Maahtiyo 5
5
I'iwe Ciisahs kaakii'ishi kakiihkwetc i'imaa ehpihkwatinaanik
1E'-waapamaatc itahsh Ciisahs aahpici e'onsaamiinonitc kaapiminisha'okotc, kii'ani kohpaamaciwe ehpihkwatinaanik, ekii'ani onapitc. Okihkino'amawaakana' itahsh okiihpi waahkaashkaakoo'. 2Miitahsh i'i kaa'ishi maacii kihkino'amawaatc:
Ciisahs e'wiinaatc awenena' iniweniwa' ke'shawentaakosinitc
(Luke 6.20-23)
3“Shawentaakosiwak oko kaakitimaakenimowaatc, kaa‑ahpenimonotawaawaatc Kishemanitoon.
Amiiwak oko mayaa Kishemanitoon kaakihci otookimaamiwaatc!#5.3 Kishemanitoon kaakihciotookimaamiwaatc: waapantan 3.2.
4 #
Isa 61.2. Shawentaakosiwak oko kaamaanentamowaatc.
Kishemanitoon oka minwentami'ikowaan.
5 #
Psa 37.11. Shawentaakosiwak oko kaakihtenimohsikwaa.
Kishemanitoon oka miinikowaan kekoonan kaakii'ishi ahshotamawaanitc i'i opimaatisiimini.
6 #
Isa 55.1-2. Shawentaakosiwak ikiweniwak kaaishi antawentamowaatc aahpici citootamowaatc Kishemanitoon kaaishi antawenimikowaatc.
Kishemanitoon oka tepinaweyentami'ikowaan.
7Shawentaakosiwak iki kaakitimaakinaakewaatc.
Aaniihsh Kishemanitoon oka kitimaakinaakowaan.
8 #
Psa 24.3-4. Shawentaakosiwak iki kaapehkite'ewaatc.
Oka waapamaawaan ihsa Kishemanitoon e'wiiciiwikowaatc.
9Shawentaakosiwak iki kaawiici'aawaatc ciminowiiciintinitc kahkina pemaatisinitc.
‘Kiinawaa niniicaanihsak’ oka ikowaan Kishemanitoon.
10 #
1Pe 3.14. Shawentaakosiwak iki kaakakwaataki'intwaa 'iwe onci ehtootamowaatc Kishemanitoon kaaishi antawentaminitc.
Amiiwak iki mayaa Kishemanitoon kaakihci otookimaamiwaatc.
11 #
1Pe 4.14. Kika shawentaakosim kiinawaa ahpii awiyak e'mamaci ininekwaa, shikwa wanitootawinekwaa, shikwa macikiiwanimowinan eninekwaa, ehkihkeniminekwaa niin ehpimiwiiciiwiyek. 12#2Ch 36.16; Act 7.52. Kihciminwentamohk, ciihkentamohk! Aaniihsh kihcitipa'amaakoowin kika nawentamaakoom kihcikiishikonk. Amii 'owe mayaa kewiinawaa kaakii'ishi kakwaataki'intwaa iki Kishemanitoon kaakiih kanootamawaawaatc kaakiih pimaatisiwaatc cipwaa ayaayek.”
Ciisahs e'aawehcikaaketc shiiwihtaakan, waahseyaa kaye
(Mark 9.50; Luke 14.34-35)
13 #
Mrk 9.50; Luk 14.34-35. “Kiinawaa ciaapaci'ikooyek o'omaa ahkiink peshikwan kaashi aapatahk i'i shiiwihtaakan kaatakonikaatek miicimink. Kiishpin tahsh shiiwihtaakan ani nihsitohpokwahsinok, aaniin itahsh miinawaa ke'kii'ishi shiiwihtaakaniwankipan? Kaawiin inkotano tainaapatahsinoon, mii ehta ciwepinikaatekipan imaa keani ishi tataahkohkaatek. 14#Jhn 8.12; 9.5. Kiinawaa kiwaahseshkaam 'owe ahki. Ootena kaapatahkitek wakitatin kaawiin takiih kaacikaatehsinoon. 15#Mrk 4.21; Luk 8.16; 11.33. Kaawiin ohsha awiya otaa sahka'ansiin waahsahkonencikan ciakwana'ank anaamaya'ii miicimiwash, i'imaa hsa waahsahkonencikanaahtikonk ciakootootc. Miitahsh eshi waahsahkonenamawintwaa kahkina piintik kaa‑ayaawaatc. 16#1Pe 2.12. Maano shikwa taishi waahsahkone 'iwe kiwaahsahkonewiniwaa ciwaapaminekwaa pemaatisiwaatc, ciwaapantamowaatc kiminohcikewiniwaan, shikwa cikihci inakimaawaatc Koohsiwaan kihcikiishikonk kaa‑ayaanitc.”
Ciisahs ehkihkino'amaaketc cikanawencikaatenik kaaTipenciketc otoonahshowewin
17“Keko inentankek ehpiishaayaan cipinihshiwanaacihtooyaan otOonahshowewin Moosihs kaye okihkino'amaakewinini Kishemanitoo otipaacimowininiima' kaakiih kanootamaakotc.#5.17 otOonahshowewin Moosihs kaye okihkino'amaakewinini Kishemanitoo otipaacimowininiima': mii hsa 'iweni maamaw kaakii'-ishinihkaatamowaatc kahkina piko Hiiparoo (Hebrew) Kehtemasina'ikanink kaakii'-ayaanikin. Kaawiin nintoonci piishaahsii cinihshiwanaacihtooyaan. O'owe tahsh kaakii'onci piishaayaan citootamaan i'i ci‑ishiwepahk aaniin eshihsek i'i Onahshowewin. 18#Luk 16.17. Weweni naakatawentamohk o'owe: Minihk 'owe kihcikiishik shikwa ahki keani ayaamakahkin, kaawiin awaac peshik oshipii'ikan kaye cahkipii'ikan tanoontehsehsinoon Onahshowewinink onci, piinihsh kahkina ciani tipihsekin. 19Awenen itahsh awe ke'shashiipihtank ono onahshowewinan pooshke maawac kaa‑akaahsentaakwaninikin, ani ishi kihkino'amawaatc kotak awiya', amii 'awe maawac pankii keinentaakositc ahpii Kishemanitoon keoshihsitoonitc oTipencikewinini. Awenen itahsh ke'tootank kaye kekihkino'amaaketc, niipiwa' tainentaakosi 'imaa Kishemanitoon oTipencikewininiink. 20Amiitahsh owe eshi wiintamawinakook: Awahshime ayaankwaamisik kahkina kekoon 'awe Kishemanitoo kaaishi antaweniminek citootamek. Kaawiin taapishkoo iki kaakihkino'amaakewaatc Onahshowewin, shikwa iki Perahsiik (Pharisees) kaatootamowaatc. Mii ehta 'owe Kishemanitoo keishih kihciotookimaamiyek, awahshime kihci ayaankwaamisiyek.”
Ciisahs e'ayaankwamiminank cinishkaatisihsiwank
21 #
Exo 20.13. “Kikii'-noontaam kaakii'-inintwaa iki kaapimaatisiwaatc mewisha: ‘Keko nihshiwehken. Awenen a'a kenihshiwetc, taishiwinaa onahshowewininiwan.’ 22Niin itahsh kitishi wiintamawininim: awiya e'nishkaatisitc, kekoon e'inenimaatc wiicihkiweyan, taishiwinaa onahshowewininiwan. Kaye awenen keinaakwen wiicihkiweyan, kaawiin inkotano kitinaapatisihsii, mii'imaa keishihwinintc kaaishi maawaci'itinitc Kaanihtaa onaahkonikenitc. Awiya tahsh keinaakwen wiicihkiweyan: ‘Kiin kiiwashkwehkaan!’ tananiisani'itiso ci‑ishaatc maci ishkotenk. 23Miitahsh owe onci, kiishpin piitooyan kipakitinikewin i'imaa pakitinaahsowinaapihkonk cipakitinamawintc Kishemanitoo, mii'imaa tahsh mehkawihseyan ninkotano e'inenimihk kiicihkiwe, 24nakatan amii'imaa kipakitinikewin ciikaya'ii pakitinaahsowinaapihkonk. Amii ani ishi maacaan, ahkawe ciwepinamawihk kiicihkiwe, shikwa pikiiwen cipakitinikeyan.
25“Kiishpin awiya wiihtipaahkonihk kaye ishiwinihk onahshowewinink, shemaak cikakwe kashki'atc cipooni nishkenimihk keyaapi eshkwaa ishihseyan cipwaa takohshinek onahshowewikamikonk. Paahkac imaa kii'ayaayan, amii keni ishipakitinihk cionahshowaanimihk tipaahkonikewininiwan. Tipaahkonikewinini tahsh kika pakitinik shimaakanihshan cikipa'omihk. 26Tepwe kitinin, amiitahsh i'imaa keayaayan kipa'otiiwikamikonk, paanimaa kiihtipa'aman 'iwe minihk ketipa'ike'ikooyan.”
Ciisahs e'onci'inank cipihshikwaatentansiwank
27 #
Exo 20.14. “Kikii'-noontaam e'-ihkitonk: ‘Keko papaamenimaahken pahkaan awiya owiiciwaakanan.’ 28Niin tahsh kitishi wiintamawininim: Awiya piko kaakanawaapamaatc e'mihsawenimaatc ini ihkwewan, aasha owiicipihshikwaatisiimaan i'imaa otinentamowinink. 29#Mat 18.9; Mrk 9.47. Kiishpin itahsh kishkiinshik onci wanitootaman, pahkwacipitoon, wepinan! Nawac taaonishihshin peshik kitishinaakosiwin cinihshiwanaatahk, ekaa tahsh misiwe kiwiiyaw maci ishkotenk ci‑ishiwepinikaatehsinok. 30#Mat 18.8; Mrk 9.43. Kiishpin kikihcinihk onci wanitootaman, kiishka'an, wepinan! Aaniihsh nawac taaonishihshin peshik kipahkesiwin cinihshiwanaatahk, ekaa tahsh misiwe kiwiiyaw maci ishkotenk ci‑ishiwepinikaatehsinok.”
Ciisahs ehkihkino'amaaketc i'iwe wepinitiwin eshinaakwahk
(Matthew 19.9; Mark 10.11-12; Luke 16.18)
31 #
Deu 24.1-4; Mat 19.7; Mrk 10.4. “Amii 'owe kaaihkitonaaniwankipan: ‘Kiishpin inini wiiwepinaatc ini wiiwan, ahkawe oka miinaan wepinitiwimasina'ikanenhs.’ 32#Mat 19.9; Mrk 10.11-12; Luk 16.18; 1Co 7.10-11. Niin itahsh kiwiintamawininim: Awiya ke'wepinaakwen wiiwan, mihsawaa ko aanakii pihshikwaatisihsinik, kiishpin tahsh kotak awiyan wiitikemaanitc, mii'iwe e'ishihcike'aatc ini ihkwewan cipihshikwaatisinitc. Kaye awenenan itahsh kewiitikemaanikwen iniwe kaawepinimintc, mii kaye enakimintc ehpihshikwaatisinitc.”
Ehkihkino'amaaketc eshinaakwaninik kiiahshotamawank Kishemanitoo
33 #
Lev 19.12. “Kikii'-noontaam kaakii'-inintwaa mewisha: ‘Keko piikonanken kaakii'ishi ahshotamaakeyan. Kiishpin kekoon kiiaayiici ahshotamaakeyan kika tootamawaa kaaTipenciketc i'iwe kaakii'ishi ahshotamawatc.’ 34#Isa 66.1; Mat 23.22; Jas 5.12. Niin itahsh kiwiintamawininim: Keko wiintanken kekoon wii'mashkawi ihkitoyan e'ahshotamaakeyan kekoon. Keko wiintanken kihcikiishik wii'mashkawi ihkitoyan. Kihcikiishikonk ohsha weti kaashi namatapitc otookimaawapiwinink Kishemanitoo. 35#Isa 66.1. Keko wiintanken o'o ahki wii'-mashkawi ihkitoyan. Ahki ohsha i'imaa Kishemanitoo kaa‑ahpisitepitc. Keko kaye wiintanken Ceroosalam (Jerusalem) aaniihsh amii'iwe otootenawim Kishemanitoo maawac kaaKihciokimaawitc. 36Keko kaye awaac pankii wiintanken i'i kihtikwaan wii'-mashkawi ihkitoyan ahpii kekoon ahshotamaakeyan. Kaawiin ohsha kika kashkihtoohsiin peshikwaapiik kiinisihs cimahkatewaak shikwa ciwaapishkaak peshik. 37‘Eha'’ ehta ihkiton, shikwa ‘Kaawiin’. Wekonen awahshime eshihsek ahpiihc ono, amii'imaa wencihsek kaamaanaatahk.”
Eonci'-ikooyank cikiiwe tootawaahsiwank a'a kiicipimaatisiinaan i'i kaa tootawinank
(Luke 6.29-30)
38 #
Exo 21.24. “Kikii'-noontaam o'owe kaa'ihkitonaaniwankipan: ‘Awiya hsa taishi kakwaataki'aa aaniin kaatootank. Kiishpin kicaapiwepakanaamaatc awiyan, kewiin ihsa takicaapiwepaka'ikaniwi. Kiishpin manaapitewepakanaamaatc awiyan, kewiin ihsa tamanaapitewepakanaanso.’ 39Niin itahsh wiin kitinininim: Keko kiiwetootawaahken a'a kiicipimaatis i'i kaatootawihk. Awiya tahsh pahsiinkwekanaamihk kikihcinihkink inahke, kwehkwiinkwenotaw kinamantinihkink inahke ci‑ishi pahsiinkwekanaamihk. 40Shikwa kiishpin awiya ishiwinihk tipaahkonikewininiwan citipa'ike'ihk kipapakiwayaanini, kipiinsihkawaakanini kaye animiish. 41Piko awiya pahkaan ahkiink kaaonciiwaatc shimaakanihshak#5.41 pahkaan ahkiink kaaonciiwaatc shimaakanihshak: mii hsa 'imaa Coowi ahkiink Oroomiwi shimaakanihshak kaakii'-ayaawaatc ekii'-naanaakacihtoowaatc kaye i'i ahpii. kaancinisha'ohk ci‑inihk peshikotipa'ikan ci‑ishiwitaawatc opimiwanaan, keyaapi peshikotipa'ikan ishiwitaaw awahshime. 42Kiishpin awiya kekoon kakwecimihk, mii ishi miish. Kiishpin awiya wii'awi'-aasomihk kekoon, mii ishiawi'.”
Ehkanooninank cisaaki'ankwaa kaashiinkeniminankwaa
(Luke 6.27-28,32-36)
43 #
Lev 19.18. “Kikii'noontaam kaakii'-ihkitonaaniwank: ‘Saaki' iki kaasaaki'ihkwaa, shiinkenim iki kaashiinkenimihkwaa.’ 44Niin itahsh kitinininim: saaki'ihkok iki kaashiinkeniminekwaa, kaye anami'ehtamawihkok kaamacitootawinekwaa. 45Miitahsh cioniicaanihsiminek kiTetewaa kihcikiishikonk kaa‑ayaatc. Aaniihsh wiin otishihtamawaa' kiisihsoon cisaakaahsokonitc meci ishiwepisinitc kaye menwaatisinitc. 46Wekonen keonci tipa'amawinekipan Kishemanitoo kiishpin saaki'ekwaa ehta iki kaasaaki'inekwaa? Ampooshke mii peshikwan eshihcikewaatc iki kaamaawantoonaawaatc taakihs (tax) shooniyaan. 47Kiishpin ina ehta pooshoo'atwaa oko kitanami'ewinink kaaonciiwaatc, wekonen entootamek ahpiihc kotak awiyak? Ampooshke iki kaakihkenimaahsikwaa Kishemanitoon mii'i eshihcikewaatc. 48Kiinawaa tahsh ciminopimaatisiyekipan misiwe kipimaatisiwiniwaank, aaniihsh wiinke temisiwe minopimaatisi kiTetewaa kihcikiishikonk kaa‑ayaatc.”
Valgt i Øjeblikket:
Maahtiyo 5: OJBR
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Ojibwe Shorter Bible (Roman Script) © 2008 Canadian Bible Society