Populære bibelvers fra ROMA 5

Del

Yɛrɛ Bɛt gisɛ ha̧a̧tig ɔ̧ɔ̧n zuunik anyɔ Kristu wɔr wɛ zulɛ yɔ wɛ gi nɛ hinha̧a̧lyaadɛ gii kete.

Mɔkil-gbaak bɔ gɔ maat doo gɛ, anyɔ Bɛt Mɔkilɔ gaawɛ Bɛt ha̧a̧tigɔ tal giwɛ kpoos du.

Gii kpɔd gɛ, wɛ gi dak hat hɛw a wɛ zɛksil du, yɔ anbɔ wɛ mɛɛ be a zɛksil gi kamz hinmɔŋki, hinmɔŋk be gi kamz ɗɛɛti, ɗɛɛt be gi kamz mɔkil-gbaaki.

Nɛ yɔ Bɛt seewɛ an dood riitɛ a gi muutdu a wɛ ɗɔbsig dɔŋgo, wɛ gin boolum gɔ hi gii a Waar wɛ Yeesu Kristu dɔŋgo. A Yeesu dɔŋgo, hi ɗɔbsig wɛ, wɛ ɗɛɛ an wɛ dag gbɔnɔ talk a gɛmsillɛl yɔ wɛ erk gedu a Bɛt dɔŋdi yɔ za̧a̧sɛ ya̧a̧r tɔs. Hinyɔ giwɛ hat gaako, yɔ wɛ gin mɔkil a wɛ́ dag Bɛt gbɔlumsɔ bɔ wɛnɛ giya.

Yɔ tɛŋk wɛ rı̄ı̄ nɛ an wɛ woo hinza ket gɛ an wɛ ɔɔ hinha̧a̧lɛ, Kristu wɔr a dood bɔbtin zulɛ a ɔ̧tyɔ hi dɛ̧ɛ̧ gedu.

Yɛrɛ gid wɛ gi dood riitɛ a Bɛt muutdu a Kristu ga̧a̧mɔ bɔ gubr gi dɔŋgo, yɔ anbɔ, hinyɔ daarlɛl gbɔɔltɔnɔ gii gi za̧a̧sɛ a Bɛt nɔɔtigɔ bɔ gedu.

Dood kittɔnɔ hi wɛɛ hinha̧a̧l-yaadɛ anyɔ doo gbun ha̧tir hinyɔ Bɛt raa. Yɔ anbɔ Bɛt gi ta̧a̧ dood kittɔnɔ anyɔ doo gbun kɛms Bɛt tɔnɛ.

Wɛ́ dāg hat a hin bɔrɔ gedu kpɔd gɛ, wɛ dag a ɔksig wɛ bɔ gedu hi Bɛto a Waar wɛ Yeesu Kristu yɔ wɛɛnɛ Bɛt saamɔ gi dɔŋgo.