Populære bibelvers fra Luka 6

Del

Amupe babyaanu shintu nshibatacite, Lesa alakwe ndyeshi akamupe nshemutacite. Lesa ulaakumupa mucipimo cibotu cishindailitwe kashisempooka. Cipimo ncemupiminaamo bamwi alakwe Lesa nceshi akamupimineemo.”

Muntu uli kabotu ulaamba shibotu shili mumoyo wakwe, alakwe muntu mubiibi ulaamba shibiibi shili mumoyo wakwe mukwiinga muntu ulaamba shiswite mumoyo wakwe.

Sombi mwebo mutaciti boobo, amusune balwani banu alimwi akucita shibotu kuli mbabo. Amukweleteshe kutamba ayi bakamuboosheshe. Lyalo mulaakuba acilambu cinene kwiculu. Mulaakuba bana bakwe Lesa wa kwiculu Wiindaawo uyo ucita shibotu kubaabo bataluumbi ababiibi.

Amube ankuumbu bweenka mbuli Ishiwanu wa kwiculu.

“Mutoomboloshi bamwi kwaamba ayi amwebo Lesa atakamoomboloshi. Mutapi muntu mulandu kwaamba ayi mutapekwi mulandu amwebo. Sombi amumulekelele, Lesa alakwe ulaakumulekelela.

“Ono noonse nomutoonkutika ntoomwaambila ayi, ‘Amusune balwani banu alimwi akucita shibotu kubaabo bamupatite. Amubasengele coolwe kuli Lesa abo bamushingana alimwi abaabo bamupensha akubapaililaako.

Amucitile bantu bamwi bweenka mbomusuni ayi bamucitile.’

Na muntu wakuuma kulicili, piluluka akuume kulimwi alyalo. Na muntu wabwesa cakufwala cako capeculu, mupeteewo acakufwala camukati. Aba cintu kumuntu woonse wakusenga, alimwi na muntu wabwesa cintu cako, utamwaambili ayi acibooshe.

“Taaku cisamu cibotu ceenga cacata shisepo shibiibi, nabi cisamu cibiibi kucata shisepo shibotu.

Nkokwaamba ayi cisamu cili coonse cilashibilwa kushisepo nshecicata. Taaku muntu uyapa nkuyu kucisamu ca myuumfwa nabi minyansa kucisamu ca kankoloŋonso.