Populære bibelvers fra LOPNA 2

Del

Peter disiya: Hamgiya, gigekaw jargiya ma fi baptisma hay semda vi Yesu Kristu, kay gida vi sulukŋa vigiya; nala nigi ma fi vulda vi Ŋusta-Peldetta.

Nisi so tuwsi hay hatta vi sa apostolayna, hay tapta-kepta, hay ɓuraw-funa hiɗi siɗawta kaw.

Nisi kaf hob hiɗi Ŋusta-Peldetta, tun caw law hay vun mara'a mara'a, kuɗ vulda ma Ŋusta vul tisi a di'e.

Ɗuw na kayn suwan may wuralawni pa ki bir ma ŋolla nala, nam hob ziyda ta nisi lakay haya'ta. Sin ki kuta nala ma ɓuraway goy tam tuwam pa, ɓet mus kay gige gige jarsiya. Nisi kaf hob hiɗi Ŋusta-Peldetta, tun caw law hay vun mara'a mara'a, kuɗ vulda ma Ŋusta vul tisi a di'e.

Hay buurta kaf hay so-tuwta, nisi lakay hay Tempella, hay varta kepe, nisi li ɓuraw-fun vutoŋo, ti tina visiya hiɗi firita vi dikga ma ŋal klasna kaw. Nisi subur Lawna, sumuna kaf di ŋaata kisiya, hay buurta kaf Bum-Sumuna ka tap sa suɗina jar sa ekklesiyana.

Van ma li nala hay buur ma cawna, din mi Lawna, Nan ma ɦok Ŋusta van goy kay sumun kaf, Guro-jufayna hiɗi guro-boyna vigiya ma di vun-jobta, Sa joriyona vigiya slen ma vul tuwam kirsiya, Sa maariyana vigiya kaw duwayt ma disiya.

Nisi sa viyna kaf tapay kepe, slena visiya tapay kepe kaw. Nisi gus farayna hiɗi slena visi goyo, nisi ɓuraw sle ma nisi fumay kuɗumna kay sumun kaf, kuɗ va ma san minimna minimna.

Nala gigekaw ma yi sem Bum-Sumuna ma fi su'da.

Fatta ma muɗ jufunu, Tilla ma muɗ busuwu kaw, Jew a buurta vi Bum-Sumuna ma'a, Buurta ta ŋolda hiɗi gajijit kuɗa'ta.