Populære bibelvers fra 1 CORINTIOS 3

Del

Naꞌic me ti schꞌulnaoxuc Dios yaꞌel acotolique yuꞌun te oy ta avoꞌonic li Chꞌul Espíritu ti junic schiꞌuc Diose.

Li yoc na yaꞌele li más tsots scꞌoplale, jaꞌ li achꞌunic xa ti ta scoj jmultic icham li Jesucristoe. Mu cꞌusi yan scꞌan xachꞌunic.

Joꞌone jaꞌ noꞌox a jtsꞌun ta avoꞌonic yaꞌel li scꞌop Diose yuꞌun joꞌon baꞌi a calboxuc. Li Apolose jaꞌ a yatꞌes yaꞌel yuꞌun jaꞌ a stsatsubtasboxuc avoꞌonic ta sventa li Diose. Pero Dios ti ichꞌi yuꞌun yaꞌele, yuꞌun jaꞌ la sjeltaboxuc avoꞌonic. Li joꞌone muc bu tsots cabtel yuꞌun jaꞌ noꞌox a calboxuc li scꞌop Diose. Li Apolose muc bu tsots yabtel eꞌuc yuꞌun jaꞌ noꞌox a stsatsubtasboxuc avoꞌonic. Jaꞌ tsots yabtel stuc li Diose yuꞌun jaꞌ la sjeltaboxuc avoꞌonic.

Yuꞌun coꞌol chijꞌabtejcutic schiꞌuc li Diose. Coꞌol schiꞌuc sbalumil Dios la avoꞌonique, yuꞌun jaꞌ te ta xꞌabtej li Diose. La avoꞌonique coꞌol schiꞌuc jpꞌej na ti yacal ta svaꞌan yaꞌel li Diose yuꞌun jaꞌ te yacal ta xꞌabtej li ta avoꞌonique.

Li cꞌu sba la jpascutic jujununcutique, ta tsꞌacal ta xacꞌ ta ilel ta cꞌocꞌ li cꞌalal ta xcꞌot scꞌacꞌalil ta xacꞌ jtojoltic li Diose. Jaꞌ to te ta xvinaj o mi xcuch yuꞌun cꞌocꞌ li cꞌustic laj cacꞌcutique.

Li buchꞌu a yalboxuc li scꞌop Diose schiꞌuc li buchꞌu a stsatsubtasboxuc avoꞌonique coꞌol noꞌox ta xil li Diose. Li cꞌu sba lijꞌabtejcutic yuꞌune, jaꞌ jech jtojolcutic chijyacꞌbuncutic.

Mu me xaloꞌlo aba atuquic. Mi oy buchꞌu pꞌij ti jaꞌ noꞌox sventa osil balumile, acꞌo me mu stoy sba yoꞌ jech ch‐acꞌbat spꞌijil yuꞌun li Diose.