Populære bibelvers fra IBRANIŊKO 12

Del

Yɛrɛ wɛɛ hɛw, anyɔ segyaadɛ wɔrɔ saalya̧zanɔ gbɔɔl hi gɔ̧ɔ̧wɛ, yɛwɛ bis hinyɔ gi a̧a̧nik ɛmbil wɛ sɛw, hi hinha̧a̧lyɔ giwɛ bik hi tɛŋko; yɛwɛ nɔɔ nɔɔkil yɔ gi wɛ muutdu hi hinmɔŋki wɛ tuur a da̧a̧ki, wɛ́ gin lɔl wɛ a Yeesu ge yɔ gi wɛ gaak ɗɔbsigi wɛɛ gi ɗɔbsig wɛ gɛmsigo. Anyɔ gbɛn hatyɔ gɔ gi dag a bɛtha, ha̧a̧ya̧a̧r a dɔ̧ɔ̧r ha, mɔ̄k seem a wɔrkɔ bɔ muulɔge gɛ, ɗuk dɔɔ bɛtha, ɗɔɔt a Bɛt waar ums ɗɔɔtillɛl bɔ gi naanrɔbo.

Hi rɔb ɔ̧nɛ, gɔ wɛ ya̧a̧ryɔ̧ko, kpoos wɛ kpɛ̧ɛ̧ gɛ, wɛ gi dak kosgumnɛ. Yɔ anbɔ ya̧a̧rhant bɔ gisɛ kamzig waabil riit boolumya yɔ gi dood wɔ ya̧a̧rhant gɛmsihi anbɔ lab ya̧a̧nɛ.

Tɛn ɗɔɔtig rɔbtɔnɔ hi dood sɛw, hi gaatigi a Bɛt muutdu, gaatig bɔ gi taa gɛ, doo za taa an gi gbɛn Waar Yeesu .

Mɔkin za̧a̧nyɔ mɔm hinha̧a̧lya wɔ zulɓaasigya̧ bɔ yɛ̧ltɔnɔ a gi gbaŋgi an bɔnɛ ɔɔ kol nɛ gi mɔɔ, bɔ muul nɛ gi hɔninɛ.

Ya̧a̧nɛ wɛɛ yɔ gɔ wɛ dag wáát yɔ gɔ gi naml gɛ, yɛwɛ baanɔ, yɛwɛ woos Bɛt hin anyɔ rii, wɛ ta̧a̧ge hi hoob a kpoos du.

Mɔn ya̧a̧rhant bɔ hi walumsɛ: Bɛt gin gbaak an waato, nɛ wāa nɔni baatɔ gi boog gɛ?

Ya̧a̧nɛ Bɛt wɛ gi laa yɔ gɔ muks hin sɛw giya.

Baa wɛ gɔ hi giwɛ ya̧a̧rhant gaak ɔ̧t kaasi anyɔ riisihi; nɛ Bɛt ɔ̧nɛ giwɛ gaak ya̧a̧rhant an gi gɛmsɛgɛmsɔ an kuudu wɛ ɔks hi gii a gi gaatig du.

A gabs nɛ bɔ nɛ wook a hinha̧a̧l gbaŋ gedu, nɛ́ ēr bɛttɔnɔ an gi tuur a wɔrk du ket gɛ