1 Kedinto 10
10
Ipaziman na so manaralay so malas a iraralay
1-2Manga kakteh, ko pazimanen jinyo o mina vazay no ineynapo ta a nimacihza ji Moyse. Nimamimin sira nyapzatan ni Ama ta do to a nimangonong do ngaranan da Mabazangbang awa. Tana do onotan da do cinalab a tana no kapangonong da do awa am nimamimin sira niomonot ji Moyse do palolwan na sira. 3Akmey asa sira nikoman so nipakas na ni Ama ta do to a kanen a ngaranan da mana a nibsoy na sira. 4Akmey asa sira niminom so ranom a nitoro na jira ni Ama ta do to a nimvoyog do vato. O vato rana am akmey kataotao na ni Yeso Kizisto a nimacihza jira. 5Am tana rako o nisidongan na sira ni Ama ta do to am apeleh sira o nimahap so vazay na tao. So nikaoyyan na nira ni Ama ta do to. Am ori o nikawakwak da do kabwan no nihakawan no tao.
6Ikananao ta rana yamakakaday a vazay a na ipaziman jyaten a ji macineynara do akman sira ori a makza no makakaday a marahet a vazay. 7So ji nyo nginarai so yatatasa ka tao jira a manaralay so malas a iraralay da, akman so ciring do Seysyo. Ta maniring am, “No kapanaralay da so malas a iraralay da am makapya sira o aro a tao a malimolimot a amyop a koman a maganam.”#10:7 Soayci Ci 32:6. 8Ji tamo nginara sira o yatatasa ka tao a somagpyan a yabo so yapanganyanigan. Sira rana ori am kakatlwan a ranaw o ikatlo na zivo (23,000) no tao a nimawakwak do kasaraw. 9Ji tamo nginara o yatatasa ka tao a mileylamdam si Ama ta do to, ta nisongit da sira no aro a mavowaw a kawakwak da. 10Ji tamo nginara sira o yatatasa ka tao a meyoyaoya do tangain na ni Ama ta do to. Ta o meyoyaoya a tao no kanang am nibalinas na sira no tinsi na ni Ama ta do to.
11O akman rana sang a vazay da am ipaziman na so aro a tao. So na idket no akman sang do Seysyo a ipaziman na jyaten a tao sicyaikwaya. Ta yaomanam rana o kakavos no karawan.
12Am ori an, no myan so makeylamdam so nakenakem na ji Ama ta do to a makdeng rana am meytataziman ori an. Ta kalittan an. 13O yana ilita jinyo ni Satan am yabo dang vayo. Am katey manoyong na ni Ama ta do to a mapahawa so ikarahet nyo a ilita na jinyo ni Satan. Ta oyatan na inyo ni Ama ta do to no littan na inyo ni Satan. So ikapiya nyo a ipeypalanginan na ni Ama ta do to a mahap so apiya vazay.
14Am ori an, ji kamo rana manaralay so malas a iraralay nyo, manga keypong an. 15Yako nanawen inyo a mateteneng a tao. Jyabo kaji nyo makatenngan do kanoyong na, kalas na no ciring ko a. 16O tamo ayopen a tamo iyapapaw si Yeso am tamo isaray ji Ama ta do to an. No tamo amyop so rala na ni Yeso a yata kakan so kataotao na am tamo akmey asa rana a macikaop ji Yeso Kizisto a nimawakwak no raraten ta. 17Tana tamo aro am yasa saon o pang a tamo kanen am. So yatamo icyakmey yasa rana so kataotao. 18Naknakmen nyo o Isedi a tao a koman so patanangen da ji Ama ta do to a yamacizanod so nakem amraralay ni Ama ta do to.
19Ikongo peypeypangayan no akman sang a ciring. Manngwa, manoyong o kakdeng na no malas a iraralay da kano pazos? 20Jyabo kakman na sang a. Ko peycirngan sya am o pazos da no ji raralay ni Ama ta do to am itoro da do kalamsoyan ni Satan. So ika beken a si Ama ta do to no torwan da nya. So ko ji mamyapyai ninyo a macikaop do kalamsoyan ni Satan. 21Marahet o keyyop nyo so rala ni Yeso a nyo keyyop so monganay ji Satan. Marahet o kakan nyo so kataotao ni Yeso a kakan nyo so monganay ji Satan. 22Manngwa, tamo manoyong a yamapasozi si Yeso a Panirsirngen ta? Manngwa, tamo mowyowyat pa kani Yeso?
23Yamyan so tao a yamanci no, “Sino ipanci o kaji ta naliwayan a mahap so vazay ta.” Jyalas o akman sang a ciring. Am beken a todamimin o vazay a makarapa do onowned. Manoyong kasaliway ta a mahap so vazay ta. Am beken a todamimin o vazay a makasidong so tao. 24Taosya o kato ta manginanodan so apyahen ta no nakem. Ta panadnaden ta o icyatatao ta.
25Ji nyo a zyakan o yapwan no ipanazang da asi no vinyay, ta kasazang nyo jya. 26Ta maniring do Seysyo am, “O masaod no karawan am mamimin a yaponged na ni Ama ta do to.”#10:26 Anwanood 24:1.
27No pakanen da inyo no ji raralay ni Ama ta do to am no panamen da o kanen am ji nyo meyrahan. 28Am no myan so akma moy kakteh do cinai a manci no kanimeypazos da no kanekanen am panadnaden nyo o manci nya tao. Apyapya pa kaji nyo nganan sya. 29Beken a ko pakacirngen jinyo amrahet sya, ta panadnaden nyo o ji makakan sya tao. Am ori o ji nyo ngani sya.
Ala myan so tao a manci no, “Ta amizngan ko so ciring da no tao.” 30Ji nyo akwan o, “No isaray ko kanen ji Ama ta do to am sino tomamwad jyaken a koman sya.”
31Am ori an, tana makakaday a vazay nyo a tana koman kamo a tana omyop kamo am naknakmen nyo o kazwazway nyo si Ama ta do to. 32Am ori an, ji nyo mamyapyai no kapacinara da jinyo a meyraraten no tao do Yotay a kano beken a tao do Yotay a kano tao do peycyakyokyokayan na. 33Inarahen nyo o mina vazay ko a mapasaray so aro a tao a ji mangozay do apyahen ko no nakem. Ta panadnaden o icyatatao. Ta ori o ikablis da no onowned da ipakahap da so to meyyonong a ikavyay no pahad da.
Valgt i Øjeblikket:
1 Kedinto 10: snt
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
The Bible Society in Taiwan