1
2 Tesalonia 2:3
O LE TUSI PA'IA - Ekalesia Katoliko Roma
RSCB
‘Aua ne‘i fa‘asesē se tasi ‘iā te ‘outou i se togafiti e tasi; auā e lē o‘o mai lenā aso, se‘ia mua‘i ‘ona taunu‘u o le tēte‘a ‘ese, ma ‘ia fa‘aalia mai o le tagata o le amio leaga, o le tagata lea o le malaia
2
2 Tesalonia 2:13
A o i matou e tatau ‘ona matou fa‘afetai i le Atua e lē aunoa ‘ona o ‘outou, le ‘au uso e, ē ‘ua alofagia e le Ali‘i, auā na filifili le Atua ‘iā te ‘outou nai le amataga ‘ia fa‘aolaina i le fa‘apa‘iaina e le Agaga, ma le fa‘atuatua i le ‘upu moni.
3
2 Tesalonia 2:4
o lē tete‘e atu, ma fa‘amaualugaina o ia e ia, e sili i mea uma lava ‘ua ta‘uatuaina, ma mea uma ‘ua ifo i ai tagata, o lea ‘ua ti‘eti‘e ai o ia i le malumalu o le Atua, o lo‘o fa‘aali mai o ia, o le Atua lava o ia.
4
2 Tesalonia 2:16-17
O lo tatou Ali‘i lava o Iesu Keriso, ‘atoa ma le Atua lo tatou Tamā, o lē ‘ua alofa mai ‘iā te i tatou, ma na foa‘i mai le fa‘amatala loto e fa‘avavau, ma le fa‘amoemoe lelei i le alofa tunoa. ‘Ia fa‘amafanafana atu e ia i o ‘outou loto, ma ‘ia fa‘atumauina ‘outou i ‘upu lelei uma ma galuega lelei uma.
5
2 Tesalonia 2:11
O le mea, fo‘i lea e ‘auina atu ai e le Atua ‘iā te i latou le galuega e fa‘asesē ai, ‘ina ‘ia latou talia le mea pepelo
6
2 Tesalonia 2:9-10
O lona sau fo‘i e pei o le galuega a Satani lea, i le mana uma, ma fa‘ailoga, ma vāvega pepelo, ma mea fa‘asesē uma o le amio leaga i ē a fano; auā ‘ua latou lē talia le ‘upu moni ma le fiafia i ai, ‘ina ‘ia fa‘aolaina ai i latou.
7
2 Tesalonia 2:7
Auā o lo‘o galue nei lava le mea lilo a le amio leaga, ‘ae lilo ai na ona se‘ia ‘ave‘eseina lē o fa‘alavelave.