Populære bibelvers fra 1 Corintios 5

Del

Pet tu u u'uje' tuk untz'ib'akat b'en isuuchil u yole' sete ti' uva' ye' la emolo etib' tuk' unq'a uxhchile' uva' nimamal u Tiixhe' sta'n uva' ni tale'. As tul nitel ib'an u va'lexhe', eche' unq'a uxhchile' uva' a' kuxh u puaje' ato'k taama sti', tuk' unq'a nachol tze' tiixhe', tuk' unq'a uxhchile' uva' nipaatzine', tuk' unq'a q'ab'a'mile', as tuk' unq'a eesan puaje' ti' vimoole' tuk' chuli yol. As jank'al unq'a uxhchile' uva' ech vitxumb'ale' as ye' la uch etx'a'n stuk'.

As la val sete, la eteesa el u va'lexhe' sexo'l eche' teesat el unq'a tiaal Israel u tx'amla q'otae' tu unq'a ikab'ale' tu u nimla q'iie'. As ech ve't exe' eche' u b'a'nla q'ota la eb'ane', tan ye'l ve't epaav at vatz u Tiixhe'. Tan kat yatz'pu u Cristo sqi' ti' teesat el u kupaave' eche' nik tulb'el u kaneero'e' tu u nimla q'iie' uva' pascua.

As ye' vokeb'al ti' unb'anat isuuchil unq'a uxhchile' uva' jit kumool qib' stuk' ti' inimal u Tiixhe'. ¿As ma ye' nib'en sete uva' exe' la b'anon isuuchil unq'a uxhchile' uve' at sukuxo'l? Tan Tiixhe' la b'anon isuuchil unq'a uxhchile' uve' jit kumool qib' stuk' ti' inimal Aak. Esti'e' ni val sete uva': Eteesataj u uxhchile' sexo'l uve' ni b'anon u va'lexhe'.