Populære bibelvers fra San Mateo 27

Del

Upévo Jesús hatã osapukái he'ívo: —Elí, Elí, lemá sabactani?” he'iséva: “Tupã che Jára, Tupã che Jára, mba'ére piko che reja cheño?”

Upévo pe ao pyguasu osãingóva Tupaópe osoro mbyte rupi, yvate guio yvývo. Yvy oryryipa, ha umi ita ojekapa. Umi omanóva oñeñotỹha juru katu ojepe'apa, ha heta imarangatúva, omano vaekue, oikove jey.

Jesús katu osapukái hatã jey, ha omano.

Pe ñorãirõhára ruvicha ha umi hendive oĩva oñangareko haguã Jesús rehe ohechávo pe yvy ryrýi ha umi mba'e ojehúva, okyhyje eterei, ha he'i: —Kóva niko añetehápe Tupã Ra'y ra'e.

Upe asaje pyte guive ka'aru mbyte rupi peve, yvy tuichakue opyta pytũmbýpe.

Pilato oporandu chupe kuéra: —Mba'épa peipota ajapo Jesús, pe Mesías oje'ehágui? Opavave he'i: —Emosãingo kurusúre. Ha Pilato he'i chupe kuéra: —Mba'e ivaíva piko ojapo? Ha'e kuéra katu osapukái hatãve: —Tosãingo kurusúre.