Populære bibelvers fra 1 YOHANA 2

Del

Bɔnɛ gbaa kpoos nɛ a waal du, bɔgi ha̧a̧nɛ hinwɔ hi gi a waal du. Za̧a̧nyɔ ha̧a̧g waalɛ, hā̧a̧g Baa wɛ Bɛt gɛ. Yɔ anbɔ, hinwɔ hi gi waal du sɛw, hinyɔ kpoos gi ɗɔkingo, hinyɔ lɔl gi ɗɔkingo, hi rɔɔs yɔ gi wɛɛnik dood an hi pɛɛ zulɛ, hin wɔrɔ sɛw hi fu̧u̧ a Baa wɛ Bɛt ge gɛ, hi fu̧u̧ a waal du.

Waal gi da̧a̧ko hi ɗɔkumɔ sɛw. Yɛrɛ za̧a̧nyɔ woo hinyɔ Bɛt ha̧a̧ge gi waak faa.

za̧a̧nyɔ raa a be waak ɔksig gbun hi Bɛto, gi an gi waa an Yeesu yɔ waa be.

Waat mi hatil wɛ, mi gisin hin yɛrɛ bi̧i̧k an bɔnɛ woo hinha̧a̧lɛ. Yɛrɛ za̧a̧n za gi woo hinha̧a̧l be, wɛ gin zeesya wɛ Yeesu Kristu doo riit bɔ a Baa wɛ Bɛt dɔŋdi.

Za̧a̧nyɔ raa a be mɛɛ Bɛto gi wɛɛ gi wā̧ā̧ dɔglɔ wɔ raa gɛ, gi ya̧a̧gɔ̧ɔ̧nyayɔ, rɔb taa gi kpoos du.

Gid wɛ wa̧a̧k Bɛt dɔglɔ wɛ kpoos du, anbɔ, wɛ mɛɛ a wɛ mɛɛ Bɛto.

Za̧a̧nyɔ raa a be waak lɛlgaal du, gi wɛɛ gi hɛ̧ɛ̧nik yɛ̧ɛ̧za Yeesu fɔkya lɔlɛ, gis a lɛlwil du tɛ̧.

Nɛ bɔ gi ya̧a̧gɔ̧ɔ̧nya? Gɛ za̧a̧nyɔ faa a Yeesu taa Kristu. Za̧a̧nyɔ gi hɛ̧ɛ̧nik Kristu lɔl gii faa Baa wɛ Bɛt hi waaɔ.

Za̧a̧nyɔ faa waa bɔ, taan Baa wɛ Bɛto; za̧a̧nyɔ raahi n gaattɔnɔ a dood muutdu a be ɗɔbsig waawal bɔ be, gin Baa wɛ Bɛt hɛw.