Populære bibelvers fra Génesis 42

Del

Ut queꞌxye chi ribileb rib: —Relic chi ya̱l nak xoma̱cob riqꞌuin li cꞌaꞌru kaba̱nu chak junxil re laj José, li ki̱tzꞌin. La̱o quikil nak quirahoꞌ saꞌ xchꞌo̱l riqꞌuin li kaba̱nu re. La̱o incꞌaꞌ quikil xtokꞌoba̱l ru nak quixtzꞌa̱ma chiku nak takatokꞌoba ru. Xban aꞌan nak xchal li raylal aꞌin saꞌ kabe̱n, chanqueb chi ribileb rib.

Laj José, aꞌan li nataklan saꞌ li tenamit Egipto ut saꞌ rukꞌ aꞌan quicana xcꞌayinquil li trigo. Eb li ras laj José queꞌcuulac riqꞌuin ut queꞌxxulub rib saꞌ chꞌochꞌ chiru.

Nak laj José quirileb ru, aꞌan ticto quixnau ruheb nak aꞌaneb li ras, abanan quixba̱nu rib nak incꞌaꞌ naxnauheb ru. Kꞌetkꞌet caꞌchꞌin laj José nak quira̱tinaheb li ras. Quixpatzꞌ reheb: —¿Bar xexchal chak la̱ex? chan reheb. Eb aꞌan queꞌchakꞌoc ut queꞌxye re: —La̱o xochal Canaán. Xochal arin chixlokꞌbal caꞌchꞌinak li katzacae̱mk, chanqueb re.