့ၢ်ဒံးဘၣ်အီၤဘၣ်.
10ကစၢ်ယွၤသ့ၣ်ညါယခီၣ်ကါကိးခါဒဲးလီၤ. အဝဲမ့ၢ်မၤကွၢ် ယၤဒီးအဝဲကထံၣ်လၢယကဆှီယဲဒ်ထူအသိးန့ၣ်လီၤ.
11ယခီၣ်ဟံးဃးအခီၣ်လီၢ်တဖၣ်, ယပိာ်အကျဲဒီးယတဟးဖး ဒီးအကျဲန့ၣ်ဘၣ်.
12တၢ်လၢကစၢ်ယွၤမၤလိာ်ဝဲတဖၣ်န့ၣ်ယမၤယဲထီဘိလီၤ. ယပိာ်ထွဲယဲတၢ်ဘၣ်အသး, တမ့ၢ်ဘၣ်ယသးအတၢ်ဆၢန့ၢ် တဖၣ်န့ၣ်ဘၣ်.
13အဝဲတလဲလိာ်အသးနီတစုဘၣ်. ပှၤထီဒါအီၤမ့ၢ်ဂ့ၤ တြီအီၤမ့ၢ်ဂ့ၤ လၢကမၤတၢ်လၢအအဲၣ်ဒိးမၤဝဲ တသ့နီတဂၤဘၣ်.
14အဂ့ၢ်ဒ်အံၤ, အဝဲကမၤလၢထီၣ်ပှဲၤထီၣ်အတၢ်တိာ်ပာ်လၢယဂီၢ်, ဒီးတၢ်တိာ်ပာ်ဒ်န့ၣ်အသိးတဖၣ်အိၣ်ဝဲအါမးလၢအသးပူၤန့ၣ် လီၤ.
15မၤသးဒ်န့ၣ်ဒီး, ယပျံၤတၢ်ဖုးတၢ်လၢအမဲာ်ညါ, ဒီးတုၤယဆိကမိၣ်တၢ်ဒီးယကနိးကစုာ်ယဲလီၤ.
16သ့တၢ်လၢာ်ကစၢ်ယွၤမၤဟးဂီၤကွံာ်ယတၢ်သူၣ်ဒူသးဒူတဖၣ် န့ၣ်လံ. 17တၢ်ခံးသူမ့ၢ်မၤဘျီၣ်ကွံာ်ယမဲာ်ဒၣ်လဲာ်န့ၣ်ပှၤလၢအမၤ ပျံၤယၤန့ၣ်တမ့ၢ်တၢ်ခံးတၢ်နၤဘၣ်. မ့ၢ်ဒၣ်ကစၢ်ယွၤန့ၣ်လီၤ.
Valgt i Øjeblikket:
လံာ်စီၤယိၤဘး 23: KSWC
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
Sgaw Karen Common Bible © Bible Society of Myanmar, 1992.
လံာ်စီၤယိၤဘး 23
23
1-2ဒီးစီၤယိၤဘးစံးဆၢဝဲဒၣ်, ယကဒူးကဒ့ၣ်ဒံးတၢ်ထီဒါ ကစၢ်ယွၤန့ၣ်လီၤ. ယဆိကတီၢ်လၢယတၢ်ကအုကစွါတန့ၢ်ဘၣ်.
3ယဆၢလၢယကသ့ၣ်ညါတၢ်ထံၣ်န့ၢ်အီၤအလီၢ်ဒီးသ့ၣ်ညါ ကျဲလဲၤဆူအအိၣ်တၢ်အလီၢ်န့ၣ်လီၤ.
4ယကပာ်ဖျါထီၣ်ယတၢ်ဂ့ၢ်တၢ်ကျိၤလၢအမဲာ်ညါ, ဒီးယကမၤပှဲၤယထးခိၣ်ဒီးတၢ်ဂ့ၢ်လိာ်ဘှီလိာ်အတၢ်ကတိၤ န့ၣ်လီၤ.
5ယအဲၣ်ဒိးသ့ၣ်ညါလၢအဝဲကစံးတၢ်မနုၤလဲၣ်ဒီးအဝဲကစံးဆၢယၤ ဒ်လဲၣ်န့ၣ်လီၤ.
6မ့ၢ်ကစၢ်ယွၤကသူအဂံၢ်အဘါခဲလၢာ်လၢကထီဒါယၤအဂီၢ် န့ၣ်ဧါ. တမ့ၢ်ဘၣ်. အဝဲကဒိကနၣ်ယၤဒ်ယစံးယဲအသိးန့ၣ်လီၤ.
7ယတီယဲလိၤယဲ, ယဂ့ၢ်လိာ်ဘှီလိာ်ဒီးကစၢ်ယွၤသ့ဝဲ, ဒီး အဝဲကတဲဖျါထီၣ်ဝဲလၢယမ့ၢ်ပှၤလၢတၢ်ပာ်တၢ်ကမၣ်အလိၤ အလီၢ်တအိၣ်တစိၤဒၣ်ယၤန့ၣ်လီၤ.
8ယဃုတ့ၢ်လံယဲလၢမုၢ်ထီၣ်ဘၣ်ဆၣ်ကစၢ်ယွၤတအိၣ်ဖဲန့ၣ်ဘၣ်. ဒီးဖဲယဃုအီၤလၢမုၢ်နုာ်န့ၣ်ယတထံၣ်န့ၢ်အီၤဘၣ်.
9ကစၢ်ယွၤမၤတ့ၢ်လံတၢ်လၢကလံၤထံးဒီးကလံၤစိးန့ၣ်လီၤ. ဘၣ်ဆၣ်ယတထံၣ်န့ၢ်ဒံးဘၣ်အီၤဘၣ်.
10ကစၢ်ယွၤသ့ၣ်ညါယခီၣ်ကါကိးခါဒဲးလီၤ. အဝဲမ့ၢ်မၤကွၢ် ယၤဒီးအဝဲကထံၣ်လၢယကဆှီယဲဒ်ထူအသိးန့ၣ်လီၤ.
11ယခီၣ်ဟံးဃးအခီၣ်လီၢ်တဖၣ်, ယပိာ်အကျဲဒီးယတဟးဖး ဒီးအကျဲန့ၣ်ဘၣ်.
12တၢ်လၢကစၢ်ယွၤမၤလိာ်ဝဲတဖၣ်န့ၣ်ယမၤယဲထီဘိလီၤ. ယပိာ်ထွဲယဲတၢ်ဘၣ်အသး, တမ့ၢ်ဘၣ်ယသးအတၢ်ဆၢန့ၢ် တဖၣ်န့ၣ်ဘၣ်.
13အဝဲတလဲလိာ်အသးနီတစုဘၣ်. ပှၤထီဒါအီၤမ့ၢ်ဂ့ၤ တြီအီၤမ့ၢ်ဂ့ၤ လၢကမၤတၢ်လၢအအဲၣ်ဒိးမၤဝဲ တသ့နီတဂၤဘၣ်.
14အဂ့ၢ်ဒ်အံၤ, အဝဲကမၤလၢထီၣ်ပှဲၤထီၣ်အတၢ်တိာ်ပာ်လၢယဂီၢ်, ဒီးတၢ်တိာ်ပာ်ဒ်န့ၣ်အသိးတဖၣ်အိၣ်ဝဲအါမးလၢအသးပူၤန့ၣ် လီၤ.
15မၤသးဒ်န့ၣ်ဒီး, ယပျံၤတၢ်ဖုးတၢ်လၢအမဲာ်ညါ, ဒီးတုၤယဆိကမိၣ်တၢ်ဒီးယကနိးကစုာ်ယဲလီၤ.
16သ့တၢ်လၢာ်ကစၢ်ယွၤမၤဟးဂီၤကွံာ်ယတၢ်သူၣ်ဒူသးဒူတဖၣ် န့ၣ်လံ. 17တၢ်ခံးသူမ့ၢ်မၤဘျီၣ်ကွံာ်ယမဲာ်ဒၣ်လဲာ်န့ၣ်ပှၤလၢအမၤ ပျံၤယၤန့ၣ်တမ့ၢ်တၢ်ခံးတၢ်နၤဘၣ်. မ့ၢ်ဒၣ်ကစၢ်ယွၤန့ၣ်လီၤ.
Sgaw Karen Common Bible © Bible Society of Myanmar, 1992.