Populære bibelvers fra Salmos 139

Del

Güe lá'anaqueza' Lue' lawe' da szrente̱ zaj naca da dxunu', ne dxebáneda' ca zaj naca na. Dute̱ lázrdawa' nézquezda' caní naca na.

Gunná' xanne' neda', Dios, ne gunná' da xu'u na lázrdawa'. Bxue neda' chee̱ nézenu' da xu'u lu xichaj lázrdawa'. Gunná' che zúale̱ tu da cale̱la neda', na' bsi neda' lu neza chawe' chiu' da zeajlí canna.

Lue' be̱nu' da zaj xu'u lu be̱la' dxen chia'. Lue' bzalju' neda' lu le̱'e̱ xrna'a.

Ble'enu' be̱la' dxen chia' gate gulá' gubinna na. Xúgute̱ da caní ba naxúaj na lu xiche chiu', na' ca gudé na' gulá' gubinna na, na' xúgute̱ na gulaca na cáte̱ze zaj naxúaj na.

Xrana' Dios, ba gunná' xánniu' neda' ne núnbea xánniu' neda'.

¿Gala cha'a zitu' naga quebe zúaqueze Be' chiu'? ¿Gala guzrúnnuja' naga quebe zúaquezu' Lue'?

Nézqueznu' gate dxe'a, ne gate dxasa'. Zítu'la nézqueznu' da zaj xu'u xichaj lázrdawa'.

Gate quebe ne guchálaja' ba nézqueznu' Lue', Xran, xúgute̱ da nnia'.

Ba gunná' xánniu' ca dxuna', ne ca dxexezí' lazra'. Nézqueznu' xúgute̱ da dxuna'.