Populære bibelvers fra Salmos 103

Del

Be̱ lá'ana Xránadxu, lue', bénne'du xu'a, ne quebe gal-la lazru' ca da chawe' da nune̱' chiu'.

Dxunite lawe̱' chee̱ xúgute̱ dul-la nabaga'a. Dxexune̱' neda' ca naca xúgute̱ xízrawe̱' da xu'a. Dxuxúe̱' neda' chee̱ quebe gatia'. Lu xel-la' zri'i lazre' chee̱', ne xel-la' dxexache lazre' chee̱' dxune̱' chawe' chia'. Dxuzánle̱'e̱ da chawe' da dxaca chia' chee̱ xegá'ana' benne' cuide', ne benne' wal-la ca dxaca chee̱ tu bsia.

Be̱ lá'ana Xránadxu Dios, lue', bénne'du xu'a. Be̱ lá'ana Le̱' lá'azxa, dute̱ da naca'.

Ca zri'i lazre' naca xra bidu ca' nen zrí'inequeze̱', caníqueze naca zri'i lazre' Xránadxu nen benne' ca' dxelape̱' Le̱' ba lá'ana.

Ca zitu' naca naga dxalaj gubizra, ne naga dxebía na, caníqueze dxucuase̱' zitu' dul-la da nabágadxu.

Naca Xránadxu Benne' dxexache lazre', ne Benne' zri'i lazre'. Quebe dxezrá'azie̱', san zrente̱ naca xel-la' zri'i lazre' chee̱'.

Quebe dxudée̱' dxi'u lu da ba xa' ca naca zria da nabágadxu, ne quebe ne guzría xi'e̱ dxi'u ne̱ chee̱ dul-la da nabágadxu. Ca sibe naca xabáa lawe' xe̱zr la xu, caníqueze naca xel-la' zri'i lazre' zren chee̱' nen benne' ca' dxelape̱' Le̱' ba lá'ana.

Nuzúa Xránadxu lataj chee̱' xabáa naga dxe'e̱ dxenná be'e̱. Nácaqueze̱' Wenná Bea lawe' xúgute̱ da zaj zua.