Populære bibelvers fra EFESU 5

Del

Fɔn Bɛt dɔɔɔ an waat rɔbɛ wɔ ha̧a̧g a hi. Ɛmbin a hat du anyɔ Kristu ha̧a̧g a nɛɛge, gi wɛɛ gi gààsɛ zulɔ a Bɛt ge an gaasɛ hi namb yɔ hi gbɛɛrɔ hi nɔms Bɛt an gaasɛ hi ki̧i̧lɔ hɛmnti.

Oon zul nɛ hi ɛmbil nɛ yɔ nɛ ɛmbik rɔbtɔnɔ, bɔnɛ ɛmb an wɔ hin gɔ wagihi. Ɛmbin an wɔ hi mɛɛhinɛ. Bɔdinnɛ ɔ̧t yɛrɛ hi woos rɔb yɔ gɔ nɛ ɗɛɛg wook sɛw, waal ha̧a̧tiro, ya̧a̧nɛ.

Bɔnɛ wɔn bumɛ: gi zɛlk hinɛ, kpoos nɛ hi̧i̧sige hi Bɛt Mɔkilɔ, anyɔ nɛ ɛɛk Dawda hin-ɛɛnɛ, hi hin-ɛɛn zaadɛ Bɛt ɗɔbsingoyaadɛ, hi hin-ɛɛn Bɛtbaanikya yɔ Bɛt Mɔkilɔ gin gaako, ɛɛnhinɛ nɛ waa Waar Yeesu ɗɔbsig hi hin nɛ ɛɛn bɔ hi kpoos nɛ sɛw, nɛ wɛɛ nɛ waa Baaba yɔ gi Bɛto baanik a hinyɔ gi hage sɛw hi Waar wɛ Yeesu Kristu nuŋgɔ.

Yɔ anbɔ, bɔnɛ kɔm an dood wɔ hi taan zul gɛ. Nɛnɛ mɛɛn hinyɔ Bɛt gig ha̧a̧k a nɛɛge.

Walɛ wɛ, yɛgi ha̧a̧nɛ a nɛɛɗ nɛ hi muulɛ anyɔ Kristu ha̧a̧ge a Yeesu fɔkyaadɛ ɔksilya̧ bɔ ge gi gaa zulɔ a hi dɔŋgo

Amntɔnɔ nɛ da nɛ gi nɛ lɛlwilɔ, yɛrɛ nɛ gi lɛlgaal a ɔksig nɛ bɔ gedu hi Waar Yeesu. Ɛmbin an lɛlgaal waato!

Bɔbe tiisig zulɔ a naaza dɔŋdi anyɔ hoob gig ha̧a̧k Kristu.

Nɛɛdɛ, tiisin zul nɛ a wal nɛ hi dɔŋdi anyɔ nɛ titsig Waar Yeesu be.

Hinyɔ wagɔ bɛr an bɔ sɛw gi ha̧a̧ge a nistɔ muulɛ an zulɔ, nis be, yɛgi ɗɔbs waltɔ.

Ya̧a̧nɛ wal gi ɔɔ baatɔ hi nɔɔtɔ gi ɔks hi nistɔ, hi eer sɛw hi wɛɛ muul gbunu.

Bɔnɛ ɔks a lɛlwil woos tɔs wɔ dood hi wook gedu, hinya̧ hi ɗɛ̄ɛ̄ an hi gaa huml rɔb gɛ. Yɔ bɛrɔ midinɛhi a lɛlgaal du.