Populære bibelvers fra Salmos 112

Del

Quebe zrebe̱' gate xenne̱' dxaca da cale̱la chee̱ da xu'u lu ne̱'e̱. Ze̱ chacha lázrdawe̱' lawe' da dxuxrén lazre̱' Xránadxu Dios.

Ba neza zrente̱ naca na chee̱ bénnea' dxezrebe̱' Xránadxu Dios, ne ca zaj naca da bdxixruj be̱'e̱ dxezaca ba lázrele̱'e̱ne̱'. Zri'ine zre sua bénnea' xelape̱' xel-la' dxenná bea lu xe̱zr la xu, na' gaca chawe' chee̱ benne' xrlátaje ca'.

Zua chawe' lázrdawe̱', ne quebe bi dxezrebe̱', ca zrindxa zra lé'ene̱' gaca chee̱ benne' ca' guledábague̱' le̱' ca da dxezá lazre̱'.

Dxusaní' tu xi' lu da chul-la naga zaj zra' benne' li lazre' ca', benne' ca' zaj naque̱' zren lazre', ne xrlátaje, ne dxelexache lazre̱' bénneache.

Tu benne' xrlátaje dxexache lazre̱' bénneache, ne dxusane̱' le̱' dumí. Lu da xrlátaje dxenná bé'ene̱' da zaj xu'u lu ne̱'e̱.

Chee̱ le̱ na' quebe bi gutá na le̱' lu lataj naga zue̱', na' tu chí'izqueze xeajlesá lazre̱' bénneache ca'.