Populære bibelvers fra SAN MARCOS 5

Del

Jesús ndxab loo xa'gota: ―Rsapa, lùu mbyacle', ndee, tac ngola'sque'l loon. Byàa. Ne'tyóodel. No huen blo lezo'l. Lùu ya ne'tolode tyac len.

Láth rye mèna ngo thìb xa'got co' mque no yíiz co' nac yíiz ndlyath ren. Le'n rye tiemp co' ndxàc mque no xa'gota yíiza ndxàcle' si' fchop lin'. Le'n rye tiempa, anze'f thìb yalnè mden' xa'gota por mbli huax doctor remed xa'. No anze'f thìb tmi mbli xa' gast axta mtho' xa'gota rye con' mque no xa'. Per ne' por chu'th ne'ngyath ndacte xa' con remeda. Ndxe'leque', sate más mxyo yíiza loo xa'gota.

Texal ngolo mbuàal xa'gota xab Jesús, mbyau' loo ren co' ndoo lath xa'. No luega mden' xa' mbyac xa' loo yíiz co' mque no xa'.

Sya, mxen Jesús ya' mza' co' nguth co' nzo'f loo mes. Ndxab Jesús loo mza': ―Talita cumi. Di's ndxè' nee di's: Mza', na ngue nii lool: Goo che. Goo too.

Tatabe' ngue toodi's Jesús con xa'gota co'se' mzin plá mèn guliz mbi' co' nac jef che'n sinagog co' ndub gaxte tya. Ndxab mèn guliza loo mbi' co' nac xud mza': ―Lá'a. Ya ne'tolode li xol maistr. Loo rsap lùu ngolole' guneei. Per Jesús ne'nglide cas di's co' ndxab mèn guliz mbi'a loo mbi'. Ndxab Jesús loo mbi': ―Ne'zyebtel por rsapl, ndee. Gola's loon no maste.

Tataa mbli xpii ye'rsin' ndxab mbi' loo Jesús tac Jesús ngue bezle' no ngue ñibe'le' loo xpii ye'rsin' par ryo xpii ye'rsin' loo mbi'. Sya, mnibdi's Jesús loo mbi'. Ndxab Jesús loo mbi': ―¿Chó lèel, à'? Le' sya, xpii ye'rsin' co' nzo loo mbi'a mbli ndxab mbi': ―Nu' lèe Legión tac anze'f huax nac nu'.