Populære bibelvers fra FILIPI 2

Del

Bɔnɛ woo hinza hi ka̧a̧si, zaabe hi zulgbɔɔlɛ, yɛrɛ woonhin hi zultiisig gbunu, bɔbe sèeg dood zaadɛ an hi daarigdaar hi gbɔlumsɛ. Bɔ za̧a̧nza gi mɔk zulɔ dɔgl gii kpɔd, bɔbe yɛgi mɔk naaza zaadɛ dɔgl hɛw.

Ginin mɔkil nɛ gbun bɔ gii anyɔ gi fu̧u̧zig a Yeesu Kristu ge.

Anyɔ gii gi nɛ Bɛt riitinsɔ gii si̧, wɛɛ an gɔ gi in Bɛt gbɔlumsɔ ɔɔko, in gɛ. Tiis zulɔ fɛŋwaanɔ, wɛɛn zulɔ an gbaari, wɛɛn muulɔ an doo hɛbtdi, yɔ wɛɛn muulɔ an doo hɛbtdi, tiis zulɔ wɛɛdisɛ, laks Bɛt tɔnɛ tuur a wɔrkɔ bɔ dɔ̧ɔ̧r hage.

Ya̧a̧nɛ Bɛt gii waak wook hin nɛ kpoos du an gi gaan tɛŋk an gi ha̧a̧n wook hinyɔ ha̧a̧g rɔbtɔnɔ an gi za̧a̧sinɛ.

Ya̧a̧nɛ, Bɛt gbaag gbɔɔl a hin sɛw ha, gaag nuŋg yɔ daar nuŋg sɛw, an gɔ hi lak nuŋgɔ bɔ Yeesu , hinwɔ Bɛt kim a bɛtha a hɛbtdi hi a wɔrkɛ ɗɔɔtillɛlɛ hi zagl gi muutdu hi ɗɔbsige. Wɛɛ hinwɔ hi gin ya̧a̧boon sɛw hí raa dɔglɔ a Yeesu Kristu giigi Waar i, hi wɛɛ hi ɗɔbs Baa Bɛto.

Hinyɔ nɛ wook sɛw, bɔnɛ dɔntinu, bɔnɛ kit dɔglɛ, an nɛ wɛɛ dood kpoosrɔbya wɔ hi taan hin-a̧a̧b a Bɛt muut du. Nɛ wɛɛ Bɛt wāātɔ wɔ kpoosya̧ gaa rɔbtɔnɔ a dood bɔbtin wɔ hi waak ɔ̧ti gi zul hi teesdu, wɔ mɔkilya̧ wag gbɔnɔ gi da̧a̧. Nɛ gaak a hi teesdu an lɛlgaal a waaldu.

Yɔ anbɔ, sa̧a̧m mi rɔbɛ wɛ, nɛ yɔ mi gi a nɛ teesdu, nɛ nɛ waasim tɔnkɛŋk ma mi? Nɛ yɛrɛ ɓɔryɔ, anyɔ mi taadi gɛ, kɛmsinmi tɔn gi daarlɛl gbɔɔltɔnɔ, nɛ woo zul nɛ za̧a̧tig woos gbunu gbunu hi hoobo, hi kpoosbeeki.