Populære bibelvers fra APOCALIPSIS 5

Del

La sqꞌueojintaic jun achꞌ qꞌueoj. Jech chal: Joꞌot noꞌox atuc ti naca lec li cꞌusi la apase jech ijuꞌ avuꞌun la avichꞌ li june, schiꞌuc xuꞌ avuꞌun chatuchꞌbe li spaqꞌue. Yuꞌun joꞌot la avacꞌ aba ta milel. Ta achꞌichꞌel la aman li buchꞌutic ta xtuneic yuꞌun Dios ti butic xa oyic ta spꞌejel balumile.

Tsots icꞌopojic scotolic, jech laj yalic: Li chexel chij li imilee naca lec li cꞌusi la spase, jaꞌ yuꞌun iꞌacꞌbat tsots yabtel yuꞌun ispas ta canal scotol. Jaꞌ ta spas ta mantal scotol. Jaꞌ yuꞌun xa scotol li cꞌustic oye. Toj echꞌem schꞌulpꞌijil, scotol xuꞌ yuꞌun ta spas. Ichꞌbil ta mucꞌ. Stuc noꞌox ta xꞌalbat coliyal, xiic ta stojol li chexel chije.

Laj xa aval ti coꞌol chapasic mantal achiꞌuque, schiꞌuc laj xa avacꞌbe yabtelic ta stojol Dios jech chac cꞌu chaꞌal yabtel li paleetique. Te ta spasic mantal ta balumil, xi li sqꞌueojique.

Icaꞌi nojtoc icꞌopoj scotol li buchꞌutic te oyic ta vinajele, schiꞌuc scotol li buchꞌutic liꞌ oyic ta balumile, schiꞌuc scotol li buchꞌutic ichamic ta balumile schiꞌuc ta nabe li te oyic ta cꞌatinbac li yoꞌ bu ta smalaic ichꞌbeel scꞌopique. Scotolic jech laj yalic: Toj echꞌem slequilal li Dios li te chotol ta mucꞌta chotlebale schiꞌuc li chexel chije. Sbatel osil ichꞌbil ta mucꞌ. Sbatel osil ta spas mantal stuc, xiic.

Jech liyalbe jun li chanib schaꞌvinic banquilaletique: ―Mu xaꞌocꞌ. Oy buchꞌu echꞌem stsatsal jech chac cꞌu chaꞌal li jtiꞌaval bolome. Jaꞌ jun achiꞌilic ta israelal, jaꞌ snitilul li Judá ta voꞌonee. Schiꞌuc li mucꞌta ajvalil David ta voꞌonee, jaꞌ snitilultac. Jaꞌ ispas ta canal scotol, jaꞌ yuꞌun xuꞌ ta sjilchꞌun li june. Xuꞌ yuꞌun ta stuchꞌbe li jucub spaqꞌue ―xiyut.