Populære bibelvers fra Éxodo 11

Del

Li Ka̱cuaꞌ Dios quixye re laj Moisés: —Jun chic li raylal tintakla saꞌ xbe̱n laj faraón joꞌ cuiꞌ anchal saꞌ xbe̱n li tenamit Egipto. Ut riqꞌuin aꞌan texcanab chi xic laj faraón. Aban moco caꞌaj cuiꞌ ta texcanab chi xic, texra̱lina chi junaj cua.

Ut telajeꞌca̱mk li xbe̱neb e̱ralal. Ma̱ jun teꞌcolekꞌ. Usta la̱at aj faraón, kꞌaxal nim a̱cuanquil, ta̱ca̱mk li xbe̱n a̱cualal. Ut teꞌca̱mk ajcuiꞌ xbe̱n ralal la̱ mo̱s ixk li ti̱c ma̱cꞌaꞌeb xcuanquil. (Chixjunileb li xbe̱n ralaleb laj Egipto talajeꞌca̱mk, li cuanqueb xcuanquil ut li ma̱cꞌaꞌeb xcuanquil.) Ut talajeꞌca̱mk ajcuiꞌ chixjunil li xbe̱n ral li queto̱mk. Saꞌ li tenamit Egipto chixjunileb li cristian japjo̱keb re chi ya̱bac xban xrahileb saꞌ xchꞌo̱l. Ma̱ jun sut rabiom li ya̱bac chi joꞌcan chi moco ta̱abima̱nk mokon.

Junxil yebil chak re laj Moisés nak li Ka̱cuaꞌ Dios quixye re: —Laj faraón incꞌaꞌ ta̱abi̱nk cha̱cuu xban nak toj tincuaj tincꞌutbesi lin cuanquil chiruheb chixjunileb li tenamit Egipto.