Populære bibelvers fra Deoteronomia 6

Del

Ary tiava an’i Jehovah Andriamanitrao amin’ny fonao rehetra sy ny fanahinao rehetra ary ny herinao rehetra.

Dia ampianaro tsara ny zanakao izany, ary resaho, na mipetraka ao an-tranonao hianao, na mandeha any an-dàlana, na mandry, na mifoha

Ary aoka ho ao am-ponao izao teny andidiako anao anio izao.

Mihainoa, ry Isiraely: Jehovah Andriamanitsika dia Jehovah iray ihany.

ary fehezo ho famantarana eo amin’ny tànanao ireny, ary aoka ho fehy fampahatsiarovana eo ambonin’ny handrinao

ary soraty eo amin’ny tolam-baravaran’ny tranonao sy eo amin’ny vavahadinao.

Matahora an’i Jehovah Andriamanitrao hianao, ka manompoa Azy, ary aoka ny anarany no hianiananao.

Ary rehefa entin’i Jehovah Andriamanitrao hianao ho any amin’ny tany izay nianianany tamin’i Abrahama sy Isaka ary Jakoba razanao homena anao, dia tany misy tanàna lehibe sady tsara, izay tsy nataonao, sy trano feno zava-tsoa rehetra, izay tsy nofenoinao, sy lavaka famorian-drano voalavaka eo amin’ny vato, izay tsy nolavahanao, sy tany voavoly voaloboka sy hazo oliva, izay tsy nambolenao, ary mihinana hianao ka voky, dia mitandrema fandrao hadinoinao Jehovah, Izay nitondra anao nivoaka avy tany amin’ny tany Egypta, tamin’ny trano nahandevozana.

ARY izao no lalàna, dia ny didy sy ny fitsipika, izay nasain’i Jehovah Andriamanitrareo hampianarina anareo mba harahinareo any amin’ny tany izay alehanareo holovana, mba hatahoranao an’i Jehovah Andriamanitrao, hitandremanao ny lalàny rehetra sy ny didiny izay andidiako anao – dia hianao sy ny zanakao ary ny zafinao – amin’ny andro rehetra hiainanao, mba ho maro andro ianao.

Ary ataovy izay mahitsy sady tsara eo imason’i Jehovah, mba hahita soa hianao ary mba hidiranao handova ny tany soa izay nianianan’i Jehovah tamin’ny razanao homena azy

fa Andriamanitra saro-piaro eo aminao Jehovah Andriamanitrao – fandrao hirehitra aminao ny fahatezeran’i Jehovah Andriamanitrao, ka hofongorany tsy ho eo ambonin’ny tany hianao.

Aza manaraka izay andriamani-kafa amin’ireny andriamanitry ny firenena manodidina anareo

Aza maka fanahy an’i Jehovah Andriamanitrareo hianareo, tahaka ilay nakanareo fanahy Azy tao Masa.