Populære bibelvers fra YAKUBA 1

Del

Yɛ̧ɛ̧dɛ mi wɛ, gid ya̧a̧rhant zaadɛ sɔmsɔm hi zɛnɛ, mɔkin an nɛ dag hat gbɔɔltɔnɔ. Nɛ mɛɛ a ya̧a̧rhant wɔ hi gook ɗɔbsig nɛ hi gɔk an nɛ dag tɛŋk nɛ mɔmhinɛ.

Yɛrɛ doo za gi taan hinmɛɛk gɛ, gi ɛr a Bɛt ge gi gaage, anyɔ gi doo gaasya rɔb gi gaak dood hin sɛw, wɛɛ nɔɔg gɛ be.

Nɛɛ yɛ̧ɛ̧ mi rɔbɛ wɛ, mɛɛnɛ: An bɔ sɛw lagig dɔgl nɔɔko, mɔŋg ya̧a̧booki, mɔŋg nɔɔtigi.

Ɔɔn hinmɔŋk bɔ gi woowoosɔ rɔbtɔnɔ gi da̧a̧ an nɛ wɛɛ dood rɔbɛ tib, bɔnɛ lɔɔ hinza rɔb gbun mɔɔti.

Yɛrɛ bɔnɛ mɔk Bɛt dɔgl bɔ gii lakɔ kpɔd, bɔ lab rii gɛ; woon hi woosɔ du be. À lab gɛ, yɔ nɛ maat zul nɛɛnɛ.

Hat gi a za̧a̧nyɔ gi mɔŋk ya̧a̧rhant ge. Za̧a̧nyɔ gɔ gi er hi tɛŋk gi zuun maatil wɔ hi gig goonik mɔŋkɔ bɔ gi da̧a̧, gi dag za̧a̧tig yɔ gi ɗɛɛt dɔɔrɔɔs yɔ Bɛt raa a bé gaa dood wɔ ha̧a̧hi a beege.

Gaas rɔbɛ sɛw hi dɔɔrɔɔs gaatɛ wɔ sɛw hi fu̧u̧zig wɛɛha a Baa Bɛt ge, za̧a̧nyɔ kim lɛlgaal wɔ bɛtha, wɛɛ hɛ̄ml ɔɔwɛ lɛlwil du an ɔ̧tyɔ gɔ leg gɛ be.

Yɔ anbɔ, za̧a̧nyɔ gbor Bɛt dɔgl laki gi woo du gɛ, riitin hi za̧a̧nyɔ loo daarugal gi seen muutɔ bɔ gikɔ bɔ. Yɔ see muutɔ gi da̧a̧ anbɔ rekɔ, wɛɛ ɓɔrbɔ zɛn muutɔ bɔ gikɔ zɛnɔ.

Hinyɔ Baa Bɛt see an ɗɔbsig gaat rɔb gi muut du: gɛ an hi see wɔraawaat wɔ hi kuurɛ nɛɛd wɔ a hi ya̧a̧rhant du, hi oo zulya̧ an kpoosya̧ gi gaa, bɔ hinha̧a̧l yɔ gi waal du gi gul duge.

Za̧a̧nyɔ ya̧a̧rhant zɛŋge gi gig maatig an gi gɔ ha̧a̧lɛ, bɔgi raa: a Bɛt gii maatibe. Ya̧a̧nɛ, taa an hi maatin Bɛt hi ha̧a̧lgɔki, wɛɛ gii hi zulɔ gɔ maat doo hinɔ gɛ zaŋ. Za̧a̧nyɔ hinza maatige: ɗɔkum ɔ̧ɔ̧n maatige gi wa̧a̧ge hi mɔkilɔ.

Yɛ̧ɛ̧ za ya̧a̧rya yɔ gi dag hat a pɛɛkɔ bɔ Bɛt pɛɛg wɛɛha gi dɔŋgo