Populære bibelvers fra 1 Xhun 2

Del

As tuk val sete sekajayil, etoksak etaama ti' unq'a va'lexhe' uve' nib'anchu vatz u tx'ava'e'. As mita'n unq'a vatz tx'ava'illa txumb'ale' la etoksa etaama sti', tan ab'il uva' la toksa taama ti' unq'a va'lexhe', as jit ve't u Tiixhe' nixo'ni. As jank'al unq'a va'lexhe' uva' ni tuch vatz u tx'ava'e', eche' u tacha'v vichi'ol unq'a uxhchile', tuk' tacha'v vivatze', as tuk' uva' ni toksa je' iq'ii ti' u tx'iib'al iq'iie', as eche' a' koj u Tiixhe' ni alon ste. Pet a' unq'a vatz tx'ava'illa txumb'ale' ni alon ste.

As la pal ve't unq'a va'lexhe' tuk' unq'a tacha'v vichi'ol unq'a uxhchile' uva' nib'an vatz u tx'ava'e'. Pet ech koj unq'a uxhchile' uve' la niman kam uve' nisa' u Tiixhe', tan a'e' at itiichajil k'atz Aak ti' chit ib'ene'.

tan ab'il la alon uva' chab'amal chit ve't tok taama ti' Aak, as techal la ib'an u b'a'ne' eche' uva' nib'an Aak.

Vitz'in vatzik, ech exe' me'al unk'aol. As nuntz'ib'a b'en unq'a yole' sete ti' uva' ye' la paavin ex. Asoj at umaj o' kat paavin o', as at uma'l u oksan qetz vatz u Tiixhe'. As a'e' u Jesucristoe' uva' jik chit itxumb'al.

tan ab'il uva' ech la tal ile': «Ootzimal ve't u Tiixhe' sva'n,» chaj la tale' as tul ye'l unq'a itzaq'it Aake' ninima, as chulin yol kuxhe', tan ye'l u jikla yole' at tu u taanxelale'.

Asoj la kunima unq'a itzaq'it u Jesúse', as a' texhlal tetze' uva' ootzimal ve't u Tiixhe' sqa'n

Ab'il la alon uva' ech tatine' eche' umaj uxhchil uva' nixaan vatz u saje', tan a' u b'a'ne' nib'ane' uva' ni tale', as tul ni tixva uma't u titz'in tatzik uva' ni niman u Tiixhe', as a' uxhchile' uva' atiltel tu u q'ej toktoe'.

As ootzimal unq'a chulin yole' sqa'n, tan a' unq'a uxhchile' uva' ni alon uva' jit Cristo u Jesúse'. As a'e' uva' eela vitxumb'ale' tuk' u uxhchile' uva' la ul toksa tib' eche' uva' nib'an u chulin yole' uva' nitoksa tib' Cristoil, tan ni tixva unq'a uxhchile' u Kub'aal Tiixhe' as tuk' viK'aol Aake' unpajte.

As ab'il uve' la ixvan viK'aol u Tiixhe', as ye'le ato'k k'atz u Tiixhe'. Pet ab'il uve' ni niman viK'aol u Tiixhe', as at ve't ok k'atz u Tiixhe'.