Populære bibelvers fra KOLOSIYA 3

Del

Mɔmtinnɛ hinɛ, doo za gi woos naaza hin-a̧a̧bi, bɔ be gi bits naaza ɔnɛ be. Waar wɛ Yeesu Kristu hi kpoosɔ rɔbo bitsin hinha̧a̧l nɛ da̧a̧da̧, yɔ anbɔ gi an bɔ be gi bits naaza hinha̧a̧lɔ hi kpoos rɔb be.

Mɔkin hinwɔ hi gi a bɛtha, bɔnɛ mɔk waal dɔglɛ.

An nɔ woosɔ, woon hi kpoos rɔb an nɛ woosig Waar wɛ Yeesu ɔ̧ɔ̧nɛ, an nɛ taa woosig dood ya̧nɛ.

Nɛ mɛɛ a nɛ gi Bɛt doodɔ gaatɛ. Bɛt herinɛ wɛɛ ha̧a̧g a nɛ muulɛ. Yɔ anbɔ gi an nɛ heks kpoos nɛ hinrɔbɛ an dimnaanɛ: an ya̧a̧rmɛɛki, hinrɔbwooki, zultiisigi, zulhɔniki, hi hinmɔŋki.

Ɔɔn Kristu dɔglɔ gi hi̧i̧s nɛ kpoos du. Goktinnɛ Bɛtdɔglɛ, ɗaatinnɛ hi hinmɛɛk dubt yɔ gi sɛw gogtingo hi zul-ooki. Waan nɛ ɛɛhin zaadɛ sɔmsɔm hi hato: an hin-ɛɛn wɔ Bɛt ɗɛɛrwol du, hi Yeesu fɔkya wɔ hin-ɛɛnya̧ wɔ gɔ hi ɛɛko, hi hinyɔ Bɛt Mɔkilɔ gɔ gaazɛ kpoos du an wɛ ɛɛs Bɛto. Gɔ nɛ ɛɛkhin anbɔ, waan Bɛt baanik nɛ kpoos du be. Woos nɛ wɔ nɛ wook sɛw, zaabe dɔgl nɛ wɔ nɛ book sɛw, woon hinɔ sɛw, boon hinɔ sɛw a Waar wɛ Yeesu nuŋg du an fɔkɔyaadɛ rɔbɛ, nɛ́ wɛɛ nɛ́ baanik Baa wɛ Bɛt a Yeesu dɔŋgo.

Wɛɛn nɛ heg Bɛt hatɔ an hi̧i̧l seedu a hin wɛrɛ sɛw hage. Bɛt hatɔ gii gi baks hinyɔ gi sɛw rɔbtɔnɔ gi da̧a̧.

Nɛ mɛɛ a yɔ Bɛt ɗuns Kristu gi dɔɔnig bɛtha, ɗuns nɛɛ hɛw. Yɔ gi anbɔ, ɗɔkinnɛ hinwɔ hi gi a bɛtha, a lɛlyɔ Kristu gi ɗɔɔtig a Bɛt naanrɔb ge.

Ɔɔn Kristu boolumɔ gi wɛɛ waar nɛ kpoos du gi kam mɔkil nɛ an nɛ her gbɔnɔ wɔ hi gi rɔbɛ, anyɔ Bɛt elin nɛ sɛw an nɛ ɔks nɛ wɛɛ muul gbunu, nɛ bool bɛttɔnɔ. Waan Bɛt baaniki.

Yɛrɛ gbɔn waal ɗɔkum wɔ hi gi nɛ kpoos du zaŋ: an mansi, ɓi̧i̧limi, zɛlko, ɗɔkum ha̧a̧lɛ, zaabe rɔɔs ɗɔkumi (gbunɔ gii hi loorɛkpɔɔki). Seen hin wɔrɔ sɛw an hi wɔr da̧a̧da̧ nɛ kpoos du.

Nɛ mɛɛ a nɛ wɔɔrɔ, za̧a̧tig nɛ bɔ yaat ɔksi hi Kristu a Bɛt ge.

Yɛrɛ ɔɔn hinha̧a̧l wɔ sɛw: an nɔɔtigi, ka̧a̧si, kpoos ha̧a̧lɛ, mɛlɛ, ya̧a̧ha̧a̧lɛ; bɔhi kɛm hin anbɔ a nɛ ya̧a̧du.

Bɔnɛ gɔ̧ɔ̧tinya̧a̧. Nɛ bis mɔkil nɛ amntɛ wɔ hi woosya̧ wɔ hi gi a nɛ kpoos du anyɔ gɔ hi bisig gbandil haŋsili. Nɛ wɛɛ nɛ dag mɔkil segdɛ nɛ hegɔ an kpoos nɛ gi wɛɛ sego. Bɛt gisin kpoos nɛ gɛbsugo an nɛ mɛɛ Kiŋkya nɛ bɔ bɛttɔnɔ nɛ riitin hi giya.

Nɛɛ walɛ wɛ be, yɛgi ha̧a̧n a nɛɛd nɛ hi muulɛ, bɔnɛ gbaanihi.

Nɛɛ ya̧a̧mwaat wɛ be, laksin baa nɛ hi nàa nɛ hii tɔn bɛttɔnɔ a hinyɔ gi gedu sɛw. Hin bɔ lab gii gɔ har Waar wɛ Yeesu.

Nɛɛd wɛ, tiisin zul nɛ a walɛ nɛ hi dɔŋdi, anyɔ hinɔ riis Waar wɛ Yeesu ɗɔbsigyaadɛ ɔ̧ɔ̧.