Populære bibelvers fra FILIPI 4

Del

Bɔ kol gi tuun hinza. Yɛrɛ a hin sɛw du, dɔgsin Bɛt hinyɔ ha̧a̧n sɛw hi zɔ̧ki, hi bɛɛtigi, hi baaniki.

Gɔ gi anbɔ Bɛt boolumɔyɔ daar hinmɛɛk sɛw gi oo kpoos nɛ hi mɔkil nɛ a ɔksil nɛ bɔ hi Yeesu Kristu gedu.

Yɛ̧ɛ̧dɛ mi wɛ, a hinyɔ zɛ̧ɛ̧r an mi dɔg gedu, mɔkin hinyɔ gi rɔb sɛw, hinyɔ gi an hi ɗɔbsig sɛw, hinyɔ rii sɛw, hinyɔ gaa sɛw, hinyɔ gɔ has kpoos wɛ sɛw, hinyɔ gi bantya sɛw, an nɔ hinɔ gi gi woos rɔbo, zaabe gi rii banti, mɔkin hin wɛrɛ hiya!

Mi ɗɛɛ hin wɛrɛ sɛw ɗɛɛ a ɔksil mi bɔ gedu hi za̧a̧nyɔ gim tɛŋk gaako.

Waan hat dak a ɔksil nɛ bɔ gedu hi Waar Yeesu. Mi wɛɛ mi dɔk ɓɛ, a dagin hato.

Bɛt mi gi ɗaasin hi tɛŋko gi gaan hinyɔ gin ha̧a̧k sɛw a ɔksil nɛ bɔ hi Yeesu Kristu gedu, gi woosin an rɔɔsɔ gbɔlumsya bɔ ginɔ.

Woon hinyɔ mi gogsin nɛ ta̧a̧ge sɛw, fɔn ɛmbil mi hi hinyɔ nɛ kɛm a mi ya̧a̧du, wɛɛ Bɛt yɔ gi gaak boolum gi gi hi nɛya.

An dood sɛw hi mɛɛ a nɛ dood saŋtɛyɔ. Waar Yeesu zaakɔ sɛ̧ɛ̧bɔ.

Mi mɛɛ waak a ya̧a̧rums du, hi a hɛmntig du. Mi mɛɛ dɔgl wɛrɛ bɛttɔnɔ. A hin zaadɛ du sɛw, hi a lɛl sɛw mi ɗɛɛ hi̧i̧k a buudu hi an a̧a̧kil gi ha̧a̧mi, a hɛmntig du hi a ya̧a̧rums du. Mi gog hin wɛrɛ sɛw da̧a̧da̧ ma.

Mi rāā hin bɔrɔ a hinyɔ ha̧a̧m gi dɔŋg gɛ. Mi gog an kpoos mi gi harimi a gik yɔ mi gi gedu sɛw.