Populære bibelvers fra EFESIOS 3

Del

Li Dios li ta xꞌabtej ta coꞌontique echꞌem schꞌultsatsal sjuꞌel. Jaꞌ yuꞌun más to xuꞌ tspas li cꞌusi ta jcꞌanbetique. Mu jtabetic yoꞌon Dios li cꞌu sba tsnope. Ta más to chacꞌ talel li cꞌusi ta jcꞌanbetique. Jaꞌ yuꞌun joꞌotic li snichꞌnabutic xa li Cristoe, acꞌo quichꞌtic ta mucꞌ sbatel osil. Jech acꞌo cꞌotuc ta pasel.

Ta sventa ti toj lec yoꞌon li Jtotique, jaꞌ yuꞌun ta jcꞌanbe ti acꞌo yacꞌboxuc más stsatsal avoꞌonic ta sventa li Chꞌul Espíritu li yacꞌojboxuque. Jaꞌ yuꞌun chavacꞌbe sventain o avoꞌonic li Cristoe yuꞌun achꞌunojic ti jaꞌ cꞌuxoxuc ta yoꞌone. Yuꞌun mi sloqꞌuel coꞌontic jchꞌunojtic ti cꞌuxutic ta yoꞌone, jaꞌ chquiltic o ti toj cꞌuxutic ta yoꞌon li Cristoe. Yuꞌun toj echꞌem xa noꞌox cꞌuxutic ta yoꞌon, joꞌotic li snichꞌnabtacutic li Diose. Mi avacꞌoj ta avoꞌonic ti toj cꞌuxoxuc ta yoꞌon li Cristoe, jaꞌ noj o ta avoꞌonic li cꞌustic leque jech chac cꞌu chaꞌal yoꞌon stuc li Diose.

Jaꞌ ta sventa Cristo ti oy xa stsatsal coꞌontique, ti mu xa xijxiꞌ xijqꞌuexav ta stael ta naꞌel li Diose, yuꞌun jchꞌunojtic ti liscoltautic xa li Snichꞌone.