Populære bibelvers fra 1Samoela 17

Del

Fa hoy kosa Davida tamin’ilay Filistina: Hianao manatona ahy amin’ny sabatra sy ny lefona ary ny lefom-pohy; fa izaho kosa manatona anao amin’ny anaran’i Jehovah, Tompon’ny maro, Andriamanitry ny miaramilan’ny Isiraely, Izay efa nohaikainao.

Ary ho fantatr’izao fiangonana rehetra izao fa tsy sabatra sy lefona no amonjen’i Jehovah; fa an’i Jehovah ny ady, ary hanolotra anareo ho eo an-tànanay Izy.

Ary hoy koa Davida; Jehovah, Izay namonjy ahy tamin’ny tànan’ny liona sy ny bera, Izy no hamonjy ahy amin’ny tanàn’io Filistina io. Dia hoy Saoly tamin’i Davida: Mandehana, ary homba anao anie Jehovah.

Anio no hanoloran’i Jehovah anao amin’ny tànako, ary hamely anao aho ka hanapaka ny lohanao, dia homeko ny voro-manidina sy ny bibi-dia ny fatin’ny miaramalin’ny Filistina anio, mba ho fantatry ny tany rehetra fa manana Andriamanitra tokoa ny Isiraely.

Dia nitondra ny tehiny teny an-tànany izy sady nifidy vato kilonjy dimy tao amin’ny lohasahan-driaka, ka nataony tao anatin’ny kitapo fitondran’ny mpiandry ondry, izay teny aminy, ary ny antsamotadiny koa teny an-tànany; dia nanatona ilay Filistina izy.

Ary hoy Davida tamin’i Saoly: Aoka tsy ho ketraka amin’ilehio ny fon’ny olona; fa ny mpanomponao handeha hiady amin’io Filistina io.