Populære bibelvers fra ROMA 1

Del

Yɔ anbɔ seemhā̧a̧m Dɔgl Rɔb bɔ gɛ, gi Bɛt tɛŋkɔyɔ gɔ za̧a̧sin za̧a̧nyɔ gig ɗɔbsig sɛw, yɛɛl a Yahuduya wɔ hi, tuur a dood wɔ hi taa Yahuduyaadɛ gɛ hi sɛw.

Bɛt zuns dood hi Dɔgl Rɔb bɔ a gi wɛɛnik za̧a̧nyɔ ɗɔbsig sɛw doo rɔb a gi muut du a ɗɔbsigɔ bɔ gi dɔŋg kpɔd. Hinza dɔɔm taaro, anyɔ Bɛt ɗɛɛrwolɔ raa a doo riiti gi za̧a̧ a ɗɔbsig bɔ gi dɔŋgo.

Yɔ Bɛt yɛɛl waal kiŋko, dood hi gbɛnik hinyɔ hí ɗɛ̄ɛ̄ an hi gbɛn a Bɛt ge gɛ, hi gbɛnik a woosɔ wɔ kim gedu. Raakɔ a hi gbɛnik a Bɛt tɛŋkɔ waa faa, Bɛt gi Bɛt hi rɔbo. Yɔ anbɔ hinyɔ dood hi ɗɛɛ an hi mɛɛ a Bɛt zulha hinɔ hi mɛɛmɛ ma, Bɛt zunsihi hinɔ zunsɔ. Ya̧a̧nɛ, hi taa an hi bitsihi dɔglya̧

an hii yɔ hi mɛɛ Bɛt si̧, hi ɗɔ̄bsige hi sēeg an Bɛt gɛ, hi wɛɛ hi bāānig gɛ. Wɛɛ hi wag gbɔnɔ a hi mɔkil ha̧a̧l du hi kpoosya̧ yɔ gi yoo be, mɛɛhin gɛ be, wag a lɛlwil du.

Sa̧a̧nɛ, Bɛt gii Kiŋkya yɔ gin rɔbs taa. Hii be, hi wɛɛn rɔbyɔ gi Bɛt ɔnɛ wɛɛ ya̧a̧gɔ̧ɔ̧nɛ. Hi ɗɔbsig hinyɔ Bɛt kim giya, hi wɛɛ hi woosig hinyɔ kim gii woosɛ, hi ɔɔ Kiŋkya bɔ fɔko.

Bɛt yɔ gi bɛtha nɔɔtigɔ miid ma ɓɔryɔ a hinha̧a̧l yɔ gi sɛw, hi hinyɔ dood hi gɔ gi bɛr gɛ sɛw a woosya̧ ha̧a̧l wɔ gi a̧a̧nik rɔb bɔ wookɔ hi zulha.

Ya̧a̧nɛ Bɛt gi bisihi a ɗɔkum seemya ha̧a̧l du anyɔ nɛɛdya̧ hi zɛmr kusil hi nɛɛdɛ. Bɛt woosɔ rı̄ı̄tin anbɔ gɛ. Gbunɔ, walɛ be hi ɔɔ kusig hi nɛɛdɛ, hi re kusig hi nayzaya̧ walɛyɔ, hi wootingo hin seem ha̧a̧lyaadɛ. Yɔ anbɔ hi dak gbɔnɔya̧ wak bɔrɔ dɔɔrɔɔsɔ hi zulya̧ a hi muul du. Anyɔ hā̧ā̧hi Bɛt mɛɛk gɛ, Bɛt bisihi a mɔkilya̧ tɔs bɔ gedu an hi woo hinyɔ rii an hi woo gɛ.

Yɔ hi pɛɛk zulya̧ a hi mɛɛhinɛ, hi wɛɛ yooyɔ, hi ɔɔ Bɛt gbɔlumsɔ yɔ taa wɔrkya gɛ fɔko, hi fɔk dood wɔrkɛ fɔtɔ wɔ, nɔɔs fɔtɔ wɔ, hinza̧a̧til wɔ hi ɛmbingo dɔɔ nas fɔtɔya̧ hi hinza̧a̧til wɔ hi ɛmbingo buu.