Populære bibelvers fra San Lucas 11

Del

Che le'e nácale benne' we̱n da cale̱la, na' nézele gunézrujle da chawe' chee̱ zrí'inele, ¿quebe nácadxa Xrale zua xabáa li lazre' chee̱ gunne̱' chee̱ nu benne' nabe̱' Be' Lá'azxa?

Caní dxapa' le'e: Le naba, na' Dios gunne̱' chee̱le. Le xexilaj, na' xezrélele. Le nne̱ dxu'a dxa xu'u, na' xalaj chee̱le.

Ca' naca na, lawe' da benne' dxenabe̱', na' si'e̱, ne benne' dxexílaje̱', na' xezrélene̱', ne benne' dxenné̱' dxu'a dxa xu'u, na' xalaj chee̱'.

Jesús gunné̱': ―Gate guchálajle̱le Dios, na' nnale: Xrantu' Dios, zu' xabáa, gaca lá'azxa Lau' Lue'. Gudá nna be'u. Gaca ca dxaca lazru' lu xe̱zr la xu, ca da dxaca xabáa.

Bnite lau dul-la chee̱ntu' ca dxunite launtu' chee̱ benne' ca' dxelune̱' chee̱ntu' da cale̱la. Quebe gu'u lataj da xriwe̱' cu'u na netu' neza chee̱ na, na' bselá netu' lu na' da cale̱la.

Be̱nna chee̱ntu' da gáguntu' na'a zra.

Xiaj laudxu zaj naca na ca tu xi' da dxusení na lu xichaj lázrdaudxu. Che xiaj lau' zaj naca na chawe', ca naca xichaj lázrda'u xu'u na lení', na' che xiaj lau' quebe zaj naca na chawe', na' xu'u da chul-la lu xichaj lázrda'u.

Gunná Jesús: ―Netú benne' che dxugale̱' xi' chee̱', quebe guzúe̱' na tu naga nagache, ne quebe gudusie̱' na tu xi'ina, san guzúe̱' na sibe chee̱ xelelé'e benne' ca' xelu'e̱ lu xu'u na'.