Populære bibelvers fra Nomery 22

Del

Dia nosokafan’i Jehovah ny vavan’ny boriky, ka hoy ny boriky tamin’i Balama: Inona no nataoko taminao no dia nokapohinao intelo aho izao?

Dia nampahiratin’i Jehovah ny mason’i Balama hahita Ilay Anjelin’i Jehovah mijanona eo an-dàlana sady mitana ny sabany voatsoaka eny an-tànany; dia niondrika izy ka niankohoka.

Ary hoy Ilay Anjelin’i Jehovah taminy: Nahoana no nikapoka ny borikinao intelo hianao izao? indro, Izaho no nivoaka ho mpisakana anao, satria mivarina amin-doza eto anatrehako ny làlanao.

Ary hoy ny boriky tamin’i Balama: Tsy borikinao va aho, izay nitaingenanao hatrizay nanananao ahy ka mandraka andro-any? moa efa fanaoko va ny manao toy izao aminao? Dia hoy izy: Tsia.

Dia hoy Balama tamin’ny boriky: Satria namazivazy ahy hianao; enga anie ka misy sabatra etỳ an-tànako, dia matiko mihitsy hianao ankehitriny.

Ary ny boriky nahita Ilay Anjelin’i Jehovah, dia nandry teo ambanin’i Balama; ary nirehitra ny fahatezeran’i Balama ka nikapoka ny boriky tamin’ny tehina izy.