Populære bibelvers fra Salmos 42

Del

¿Bizr chee̱ na' dxate ni'a na'u, bénne'du xu'a? ¿Bizr chee̱ na' zu' ste̱be lu xichaj lázrdawa'? Guleza lazre' Dios lawe' da güe lá'anaqueza' Le̱' da xula. Naque̱' Benne' dxuselé̱' neda', ne Dios chia'.

Ca dxun bzrina' xixre' dxebezre xa'aba' lawe' da dxebíleba' nisa, ca' dxuláwizra bénne'du xu'a da naca chiu', Dios. Dxebile bénne'du xu'a da naca chiu', Dios ban.

¿Bizr chee̱ na' dxate ni'a na'u, bénne'du xu'a? ¿Bizr chee̱ na' zu' ste̱be lu xichaj lázrdawa'? Guleza lazre' Dios lawe' da güe lá'anaqueza' Le̱' da xula. Naque̱' Benne' dxuselé̱' neda', ne Dios chia'.

Nisa xuzru xiaj lawa' guca na ca xeta dxawa' te zra chizrela, dxácate̱ na' gulé̱'e̱ neda' xúgute̱ zra: “¿Ga na' Dios chiu'?”

Dios chia', ba nate ni'a na' bénne'du xu'a lu xichaj lázrdawa'. Chee̱ le̱ na' dxajsá lazra' chiu' nigá zua' lu xe̱zr la xu xechalá'a xe̱gu Jordán, ne lu xe̱zr la xu chee̱ benne' Hermón naga zua xi'a Mizar.