Populære bibelvers fra Mpitsara 6

Del

Ary Ilay Anjelin’i Jehovah niseho taminy ka nanao taminy hoe: Jehovah no momba anao, ry lehilahy mahery.

Dia nitodika nijery azy Jehovah ka nanao hoe: Mandehana amin’izao herinao izao, ka vonjeo ny Isiraely amin’ny tànan’ny Midiana, tsy efa naniraka anao va Aho?

Dia hoy Jehovah taminy: Homba anao tokoa Aho, ka hamely ny Midiana toy ny famely olona iray monja hianao.

Fa hoy Gideona taminy: Indrisy, Tompoko, raha momba anay Jehovah, nahoana no ozoin’izao rehetra izao izahay? Ary aiza ny fahagagana rehetra nataony, izay nolazain’ny razanay taminay hoe: Tsy nitondra anay niakatra avy tany Egypta va Jehovah? Fa ankehitriny efa nahafoy anay mihitsy Jehovah ka nanolotra anay eo an-tànan’ny Midiana.

Fa hoy izy taminy: Indrisy, Tompo ô, hataoko ahoana no famonjy ny Isiraely? He! ny mpianakaviko no malahelo indrindra eo amin’ny Manase, ary izaho no kely indrindra amin’ny ankohonan’ny raiko.

Dia tonga Ilay Anjelin’i Jehovah ka nipetraka teo ambanin’ny hazo terebinta teo Ofra, izay an’i Joasy Abiezrita; ary Gideona zanany nively vary tamin’ny fàntaka teo anilan’ny famiazam-boaloboka mba hafeniny amin’ny Midiana.

Ary Gideona nanorina alitara teo ho an’i Jehovah, ary ny anarany nataony hoe Jehovah-saloma; mbola ao Ofran’ny Abiezrita izany mandraka andro-any.

Dia hoy izy taminy: Masìna Hianao, raha mahita fitia eto imasonao ary aho, dia anehoy famantarana fa Hianao no miteny amiko.

Fa hoy Jehovah taminy: Fiadanana anie ho anao; aza matahotra; tsy ho faty hianao tsy akory.

ARY nanao izay ratsy eo imason’i Jehovah ny Zanak’Isiraely, ka dia natolotr’i Jehovah ho eo an-tànan’ny Midiana fito taona izy