Populære bibelvers fra HEBREOS 13

Del

Maꞌuc noj me batem ta avoꞌonic li taqꞌuine. Li cꞌu yepal oy avuꞌunique paso ta jun avoꞌonic. Yuꞌun jech yaloj li Diose: “Muc bu chaquictaic, scotol cꞌacꞌal chajchiꞌinic”, xi.

Yuꞌun li Jesucristoe ta yav oy o li yoꞌone jech chac cꞌu chaꞌal voljee, schiꞌuc li avie, schiꞌuc cꞌalal to sbatel osil.

Jaꞌ yuꞌun oy stsatsal coꞌontic, jech jamal chcaltic: Jaꞌ Cajcoltavanej li Cajvaltique, jaꞌ yuꞌun mu xixiꞌ ta stojol li crixchanoetique, xuꞌ xijchi.

Mu me xachꞌay ta avoꞌonic ti scꞌan chacoltavanique, ti scꞌan chacꞌuxubinvanic o ti cꞌustic oy avuꞌunique. Mi jaꞌ chapasique, jaꞌ smoton Dios chcꞌot yaꞌel. Lec chil yuꞌun jaꞌ xa jech smoton tscꞌan li Diose.

Jaꞌ yuꞌun scꞌan scotol cꞌacꞌal acꞌo calbetic coliyal Dios ta sventa ti liscoltautic xa li Cajvaltique. Yuꞌun jaꞌ smoton Dios chcꞌot cuꞌuntic ti ta jtꞌabbetic slequilale. Acꞌo caltic ta jamal ti quichꞌojtic ta muqꞌue.

Joꞌoxuc li nupul tsꞌacaloxuc xae, mu me xamuculsati abaic, ichꞌo me abaic ta cꞌacꞌal. Ti ta xicꞌ sbaic jun vinic schiꞌuc jun antse, maꞌuc mulil ti ta schiꞌin sbaique. Yan li buchꞌu jaꞌ noꞌox ta xmulivajique jaꞌ mulil. Jech ta onoꞌox xichꞌic ichꞌbeel scꞌopic yuꞌun Dios li buchꞌutic jech ta spasique.

Mu me xachꞌay ta avoꞌonic ti chacꞌuxubinic li buchꞌutic mu xavojtaquinic ti chcꞌot ta anaique. Yuꞌun oy buchꞌu jech ispasic ta voꞌone. Ta sventa ti jech ispasique, oy bu yajꞌangel Dios iyotesic ta snaic. Mu snaꞌic mi jaꞌ yajꞌangel Dios ti iyotesique, tsꞌacal to iyaꞌiic.

Acꞌo scoltaoxuc li Diose, jaꞌ li buchꞌu chispasbutic ta jun coꞌontique, schiꞌuc li ischaꞌcuxes loqꞌuel ta smuquenal li banquilal Cajchabivanejtique, jaꞌ li Cajvaltic Jesucristoe, li jaꞌ ta sventa li schꞌichꞌel chijcol o sbatel osile. Ti ta jcꞌan chascoltaic li Diose, jaꞌ to jech xuꞌ avuꞌunic chapasic li cꞌustic leque, jaꞌ li cꞌusi tscꞌan li Diose, li cꞌusi lec chile. Chayacꞌbeic ti acꞌo pasuc avuꞌunic ta sventa ti avichꞌojic ta mucꞌ li Jesucristoe. Ta xꞌichꞌe ta mucꞌ sbatel osil li Diose. Jech acꞌo cꞌotuc ta pasel.