Populære bibelvers fra 1 TIMƆTE 2

Del

Ya̧a̧nɛ Bɛt gi gbunu, wɛɛ doo gbun ro gi gi tɔmsya a wɛ teesdu hi Bɛto: gɛ doo bɔ Yeesu Kristu. Gaa zulɔ an i̧i̧nisɛ a dood dɔŋg sɛw an gi za̧a̧sihi, wɛɛ yaaz segyaadɛ an hi boo dɔglɔ a ɔ̧tyɔ Bɛt dɛ̧ɛ̧ gedu.

Hinyɔ mi yɛɛl mi ɓatsig Yeesu fɔkya wɔ kpoos an hi woo: gɛ a warinɛ, zɔ̧nɛ, baanin Bɛto a dood zulha sɛw. Wasin waar ɛ nɛ gbɔlɛ wɔ hi dood wɔ hi gin tɛŋk sɛw hin a Bɛt ge an wɛ ɗɔɔt rɔbtɔnɔ a saŋtum du hi Bɛt fɔk hi gbɔnɔ hi waabil gaati.

Ya̧a̧ giya, ha̧a̧m an walɛ hi zɔ̧k Bɛt a lɛlyɔ gɔ hi zɔ̧b Bɛt ge sɛw, hi pɛɛ naanya̧ a Bɛt ge hi kpoosya̧ gaati, bɔ nɔɔtig gi giro, zaabe hinfaltingo. Gbunɔ, ha̧a̧mi an nɛɛd wɔ hi gi semyaadɛ hi zulhɔnikyaadɛ, hi heg gbandilya̧ rɔbtɔnɔ anyɔ rii. Bɔhi haŋg zulya̧ hi kɔ̧ɔ̧tig gaat yɔ hi gɔn hɛɛlmɔto, zaabe rooti hi gbandil rɔbɛ wɔ hi bɛr hi daarlɛl tusya̧ gi sa̧a̧. Wɛɛhi hi heg woos rɔbɛ wɔ anyɔ ri̧i̧s nɛɛd wɔ gɔ hi raahi a ɛmbilya̧ rɔb bɔ tɔɔs Bɛt nuŋgɔ.