Nimlivolivon 25
25
Amyan si Pawlo do tangain ni Veyseto a panirsirngen
1Macipalit o kabtekan da do Kaysadiya a panirsirngen a meyngaran so Veyseto am mangay rana do Yelosaleng do ikatlo na araw. 2O panipanirsirngen da rana no mapatanatanang so nakem da si Ama ta do to a kano kamanrarakehan da no tao do Yotay am mangononong sira so malas a iraherahet da si Pawlo, 3a kapanci da ni Veyseto a omya so tao a mangay ni Pawlo do Yelosaleng. Ta naknakmen da o kavat da ji Pawlo do rarahan a zakaten da sya. 4Am maniring jira si Veyseto am, “Yapa myan si Pawlo do pamemtengan do Kaysadiya. Cyaha, ta makeykai ko a meysinaoli do dang. 5So pancyan nyo no kamanrarakehan a macihza jyaken a kapanci da no karatan no tao ang, no si makaranes sira do dang.”
6Mina kapito araw si Veyseto a nimyan do dang a kapeysinaoli na rana a mangay do Kaysadiya. Ikadwa na araw am iwangan na o pacicicyan a kai da rana ni Pawlo do tangain na. 7Mai rana si Pawlo am o apo do Yelosaleng aro a tao am limoten da a kapanci da no itawwen da ciring a iraherahet da sya. Am abo do dang o manoyong a ciring da. 8So nitovisan na jira ni Pawlo. Maniring am, “Yabo o ko mina vazay a yamacisala do iwawalam namen a tao do Yotay. Ko jya niraherahet o rako a panaralayan namen do Yelosaleng a kano rako a panirsirngen ta do Loma.” 9Am kakdain na ni Veyseto o karilaw da nya no tao do Yotay. Maniring ji Pawlo am, “Manngwa, apyahen mo o kangay mo do Yelosaleng a pacicin ko dang an?” 10Maniring si Pawlo am, “Ko myan do tangain mo a yamo pacicin sicyaraw eya a nitovoy ni Kaysa a panirsirngen no Loma. So ko to ngyani do jya pacicin mo. Yamo katenngan yaken a yabo so yacinaratan do tao do Yotay. 11No si myan so kalasan ko a jya niomonot do iwawalam ta am cyaha, to nyo na zakata yaken. Am si abo o kalasan ko am ji ko mya o kapacici da jyaken no tao do Yotay. Si Kaysa apyahen ko a mapacici jyaken.”
12Mateyka ni Veyseto a ahesen o kararay na am maniring ji Pawlo am, “No mo ikakza o mo kangay do rako a panirsirngen do Loma am to ko na novoya imo a mangay dang.”
Meysirisiring sira Veyseto a kani Aglipa
13Kadadayan na so araraw am mangay si Aglipa a panirsirngen a kano mavakes a meyngaran si Peynici do Kaysadiya a somaray ni Veyseto, do mina kapamnek da jya panirsirngen da. 14Makanateng o araraw no niyan da dang am ipanci na rana ni Veyseto o vazay ni Pawlo ji Aglipa. Maniring am, “Yamyan jya so yasa ka tao a nipteng na ni Veydise. 15No kangay ko do Yelosaleng am amyan so ciring a niraherahet da sya no panipanirsirngen no mapatanatanang so nakem da si Ama ta do to a kano kamanrarakehan da no tao do Yotay. Ipanci da yaken a omzakat sya. 16Am maniring ko jira am, ‘No pangozayan o iwawalam no tao do Loma am no jya nipacici pa kabo no asa ka ciring a nipanci na a omagaz do karatan na am masalit o kato wakwakan so akman sang a tao.’ 17No kai da am ji ko nipeyyahahay, ta ikadwa na araw am iwangan ko o pacicicyan a kapacici ko si Pawlo. 18Patwawen da o iraherahet da si Pawlo a ciring da am abo do teywara o karatan na do amizngan ko sya. 19O da oyyan nya am ji na nionotan o iwawalam da no tao do Yotay. Ta onotan na o asa ka tao a meyngaran si Yeso a nimawakwak rana. Am ipanci na ni Pawlo o kanimirwa na mavyay no nang. 20O akman rana sya a vazay am ko jyatenngi o ko ahahapan sya. Pacicin ko si Pawlo am, ‘Manngwa, apyahen mo kangay mo do Yelosaleng a pacicin an?’ 21Am jyakey si Pawlo, ta ikakza na o rako a panirsirngen ta do Loma a mapacici sya. Maniring ko ji Pawlo am, ‘No komwan am to mo na panala o araraw no angayan da nimo do Loma.’ ”
22Maniring si Aglipa ji Veyseto am, “Amizngen ko pala o ciring na.” Maniring si Veyseto am, “Amizngen mo simaraw.”
Amyan si Pawlo do tangain ni Aglipa
23Ikadwa na araw am nimai si Aglipa kani Peynici a meyyayob so apiya ayob da somdep do rako a peykeykaygyan. O macihza rana jira am panipanirsirngen no itaysang a kano maizay a tao do ili da. Meyratateng am nipanci ni Veyseto o tao a mai ni Pawlo. 24Maniring si Veyseto do aro a tao am, “O tao rana ya am oya o yada ipanci a zakaten no tao do Yotay do Yelosaleng a kado jya. 25Nyamizing ko na o ciring na am abo teywara a karatan na. O na ikakza no tao eya am pacicin no rako a panirsirngen do Loma. Am ori o ko na to novoi sya mangay do Loma. 26Am yabo o ko nivatvatkan a karatan na a citahen no panirsirngen no Loma. Am ori o ko nyayyan nya jimo, mo Aglipa a panirsirngen namen, a ka ninyo a aro a tao a yaomamizing sya. Ta sidongen nyo pa yaken a manci no karatan na, kavatvatek ko jya. Ta ori o iyan no vatvatkan ko a citahen no panirsirngen do Loma. 27Ta no ko naknakmen am no ji pa tenngi o karatan no nirakep a tao am marahet o kato rana novoyan sya do rako a panirsirngen ta.”
Valgt i Øjeblikket:
Nimlivolivon 25: snt
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
The Bible Society in Taiwan
Nimlivolivon 25
25
Amyan si Pawlo do tangain ni Veyseto a panirsirngen
1Macipalit o kabtekan da do Kaysadiya a panirsirngen a meyngaran so Veyseto am mangay rana do Yelosaleng do ikatlo na araw. 2O panipanirsirngen da rana no mapatanatanang so nakem da si Ama ta do to a kano kamanrarakehan da no tao do Yotay am mangononong sira so malas a iraherahet da si Pawlo, 3a kapanci da ni Veyseto a omya so tao a mangay ni Pawlo do Yelosaleng. Ta naknakmen da o kavat da ji Pawlo do rarahan a zakaten da sya. 4Am maniring jira si Veyseto am, “Yapa myan si Pawlo do pamemtengan do Kaysadiya. Cyaha, ta makeykai ko a meysinaoli do dang. 5So pancyan nyo no kamanrarakehan a macihza jyaken a kapanci da no karatan no tao ang, no si makaranes sira do dang.”
6Mina kapito araw si Veyseto a nimyan do dang a kapeysinaoli na rana a mangay do Kaysadiya. Ikadwa na araw am iwangan na o pacicicyan a kai da rana ni Pawlo do tangain na. 7Mai rana si Pawlo am o apo do Yelosaleng aro a tao am limoten da a kapanci da no itawwen da ciring a iraherahet da sya. Am abo do dang o manoyong a ciring da. 8So nitovisan na jira ni Pawlo. Maniring am, “Yabo o ko mina vazay a yamacisala do iwawalam namen a tao do Yotay. Ko jya niraherahet o rako a panaralayan namen do Yelosaleng a kano rako a panirsirngen ta do Loma.” 9Am kakdain na ni Veyseto o karilaw da nya no tao do Yotay. Maniring ji Pawlo am, “Manngwa, apyahen mo o kangay mo do Yelosaleng a pacicin ko dang an?” 10Maniring si Pawlo am, “Ko myan do tangain mo a yamo pacicin sicyaraw eya a nitovoy ni Kaysa a panirsirngen no Loma. So ko to ngyani do jya pacicin mo. Yamo katenngan yaken a yabo so yacinaratan do tao do Yotay. 11No si myan so kalasan ko a jya niomonot do iwawalam ta am cyaha, to nyo na zakata yaken. Am si abo o kalasan ko am ji ko mya o kapacici da jyaken no tao do Yotay. Si Kaysa apyahen ko a mapacici jyaken.”
12Mateyka ni Veyseto a ahesen o kararay na am maniring ji Pawlo am, “No mo ikakza o mo kangay do rako a panirsirngen do Loma am to ko na novoya imo a mangay dang.”
Meysirisiring sira Veyseto a kani Aglipa
13Kadadayan na so araraw am mangay si Aglipa a panirsirngen a kano mavakes a meyngaran si Peynici do Kaysadiya a somaray ni Veyseto, do mina kapamnek da jya panirsirngen da. 14Makanateng o araraw no niyan da dang am ipanci na rana ni Veyseto o vazay ni Pawlo ji Aglipa. Maniring am, “Yamyan jya so yasa ka tao a nipteng na ni Veydise. 15No kangay ko do Yelosaleng am amyan so ciring a niraherahet da sya no panipanirsirngen no mapatanatanang so nakem da si Ama ta do to a kano kamanrarakehan da no tao do Yotay. Ipanci da yaken a omzakat sya. 16Am maniring ko jira am, ‘No pangozayan o iwawalam no tao do Loma am no jya nipacici pa kabo no asa ka ciring a nipanci na a omagaz do karatan na am masalit o kato wakwakan so akman sang a tao.’ 17No kai da am ji ko nipeyyahahay, ta ikadwa na araw am iwangan ko o pacicicyan a kapacici ko si Pawlo. 18Patwawen da o iraherahet da si Pawlo a ciring da am abo do teywara o karatan na do amizngan ko sya. 19O da oyyan nya am ji na nionotan o iwawalam da no tao do Yotay. Ta onotan na o asa ka tao a meyngaran si Yeso a nimawakwak rana. Am ipanci na ni Pawlo o kanimirwa na mavyay no nang. 20O akman rana sya a vazay am ko jyatenngi o ko ahahapan sya. Pacicin ko si Pawlo am, ‘Manngwa, apyahen mo kangay mo do Yelosaleng a pacicin an?’ 21Am jyakey si Pawlo, ta ikakza na o rako a panirsirngen ta do Loma a mapacici sya. Maniring ko ji Pawlo am, ‘No komwan am to mo na panala o araraw no angayan da nimo do Loma.’ ”
22Maniring si Aglipa ji Veyseto am, “Amizngen ko pala o ciring na.” Maniring si Veyseto am, “Amizngen mo simaraw.”
Amyan si Pawlo do tangain ni Aglipa
23Ikadwa na araw am nimai si Aglipa kani Peynici a meyyayob so apiya ayob da somdep do rako a peykeykaygyan. O macihza rana jira am panipanirsirngen no itaysang a kano maizay a tao do ili da. Meyratateng am nipanci ni Veyseto o tao a mai ni Pawlo. 24Maniring si Veyseto do aro a tao am, “O tao rana ya am oya o yada ipanci a zakaten no tao do Yotay do Yelosaleng a kado jya. 25Nyamizing ko na o ciring na am abo teywara a karatan na. O na ikakza no tao eya am pacicin no rako a panirsirngen do Loma. Am ori o ko na to novoi sya mangay do Loma. 26Am yabo o ko nivatvatkan a karatan na a citahen no panirsirngen no Loma. Am ori o ko nyayyan nya jimo, mo Aglipa a panirsirngen namen, a ka ninyo a aro a tao a yaomamizing sya. Ta sidongen nyo pa yaken a manci no karatan na, kavatvatek ko jya. Ta ori o iyan no vatvatkan ko a citahen no panirsirngen do Loma. 27Ta no ko naknakmen am no ji pa tenngi o karatan no nirakep a tao am marahet o kato rana novoyan sya do rako a panirsirngen ta.”
Valgt i Øjeblikket:
:
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
The Bible Society in Taiwan