Populære bibelvers fra 2 Timoteo 2

Del

As la aaq' yak'il ti' ab'anat u b'a'ne' vatz u Tiixhe', aq'al uva' ech axhe' eche' umaj b'a'nla aq'onvil uva' ye' la ch'ixvi vatz u b'aal aq'one' ti' u taq'one' uva' kat ib'ana. As axh b'a'nla chusunaal ti' u jikla yole'.

Esti'e' ni val see uva' la eesa eeb' vatz unq'a va'lexhe' uve' nib'an unq'a txul aamae'. Pet aq' yak'il ti' ab'anat u b'a'ne' as ti' ak'ujb'a't ak'u'l ti' u Tiixhe' as ti' ooksat aama ti' Aak tuk' unq'a qitz'in qatzike' eche' nu kub'ane', jank'al o' uva' ni nachon Aak, as o' uva' josq'imal ve't u qaanxelale' ta'n Aak.

As ye' la ib'ane' uva' a' kuxh u yaaib'e' la kub'ane', jank'al o' uva' o' ik'am u Tiixhe'. Pet b'a'nla aama o' xo'l unq'a uxhchile' skajayil la ib'ane'. As at kutxumb'al ti' kuchusune' xo'l unq'a uxhchile' uva' jit eela kutxumb'al stuk'. As ye' la pal kuk'u'l ti' qalat isuuchil te unq'a uxhchile'

As k'uxh jit jik uva' nu kub'an vatz u Tiixhe', pet ech koj Aak, tan jik chit nib'an Aak sqi', tan ye' nijalpu Aak itxumb'al.

aq'al uva' tuk' chit b'a'nla aamail la kub'eya te unq'a uxhchile' uve' nich'o'n taama sqi', tan kamal la ib'ane' uva' la itxum u Tiixhe' ivatz unq'a uxhchile' ti' uva' la ik'axa tib' ti' tootzit u jikla chusb'ale'.

As ye' la aaq' tokeb'al unq'a chusb'ale' tavi' uva' ye'l itxa'k, tan ab'il uva' la aq'on tokeb'al unq'a yole', as a' la eq'olkat b'en tu u va'lexhe' ta'n unq'a chusb'ale'.