Populære bibelvers fra Xhun 2

Del

As a' u b'axa k'uchb'al tetz u tijle'm u Jesús uva' kat ib'ana. As a' kat ib'ankat tu u tal tenam uva' Caná uva' echen tu u Galilea. As kat ik'uch ve't Aak uva' nim talchu ve't Aak. As aal chit ik'ujb'a' ve't unq'a ichusulib' Aake' ik'u'l sti'.

As ech tal ve't Aak ile': —¿Txutx, kam ni tokkat u yole' uve' naal sve? Tan ye' ileje'te uva' la unk'uch u vijle'me' te unq'a tename',— ti'k Aak.

As ech tal ve't u Jesús ile' te unq'a lochonaale': —Enoosataj unq'a lo'che' ta'n a',— ti'k Aak. As inoosa ve't chajnaj unq'a lo'che'. As tul noo ve't unq'a lo'che', as ech tal ve't Aak ile': —Eteesataj el tzan unb'ooj uve' at tu u lo'che'. As b'en etaq'taj te u ilol tetz isuuchil u nimla q'iie' ti' teq'ot tib' me'al ik'aol umaj uxhchil,— ti'k Aak.

As ech tal ve't u Jesús ile': —K'uxh la ete'pu u kab'ala', as la untxakpisa titoxvu q'ii,— ti'k Aak.

As ipaatx'u ve't Aak uma'l u tz'u'm. As ilaq'b'a ve't el Aak unq'a uxhchile' skajayil uve' nik k'ayin unq'a ikaneero'e' tuk' unq'a ivaakaxhe'. As imak'e'l Aak vipuaj unq'a naje' uve' nikat jalon puaj. As ipilq'u ve't Aak unq'a imeexha chajnaje'. As ech tal ve't Aak ile' te unq'a k'ayin paroomaxhe': —¡Eteq'otaj el unq'a etetze'! ¡Ye' kuxh etoksa u tostiixhe' sk'ayib'alil, tan tetz vunB'aale'!— ti'k Aak.