Populære bibelvers fra Hebreos 3

Del

Pet aal la iyak'insa tib' etaama sevatzaj jun q'ii ti' u k'ujleb'al ek'u'le' ti' Aak. As eb'antaj cheel, aq'al uva' ye'l umaj ex la etiib'isa etaama ta'n u paave' uve' ni tal imaxtib'et ex.

Atoj enachb'al, vitz'in vatzik, aq'al uva' ye'l umaj ex la eteesa kan etib' k'atz u islich Tiixhe', as ye' la etoksat etaama ti' u va'lexhe', as ti' iyansal vetxumb'ale' ti' u k'ujleb'al ek'u'le' ti' Aak.

Tan asoj chab'amal qatin ti' u k'ujleb'al kuk'u'le' ti' u Cristo techal tul Aak unpajte eche' uva' nik kub'an sb'axa, as at ve't qokeb'al ti' unq'a nimla b'a'nile' uva' la aq'ax sqe ta'n Aak.

as ye' la etiib'isa vetaanxelale', eche' uva' kat ib'an unq'a tename', tul uva' kat ul ve't ivi' u Tiixhe' ti' unq'a tename' tu u tzuukin tx'ava'e', tan nik isa' tootzita' ma la ib'an Aak moj ye'le kam uva' kat tal Aak.

Esti'e', vitz'in vatzik, ex uva' ex itenam Tiixh, antu ve't o' uva' kat imolo o' u Tiixhe' setuk' ti' qetzit u nimla b'a'nile' k'atz Aak. As qitz'ataj setuk' ti' u Jesucristo uva' chajel tzan ti' kulochpe'. As Aake' u nimla oksan tetz iyol tenam vatz u Tiixhe', eche' uva' ni tal u yole' uva' chusel ve't sqa'n.