Populære bibelvers fra Lugu 12

Del

Seḭje kara waje dɔ gɔl rɔ sí síje ne dɔkəji sí’g kəgəgə tɔ, mbata Ŋgon-dəw lé a ree dɔ kàr gə́ seḭ si go̰je lé el.

Nɛ saŋgje ɓeeko̰ lə Ala kédé ɓa néje lai neelé a kar sí dɔ’g ɓəi.

Tɔɓəi yeḛ tel təa ula dee pana: Undaje rɔ sí ɓad dɔ nékəmkəḭ gə́ rara kara, mbata nékiŋga gə́ dəw sí danee’g bèdèg ɓa gə́ kuma̰ karee si ne gə kəmə lé el.

Mbata loo gə́ nébao lə sí to keneŋ ndá lé neelé meḛ sí a to gə́ keneŋ kərm tɔ.

See na̰ ɓa mbuna sí’g ɓó lé mée pélé wəs-wəs dɔ rəa’g ndá askəm kar ləb-siée ḭ ŋgal ne gə kuree ɗegəse gə́ kédé ɓəi wa.

Tɔɓəi yeḛ un ta ula njékwakiláje pana: Gelee gə́ nee ɓa ma m’ula sí ne təsərə: Arje meḛ sí pélé wəs-wəs dɔ rɔ sí’g el wɔji ne dɔ nésɔ sí’g əsé dɔ né ko̰ rɔ sí’g el.

Seḭje lé yiŋga dɔ sí ya kara yeḛ tura dee dém-dém tɔ. Bèe ndá ɓəlje pai godo, mbata gad sí-seḭ lé to ɓai-ɓai unda ka̰ tḭtḭje gə́ bula lé.

Seḭ koso-nékulje ləm, ɓəlje el, mbata Bɔ síje lé wɔji-kwɔji kar sí ɓeeko̰ lé gə meendakaḭ ya.

Oreeje kəm sí sḭ dɔ ga̰-ga̰je’g oo deeje. Dee lé dubu né el ləm, d’inja kó el ləm, dee d’uru bwa ɓa d’ɔm né keneŋ el ləma, dee d’ur dam ɓa d’ɔm né keneŋ el ləm tɔ, nɛ Ala nja gə́ njekul dee ya. See gad sí-seḭ lé ur dɔ ka̰ yelje gə́ d’aw tar lé ɓai-ɓai el wa.

Bèe ndá seḭ lé arje meḛ sí pélé wəs-wəs dɔ rɔ sí’g ar sí pajena: See ɗi ɓa j’a sɔ wa, əsé see ɗi ɓa j’a kai wa lé maji kar sí paje bèe el.

Ɓó lé Ala lé gə́ njekar muje d’ḭ ma̰də nɛ mu gə́ ḭ ma̰də ndɔ kára ba ɓa bèlè d’inja yel ne pər mee pil’g ɓəi nɛ ɓəd ɓa see yeḛ a lal kar sí nékula rɔ sí’g wa, seḭ njémeekunje gə́ əḭ el.

Né gə́ rara gə́ d’udu dəa gə́ d’a lal teḛ gə́ raga lé kára kara godo ləm, né gə́ rara gə́ iya rəa gə́ d’a lal gəree lé kára kara godo ləm tɔ.